هلا بنات سوري أنا مادخلت أمس لأني كنت مشغولة شوي
فبقولكم شو صار
مافطرت أمس لأني كنت راقدة فلما قمت
كليت الغدا : بيضة مسلوقة + 3 توست
بعدين في الليل كليت دجاج مشوي و سلطة
جدول اليوم:
الفطور : بيضة مسلوقة + 2 توست + حليب قليل الدسم
الغداء: تونة بماي مب بزيت+ خيار
العشاء:2 توست + خيار
بس اذا ماقدرت أقوم للفطور بخلي الأكل للعشا
___
هلا مس توتة مبروك حبيبتي و ما شاء الله عليج و تستاهلين كل خير يا الغالية
. . . .
هلا عاشقة الهوى حياج حبوبة و ان شاء الله توصلين للوزن اللي تبينه آمين ^^
. . . .
ام سما و جنا يا مرحبا اختي حياج و ان شاء الله توصلين للي تبينه آمين ^^
و لا تأنبين عمرج ترا هذا يؤثر على نفسيتج و مايخليج اوكي ويا الريجيم
لا تخافين انتي ما كلتي شي فيله زبدة وااااايد أو سمن أو شي يمتن كثيير
و انتي قدها و قدود بتلتزمين مره ثانية و بتوصلين للي تبينه ^^
. . . .
كويتية مزيونة مبروك عرسج يا حبيبتي و انا بعطيج تمارين ان شاء الله تستفيدين منها
(1):
تمرين لشد البطن:
خليج نايمة على الأرض و لا تخلين ريولج على الأرض لا خليهم على شكل الجبل و خلي مسافة بين ريولج الثنتين > ما شاء الله حلو التشبيه خخخخ
و خلي بعد ايدج ملاصقة لجسمج و حاولي ترفعين راسج بس تخيلي انه تحت ذقنج تفاحة فلا توصلين ذقنج لعند صدرج ...
فأرفعي راسج و خلي مسافة شوي بين صدرج و ذقنج ...
(2) :
تمرين لتنحيف الخصر
خلي قعدتج نفس التمرين الأول و نفس الطريقة لما ترفعين راسج و لكن في هالتمرين تروحين مرة بإتجاه اليمين و مره بإتجاه اليسار
سويها على الأقل ثلاث مرات بالأسبوع
وترا مهمة سالفة انج تحطين مسافة بين صدرج و ذقنج
_____
بنات ما سمعتوا عن رياضة البيلاتس
اللي من خلالها في تمارين لشد الذراعين و هم :
ان شاء الله بقولها لكم قريبا ...
