اخيرا لقيت لمعه للجسم مثل ممثلات هوليود *بالصور*

مجتمع رجيم / المكياج و العناية بالجسم و الشعر والعطور
الــشـــامـــــخــــــه
آخر تحديث: 30 سبتمبر, 2020
السلام عليكم ورحمة الله وبركاته


دايما ليما اشووف ممثلات هوليود بالتلفزيون او بالصور .. دايما دايما دايما يلفت نظري لون جسمهم ولمعته !

الجسم ..
1- صااافي ولونه واحد .
2- لونه برونز حلوووو .. لون الشامبين او الخمري .. برونز على ذهبي .
3- فيه معه خياليه لاهي كثيره اللي تلالي وتكسر العين ولا خفيفه ما تبين !! وهي حلات اللمعه انها تكون نااعمه


و وايد تلاحظون هالشي على بيونسي .. و جينفر لوبيز .. لندسي لوهن .. ايفا لونغوريا .. وغيرهم

والصراحة لمعتهم تاخذ العقل .. واااااااااااااااايد تعجبني ..



قبل فتره اشتريت منتج من بينفت << وينك يا ارتوسته !!!

اعتقد واايد ناس يعرفونه .. بس للي ما يعرفونه حبيت اعرفهم فيه << يعرفونه وما تعرفون وعرفونا

هالمنتج اسمه hollywood glo وجاي على شكلين .. سائل (للوجه وممكن استخدامه للجسم ) ومضغوط ( للجسم ) .. قبل جم يوم استخدمتهم .. روووعه .. وااايد حلوين .. وانا عموما ما احب استخدم البرونز مو حلوو علي ! لكن هذولي برونزهم روووووووووووعه .. ويخليج تلمعين بشكل واااايد رااقي .. واايد حبيته وناسبني لاني احب اللمعات اللي بهالطريقه الناعمه


هذا شكل السائل الخاص للوجه ..

*بالصور* 640a934176.jpg


وعلى فكره ترى هالمنتج ^^ جائزه عالميه ( من افضل منتجات تجميل شتاء 2005 )

وممكن تخلطونه ويا الاساس .. او ممكن بعد تخلصون مكياجكم تحطون شويه منه على الخدود .. وعلى عظمة الخدين .. وعلى طووول الانف .. وللعلم هو ما يعطي لوون برونز برونز (اسمر ) كثر ما يعطي لمعه برونزينه خفيفه ولونه برونز ناعم على وردي << ماني عارفه اوصف اللون بس اللون وايد حلوو الصراحة



وهذا اللي للجسم ..

*بالصور* 0be190dcf5.png

وهو مثل الاولي ما يعطي لووون قووي .. كثر ماهي لمعه بلون ناعم .. يعني لو انتي متعوده تحطين اساس على جسمك .. حطي كريم اساس ثم حطي هذا فوقه !
وتجي معاه اسفنجه كبيره .. وقوام مثل الفاونديشن المضغوط .. نااااااااعم



وطبعا اذا تبين شكل جسمك يبين مثل ممثلات هوليود .. اخذي لك تان .. او استخدمي سيلف تان .. او روحي سوي جلسه برونز .. اللي ترتاحين له .. واستخدمي هاللمعه على جسمك بعد ما تصيرين برونز .. راح تبينين مثلهم واحلا ان شاء الله << عاد مو تطولين تحت الشموس على اساس تصيري برونز واخرتها تحترقين واخذ اثمك



ان شاء الله عجبكم هالموضوع الخفيف اللطيف الظريف .. << ما صار موضوع !!!!!!

والله اني حابه افيدكم .. ولا ابي منكم غير صالح الدعاء ..

موفقات جميعا
أنجليكا
آخر تحديث: 30 سبتمبر, 2020
الله يجزاك خير يارب

مميزه دائمآ
مسلمة
آخر تحديث: 30 سبتمبر, 2020
الــشـــامـــــخــــــه
آخر تحديث: 30 سبتمبر, 2020
تسلمو حبوبات عالمرور السريع


وربي يسعدكم
ليلى الكاظم
آخر تحديث: 30 سبتمبر, 2020
مشكورة ويعطيكى الف عافية
لولــى
آخر تحديث: 30 سبتمبر, 2020
الشـــــــــامخه وانتي شامخه بمواضيعكـ يا الغاااليه..

تسلمين يا عمري...
الصفحات 1 2  3 

التالي

الخيار.. علاج الشيخوخة والشباب .. ؟؟

السابق

لو تهمك شفايفك صدقينى مش هتندمى

كلمات ذات علاقة
ممثلات , للجسم , لمعه , مثل , لقيت , اخيرا , بالصور , هوليود