ريجيم رمضآن إزا حابة تشتركي إتفضلي

أهلا وسهلا فيكي يا د.منـــــــــــى ... فيكي كل يوم تدخلي إذا حابة و تكتبي شو عملتي ( يومياااتك ) ولااا تنسي أهم شي انو يوم الجمعة اذا الله راد تدخلي وتكتبي الوزن اللي وصلتيلوووو حتى لو مانقصتي لكن تواجدك انت وباقي المشتركااات يوم الجمعة مهههههههههههههم جداً ولازم تكتبو الوزن اللي انتو بتكونو عليه حتى لو مااااااا نزلتووو
.
.
.
وإن شاء الله توصلي لهدفك

اليوم أنا رح يكون نظامي


عند آذان المغرب
1- تمرة واحدة
2- كوب لبن خالي الدسم
3- كوب ماء

بعد الصلاة بصير وقت الفطور رح يكون
1- كاسة شوربة
2- ربع صحن = أكل صحي أو قريب من الصحي بدون خبز
3- سلطة أو الفتوش

الحلو
مارح آكل شي ورح أشرب شاي أخضر

الرياضة
رح حاااول اليوم أمشي ساااعة وإزا ما مشيت رح أعمل رياضة غير رياضة المشي وإن شاء الله تكون لمدة ساعة + شغل البيت

السحور
ما رح أتسحر رح أشرب لبن

هيدي أكلي لليوم و إنتي شوووو ؟

هاي بنت لبنان
بدنا التشجيع وينك؟؟
و انا راح تكون يومياتي هيك:
الكالسيوم: نص كوب لبن خالي الدسم بالفطور+ كوب زبادي بالصحور
النشويات: قطعة صغيرة خبز او ملعقة او 2 معجنات المهم اللي نطبخو
البروتينات: قطعة صغيرة لحمة
السكريات: اللي يالتمر+اللي بالفواكه
الدسم: لا لا لا يمكن اللي بينطبخ بيها الاكل مو اكتر
السوائل: ميه و شاي بالزنجبيل
و الاهمم الرياضة: كل يوم ساعة و انوع مو مشي بس
وان شاء الله نخس

دكتورتنا النفسانية الصغيرة بنت لبنان
الواضح انو عيادتك انشهرت و كتروو المرضى
"اجاك مريض و فهمتي منوو انو كتيير متفائل في كتير اشيا و يمكن تتحقق و يمكن لا .... انتي بتعرفي انو اذا ما تحقق حلمو راح تصيبو خيبة امل" و مشان نربط ه الحالة بموضوعنا افترضي انو بيعمل ريجيم و هو كتير متفائل انو يخس"
هلا يا ريت تخففيلو شوي من ه التفاؤل لكي ما تصيبو خيبة
بالتوفيق

أهلين بنات..

انا اليوم على الفطور كليت ربع دجاجة مشوية مع 3 ملاعق رز ابيض مع سلاطة صحن حلو يعني.. وقبل الفطور شربت كوبيتين ماي كاملين.. والحينة الحمد لله حاسة وايد شبعانة

وما كليت تمر كلش.. وان شاء الله رح أشرب شاي أخضر "أبي أسأل ..الشاي الاخضر ماحط فيه سكر ابد؟؟ يعني ولا نص ملعقة؟؟ لانه وايد مر!!

منى حبيبتي أنا من جهاتي ولا معلقة سكر أنا هيك بحب الشاااااااااااااااااي والنسكافيه والقهوة وأي مشروب
.
.
أما إنت عشان تتحملي حوطي شوية سكر
بس الأفضل لاااء