خدعوك فقالوا>>>

مجتمع رجيم / الحمية و الرشاقة و الرجيم
كتبت : حلم سيكون
-

خدعوك فقالوا(اللي تبغى تنحف تسكر فمها واللي تبغى تسمن تشتغل بلع)

في نصايح في المنتدى للاسف مرة مضايقتني

معليش بس البنات اللي يقولوا اشتغلي بلع 24 ساعة...(اذا ربنا سبحانه وتعالى قال وكلوا واشربوا ولا تسرفوا)) ...
يعني عشان البنت تسمن لازم تكون اخت للشيطان؟؟

والبنات اللي يوصوا النحيفة ويقولولها كلي شيبسات ودهون ونشويات قد ما تقدري ...
يعني عشان تسمن لازم تجيب لنفسها الامراض من سكر وكليستيرول؟؟؟

وبالنسبة للي تبغى تنحف فيه كمان بعض النصايح اللي ما انزل الله بها من سلطان وماهي على اساس علمي..

الحقيقة اللي ابغى اقولها ان ..زي ما السمنة خلل بالجسم يسبب تخزين دهون..كمان النحافة خلل بالجسم..
يعني المفروض تعالجي الخلل مو تزيديه...عشان كده فيه ناس صاروا يشتكوا من السمة المفرطة بعد ما كانوا يعانوا من النحافة..ما عملوا شي غير انهم انتقلوا من نوع مرض لنوع مرض تاني..

رجاء حطوا قاعدة في بالكم وامشوا عليها طول حياتكم...مفتاح الوزن المثالي الوصول لجسم صحي متوازان...اي خلل نفسي او عضوي في الجسم يؤدي الى اما الى نحافة زائدة لمن يميل جسمهم وراثيا لفقدان الوزن او سمنه لمن يميل جسمهم وراثيا لزيادة الوزن...

كل وحدة قبل ما تفكر تعمل نظام معين سواء للسمنه او للنحافة ..لازم تتعالج نفسيا (اذا كانت تعاني من احباط او اكتئاب..توتر...وغيره) وعضويا (اذا كانت تعاني من فقر دم ...سوء هضم ... قلة في الكتلة العضليه ...وغيره)

بعدين مو لازم تغير حياتك فجأة عشان ما تعملي لجسمك صدمة...بس ابدأي دخلي في نظام حياتك اكل صحي وحاولي قدر الامكان تبتعدي عن الاكل الضار..حاول تدخل اشياء زي (حليب ,عسل, مكسرات ,شعير ,شوفان.....)كل اكل خلقه ربنا وفيه فيتامينات ومعادن تحسن المزاج وتحسن الشهية (ومافي مانع من المكملات الغذائية زيادة عليها)..

اسفة اذار كان الكلام مو مرتب ...بس ما قدرت اسكت وانا شايفة بعض البنات الله يهديهم ينصحوا نصايح ممكن تؤذي اخواتهم عن جهل ..
وسامحوني اذا ضايقت احد بكلامي.
كتبت : أميرة كل النجمات
-
حبيبتي يعطيكي العافية
كلامك صح مية بالمية
وانا اول وحدة بوافقك بهل راي
يسلمو حبيبتي وان شاء الله بتنحفي بصحة وسلامة
كتبت : منايا1977
-
مشكووووووره والله يعطيك الف عافيه
كلامك صحيح اختي حلم
والسمنه كمان ممكن يكون سببها اخطاء مستمرة في عاداتنا الغذائية

كتبت : دينار
-

التالي

الحل السحري لمشكله الفخود والارداف

السابق

كل امرأة نحيفة تدفع ثمن ملابس الثمينة؟!

كلمات ذات علاقة
خدعوك , فقالوا>>>