كان نفسى أجيله ماشى جابنى على وشى

كان نفسى أجيله ماشى ! أحيانا تدفعنا الظروف مضطرين للسير فى طريق كان علينا فى الأصل اتيانه اختيارا ... يعنى أحيانا يبقى قدامك طريق المفروض انك تمشى...

مجتمع رجيم / أرشيف رجيم
راجية لرضا الله
اخر تحديث
كان نفسى أجيله ماشى جابنى على وشى


كان نفسى أجيله ماشى !


أحيانا تدفعنا الظروف مضطرين للسير فى طريق كان علينا فى الأصل اتيانه اختيارا ...

يعنى أحيانا يبقى قدامك طريق

المفروض انك تمشى فيه ...وترفض إنك تأتيه.. ! و دا اختيارك!

ويُعرض عليك ألف مرة وترفض إنك تأتيه !


وبعد كدة تضطر أن تأتى هذا الطريق رغم أنفك ... !!


عشان كدة بقول كتير إن الناس اللى ربنا بيحبهم بيوصل لهم دعوة

اهتدى قرب ، من ربنا

توب


وهو مشغول بالفلوس ،مشغول بالشهوات ،مشغول بالمعاصى ،مشغول بدنيا

مشغول عن الله

فالله جل جلاله يبتليه ليأتى به رغم أنفه ..



فيضطر يقول :

يارب

ويمشى فى السكة اللى ربنا كان بيدعوه إليها ,
تعالى بالراحة

تعالى بالراحة



ولذلك فبما اننا فى مدرسة الحياة



هانقول القصة اللى قولناها كتير

ولكن نقولها تانى لأنها من مدرسة الحياة


قلت قبل كدة قولت إن أحد الشباب كان فى كلية تجارة

ولد طيب مؤدب

وهو فى سنين الكلية كان ما شاء الله عليه فى الدعوة

كانت ماشاء الله لحيته كبيرة,

نشاط فى الدعوة ،فى المدرجات يعطى كلمة ,

ويكتب قبل دخول الدكتور على السبورة كلمة,


نشاط



طلب علم وسعى وجهد



تخرج ومدخلش الجيش _يبدوا أنه كان وحيد والديه أو لا ادرى_ المهم أنه مدخلش الجيش

وبدا يبحث عن شغل
فاتت سنة واتنين,
عيلته من العائلات الكبيرة فى القاهرة عندهم معارض سيارات,
فعرضوا عليه يشتغل فى معرض سيارات



طبعا جاتله بنوك .....

شركات بتاعت ربا ..


راح اشتغل فى معرض السيارات



طبعا فى البداية بدأ يتنازل عن التزامه خطوة خطوة

وبعد شوية

الفتن !!



ومعارض السيارات الى بيدخلها !!



مين؟؟!!



طريقة التعامل مع النساء والتعامل مع الكبار



والسجاير حوليه

بدأهو من نفسه من غير ما حد يقوله حاجة يقصر لحيته شوية

بدا بأه يستحل ما كان يراه حراما ,

لحيته خفت كمان شوية ,

النظر للنساء والتعامل مع النساء والمكالمات فى التليفون للنساء والصحوبيات




ونحن فى كل هذا معه

يابنى انتى رايح فين؟؟؟؟؟؟؟!!

هتروح فى داهية كدة !!هتضيع نفسك!!



يقول لالا يا شيخ اللى زيى ميضعش

أنا عارف كويس

بدا يخوض فى امر النساء و...............



أنت ضعت!!!



قال لاء مضعتش ...
هما سنتين أكوِّن نفسى وأعملى معرض, اعتبرنى مسافر سنتين
وانا راجع لربنا لأنى أنا عارف ان اللى أتا فيه ده غلط ...


كثيرون من الناس يغرهم أنه عارفه ان الى هو فيه ده غلط! وأنه ناوى يتوب منه!

فيغتر ويتلهى بهذا الامر


كتير من الناس جدااااا



لما تقوله قول عيوبك عارف عيوبه كويس



لما تقوله قول ذنوبك عارف ذنوبه كويس


تخرج منها ازاى ؟؟؟ عارف ازاى يخرج منها

عارف كويس جداااا ازاى يتعظ ويبطل ذنوب ويبقى كويس



بس مبيعملش حاجة!!



يفضل مغرور جدا بهذا الأمر!

مغرور إنه هو عارف أن ده غلط!



يقول يارب سامحنى واصبر عليه وانا هبقى كويس


ولكن



إن ربك لسريع العقاب وإنه لغفور رحيم

هو غفور رحيم .... وسريع العقاب ...



مهو مش بمزاجك !



مينفعش.مش هنلعب



مش لعبة هى
ده ربك عزيز

عزيز لا يغالى



قوى لا يحتاج لأحد




الشــــاهد

عدوا السنتين وفوجئت أن أمه بتتصل بيه


الحق! ده فلان فى حميات العباسية

خير ؟!ايه الى حصل؟؟!!!!!!!

قالتلى جاله إيدز



إيدز!!!!!!!!!


روحتله .بصلى



وإنتم عارفين مريض الايدز لما الناس تعرف إنه عنده ايدز بيبقى شكله وحش أوى ..
خزى

الناس كلها بتهرب منه!

لقيت عنيه المكسورة



قال الجملة المشهورة



كان نفسى أجيله ماشى



جابنى على وشى ...





كان نفسى أرجعله بإرادتى



جابنى رغم أنفى




كان نفسى أرجع على رجليه



رجعتله على ظهرى



ومــــــــات الرجل



اسأل الله ان يرحمه رحمة واسعة



ارجو ان يكون تاب قبل ما يموت




بـــــس!!



الخطــــــــــــــــــــــــــــر!!

هناك فرق بين من ياتيه مطيعا راغبا محبا وبين من يأتيه رغم انفه

فى فرق بين الى بيرجع لربنا وهو مريد محب ومقبل



عشان كدة الرسول صلى الله عليه وسلم يقول

(خير النفقة أن تُنفق وأنت صحيح شحيح تخشى الفقر وتأمن الغنى )

يقول الله (يا بن ادم أنّى تعجزنى وقد خلقتك بمثل هذه حتى اذا بلغ التراقى قلت اتصدق !

وأنّى أوان الصدقة !.



هى دى مدرسة الحيـــــــــــــــاة



هى دى مدرسة الحيــــــــــــــــاة

_________________

*قد قضى الله تعالى قضاء لا يرد ولا يدفع ان من احب شيئا سواه عذب به ولا بد وان من خاف غيره سلط عليه وان من اشتغل بشئ غيره كان شؤما عليه ومن اثر غيره عليه لم يبارك فيه ومن ارضى غيره بسخطه اسخطه عليه* ~ابن القيم~
اللهُم اجعلنا لك كما تُحِب وترضى...................
راجيه عفو ربها
اولا حبيبتى جزاكى الله خيراً
العنوان ملفت والقصة جميل
من الاجمل أن ناتى ونلجاء الى الله بأنفسنا
فالله عز وجل يحب العبد الذى يأتية رجاء وطمعاً فى رحمتة
وحب لطاعتة فهنا يأتى العبد يمشى الى الله
رزقنا الله واياكى السير على طريق الحق
وجعلنا ممن يظلهم الله تحت ظلة
يوم لا ظل الا ظلة
لى همسة : حبيبتى واضح من لغتك إنك مصرية
أهلا وسهلا بيكى بيننا
لكن حبيبتى لغتنا لا يفهمها الكثير من الآخوات
الرجاء إستعمال اللغة العربية الفصحى لكى تعم الفائدة للجميع
نورتى القسم الاسلامى ننتظر جديدك بشوق
مودتى
*بنت الإسلام*
بارك الله فيك
تذكرة طيبة
وقصة فيها عظة وعبرة
*
*
*
نور المنتدي بما انتقيت لنا
شكرا لك
* أم أحمد *


أختي الغاليه مع شديد الأسف موضوعكِ مكرر
وهذا هو


كان نفسي اجيله ماشي .. بس للاسف جابني على وشي !!!

التالي

ان شاء الله هاخس يعنى هاخس قبل العيد

السابق

التصميم والخياطة بنات اذا تحبو شاركوني

كلمات ذات علاقة
لاشي , مخجله , يابني , على , نسي , نفسي , كان