مشكلتي مع حماتي

السلام عليكم ورحمة الله وبركاته

شخباركم بنوتات

الله يسلمكم ام زوجي توفت من زمان كان عمر زوجي تقريبا 10 سنوات
وتربى مع مرت ابوه ، كانت تعاملهم معامله قاسيه تقول لهم كلمات وسخه وتبخل عليهم في
المصروف لما احد يطلب منها فلس تقوم الدنيا فوق راسه ودايما معصبه عليهم مع انها يوم
تزوجت عمي تدري ان عنده اطفال وامهم الله يرحمها

المهم الحين سالفتي معاها
من انخطبت وهي حاطه دوبها ودوبي تسمي زوجي ولدها وهي اللي ربته مع ان زوجي يقول
انها لا تهتم فيه ولا تدري عنه ، في فترة الخطوبه قالت لي خلاص الحين انتي مسؤوله عنه تغسلين
ثيابه وتطبخين له (( سوتني مثل المتزوجه)) قلت يلا ماعليه مادام انكتب كتابنا فهو زوجي
كنت من اقعد اسولف وياها تتكلم عن عمات زوجي انهم مو زينين وان هي الطيبه
وووو وتقعد تشحن قلبي عليهم وفي الاخير لما تعرفت على عمات زوجي لقيتهم اطيب من الطيب
ولا يجيبون سيرة فلانه ولا فلتانه وطلعت هي اللي تعاملهم معامله مو زينه
وفوقها تروح لعمي ابو زوجي وتشحنه عليي مرت ولدك ما تساعدنا في الشغل مرت ولدك تخلي
ولدك دايما بيت اهلها واحنا ما يزورنا مع العلم ان عندها بدل الشغاله شغالتين
واذا راحت مع امها وخواتها يقعدون يحشون في العالم

كل هذا استحملته وقلت ماعليه بتزوح وبطلع في شقه بروحي

الحين تزوجت وصرت اروح بيتهم بس يوم الجمعه للغدى واذا اروح لازم ترمي كم نغزه
ايه الغدى اسويه بروحي اتعب وعسى يبين في عيونكم (( وهي اصلا ماتطبخ الخدم يطبخون))
كنت افكرها هي اللي تسوي الغدى ومن كثر النغزات صرت استحي اروح بيت عمي واذا رحت
اروح من وقت انتظرها تطبخ عشان بساعدها وما الاقيها اسال الخدم عنها يقولون نايمه
وهم مساكين يسوون الغدى وهي تنزل الساعه وحده وتحط الغدى عالسفره
وتقول تعبت من تسوات الغدى.

زوجي من كم يوم اشترى سياره فقال بيخليها في بيت عمي لان عندهم كراج فاضي
الاتقول له لا عيوني هذي بيتي والكراج بسويه مطبخ انت ليش ماخذ لك سياره (( مقهوره انه اخذ له سياره))
فراحت لاخو زوجي تقول له ليش ابوك اشترى سياره لفلان وانت لا قول له يشتري لك هو مو احسن منك

هذا شوي من سوالفها بس الداهيه انيحامل ومن درت اني حامل وهي مقهوره ماتبيني احمل
تبي هي تحمل وقاعده تدعي علي دعاوي حاره وانا من ةسمعت انها تدعي علي
وانا خايفه على اللي في بطني

محتاره كيف اتعامل مع هالانسانه ماتحب الخير لاحد ابد ونفسيتها خايسه*

كثيرا ماتكون الحماه مصدر ازعاج كبير للكنه ...كيف وهذه مرت ابوه...كوني حذره منها...واصبري ...واعملي بالآيه القرآنيه" لاتستوي الحسنه ولا السيئه"....احمدي ربك انها ليست معك بنفس البيت....عامليها بالمعروف ولو أسأت لك...واحتسبي ذلك عند الله انه لايضيع اجر من أحسن عملا

فعلا هدي لوحدها مصيبة الله يعينك عليها انا اشوف تخففي من روحاتك عندها
مو ضروري تروحي كل اسبوع روحي بالشهر مرة انتبهي على نفسك انتي حامل
لاتنكدي على نفسك وريحي اعصابك والمكان اللي بتنبسطي فيه روحي واللي
يجي منه الريح سدو واستريح على ايش لاتسولفي معاها كتير خلي علاقتك فيها
رسمية بيتك وزوجك اهم من كل شي لاهي امه ومايجي منها خير سوي الواجب
حق ابوه وهي لاتفكري فيها غير الحذر وسوي نفسك منتي فاهمة شي من اللي بتسويه
(سيد القوم من تغابى) صدقيني زوجك راح يمل من كتر ماتشتكي منها لاتجيبي سيرتها
ابد وخليكي بعيده عنها ترى اللي مثلها ما تتغير ولا تتعشمي الخير منها
والسموحة طولت عليكي

حبيبتي من رايي انك تتعملي معاها بحدود ومتعطيهاش مساحة للتدخل بحياتك ولازم زوجك يساعد في كده طالما نها ليست امه وليست حنونة عليه ومصدر للازعاج والمشاكل

وليس لها الحق في التدخل بحياتكم فيجب ان تعرف حدودها

وطبعا كل ده يكون بطريقة مهذبة وبالتدريج حتب لاتزداد المشاكل
وربنا يهديها ويصلح الاحوال

ارجوج نوادر الحنان انتي نفسج نوادر الحنان بتاع منتديات الخليفي انتي صديقتي وصارلي كثير ممكلمج

هذا مو نفس اسمي هناك بس احنة كنا كثير كثير صحبة