مشكلتي مع بذور الكتان

مجتمع رجيم / الحمية و الرشاقة و الرجيم
رنيم_2007
السلام عليكم اخواتي
وانا حابه احكيلكم تجربتي مع الكتان ويارب تستفيدو منها
انا من قريب اسبوعين وما زلت استعملها
اخد كل يوم على الريق معلقتين كبار من مجروش بزر الكتان مع معلقتين لبن روب
وكمان معلقتين كبار قبل ما انام والعب رياضه ساعه
اول اسبوع نزلت كيلو وهاي تاني اسبوع زدت 2 كيلو وما حسيت باي اعراض لا اسهال
ولا اي شي يذكر الا تاخير الدوره لانه كان موعدها باول يوم اخدت الكتان فيه
وولليوم ما اجت ما العلم دورتي منتظمه من زمن
ما بعرف ازا حد من الاخوات صار معها نفس الشي
اكمل فيها والا اتركها
مع العلم بشرب كل يوم تلات كاسات شاي اخضر صيني
ارجوكم انصحوني
بنت الاردن
وعليكم السلام ورحمة الله وبركاته
اهلين فيك اختي رنيم
عزيزتي الجرعة الي بتاخذيها عالية
المفروض ما يتعدة معلقة في اليوم
سواء مع اللبن او مغلي
راي اوقفيها حتى تاتيك الدورة ثم بعد ذلك ارجعيلها اذا حابة تكملي
وراقبي دورتك واي تغير ممكن يحصل معك
انا استخدمتها وما اثر على الدورة عندي
وطبعا بختلف من جسم لاخر
رنيم_2007
السلام عليكم
والله يعطيكي العافيه خيتي بنت الاردن
ويسلمو عى النصيحه
انا راح اوقفها متل ما حكتيلي
بس عندي سؤال الكل يستغرب لانها ما عملت عندي اسهال
مع العلم الكميه الي اخدها مش قليلة شو بتكون المشكله
ولو فيها غلبه شو الطريقه الي اخدتيها فيها وكيف كانت النتائج

وتحياتي
بنت الاردن
وعليكم السلام اختي
مو غريب اختي لانها اصلا ما بتعمل اسهال لكن ممكن تعمل
تليين للبراز اكرمك الله يعني بكون البراز مو صلب كتير وممكن تزيد عدد
مرات دخولك للحمام
انا استعملتها ملعقة صغيرة صباحا مجروشة ومغليه مع نصف كوب ماء
واتركها حتى تبرد واشربها واكرر نفس الشي مساءا قبل النوم
ويجب مع جرعه الصباح تمارسي رياضة حتى لو
تمارين بسيطة لمدة ربع ساعه على الاقل
وايضا اكثري من شرب الماء بعد تناولها
انا استخدمتها اسبوع وبعدين سافرت فما بان كتير نتائجها من حيث تنزيل الوزن
ولكن لاحظت انها سدت نفسي عن الاكل بشكل واضح
وما عملتلي اسهال او الم بالبطن زي البعض
هاي تجربتي وان شاء الله رح اكرر التجربة بعد فترة بس اشتري منها كمية جديده
اي سؤال اخر تفضلي
دينار
والله بنت الاردن جزاها الله خيرا قدمت اجمل نصائح

انا عن تجربة تعبتني والله من اول مرة يمكن المشكلة فيا كل جسم يختلف عن الاخر

ان شاء الله ننحف بالف خير
احلى دندونة
حبيبتي

انا ايضا اخذتها لمده 3 ايام

وتعبتني كنت بلليل بحس بهبوط شديد فخفت واوقفتها

وسمعت انها فعلا بتلغبط الدوره
الصفحات 1 2 

التالي

سلطات دايت

السابق

للرشيقات واللي اوزانهم مثالية فقط,,والدبدوبة تدخل للاستفادة

كلمات ذات علاقة
مشكلتي , الكتان , بذور