مجتمع رجيمالحمية و الرشاقة و الرجيم

اضحكى علي جسمك ونزلي وزنك

ايزيس مصر 10:06 PM 07-25-2011


السلام عليكم ورحم الله وبركاتو

ازيكو ياجماعة ايه اخباركو اتمنى تكونو مبسوطين دي اول مشاركة ليا ومن تجربنتى والحمد لله ماشية عليها ومبسوطة جدا الوزن اللي بخسرو دهون والحمد لله لا اسمرار تحت العين ولا دوخة وارق ولا اي حاجة كانى مش عاملة الرجيم
وعلشان كده حبيت اقولهالكو
بس اولا لازم تعرفي انتى وزنك المثالي كام احنا عارفين ان الكيلو جرام الواحد فيه7000 كالوري يعنى لو جسمك الحالي بيستهلك فاليوم
الواحد 2000 كالوري وعايزة تنزليه يبقي لازم تقللي من السعرات الحرارية دى فممكن تخدى وجبات فاليوى تحتوى علي 1000 كالورى لتنقصي كيلو واحد فالاسبوع


طب لو مثلا مثلا مثلا يعنى عملتى رياضة ممكن يبقي كيلو ونص معلومة مهمة لو وزنك اعلي من ستين ممكن تنزلي اكتر لان جسمك يحتاج سعرات حرارية اكتر ولما تنقصيها ممكن تنزلي من 2 الى 3 كيللو

طب ازاى تعملي كده من غير ضعف وارهاق انا هقولك
صلو عالنبي عليه الصلاه والسلاة
دا النظام اللي مشيت عليه لاسبوع ونزلت 2 كيلو الحمد لله انا عمري 17 سنة ووزنى 62 وطبعا كنت ممتلئة الارداف والمؤخرة بعكس زمايللي اللي كانو بيتريقو عليا كنت من جوايا بتقطع بس بضحك في وشهم ودلوقتى بعد اسبوع واحد شفت الفرق وسعيدة جدا الحمد لله قولو ما شاء الله
هههههههههههه بصو بقي اول ما تصحى في الباح الباكر ومعدتك المستوحشة تريد التهام اطباق واطباق مما استباح وطاب اديها علي قفاها واضربيها بالدزمة
و وروحى اشربي كوباية مية وبعديها بنص ساعة تناولي افطارا يتناسب مع حميتك انا مشيت علي 700 سعر يعنى 250 فطار و460 غدا ومكنتش بتعشي فانا كنت اصحى الصبح اضرب كوبايتين مايه صاقعة واخد دوش وبعدين انظف الشقة اصلي الضحى واقرا قران لحد الظهر اصلي الضهر وبعدين افطر
كوب نسكافيه باللبن (بودرة) ونص رغيف عيش ومثلث جبنة واخيرا من 12 ل13 جرام شيبس والمجموع 60+100+37+50 يساوى 247
وحاجة مهمة لما تعودى جسمك علي وقت طعام معين بمرور الوقت مش هتحسي بجوع الا لما يقرب الميعاد جدا
اما الغدا فكان الساعة 6 وكنت باكل اي حاجة فالحدود دى مثلا واحدة اندومي من غير الزيت مع 12 جرام شيكولاتة وطبف فواكه مشكل 300+55+100يساوى 455 وكدا وهقولكو علي شوايه حاجات كنت بكلها ممنوعة من الرجيم ولكنى نزلت لانى ضحكت علي جسمى ايوه ضحكت عليه مش احسن ما اضحك علي نفسي لان الخضار المسلوقة والفراح المسلوقة واواد الكرافس متنفعش معايا انا مقدرش اقاوم المحشي ولا الكشري الملهلب ولا صينية البسبوسه فرمضان اضحك علي جسمى اسهل فلو جسمك اتعود علي اكلات ومعينة ومرة واحدة انقطعت هيحمى نفسو ونزولك هيقل كلي كل حاجة بس فحدود نظامك اعمليه لنفسك وامشي علية لو تعمليه 1000 متتخطيهوش ونوعي يعنى يوم 1000 بالظبط ويوم 1100 ويوم 900 فجاي جسمك وخضيه كده اعمليله فاجئيه عشان يحترم نفسيتو وينزل والرياضة يا قوم الرياضة اتمشي كده انتى وهيا عالسطوح مثلا او اتلككى وانزلي الشارع اطلعي السلام وانزليها كل يوم نص ساعة رياضة ويارب ننزل انا نفسي اوصل 50 ادعوللي
ايزيس مصر 10:21 PM 07-25-2011
ودى حاجات كنت باكلها فاليوم في حدود الرجيم او السعرات وهى من ممنوعات الرجيم اقال ممنوعات قال
12 جرام شيكلاتة 55

قشدة حوالي 40 جرام 90

بيضة مقلية فى 5 جرام زبدة155

لب 20 جرام122

موزمصري 60ل100جرام 55

مانجو 125 جرام 75

عنب 100 جرام 80

بودنج شيكولاتة125 جرام 160

ايس كريم 75 جرام 155

مربي 30 جرام74

معلقة سكر 5 جرام 20 وبالهنا
منايا1977 10:40 PM 07-25-2011
يسلمو حبيبتي على موضوعك المميز
تستاهلي التقييم على التجربه وكتابة موضوعك بنفسك
وينقل لقسم الموضوعات المميزة
ايزيس مصر 10:58 PM 07-25-2011
ميرسي يا قمر
abanita£ 11:20 PM 07-25-2011
حلووووووووووو قووووووووووي
ما شاء الله عليكي
فرصة مجنونة 11:58 PM 07-25-2011
مشكورة ياقمر
1 2  3  4  ... الأخيرة
كلمات ذات علاقة
.