طريقة عمل الارز بالخلطة ممتاز

مجتمع رجيم / الأطباق الرئيسية
كتبت : دينار
-
26xp3tdoplt6.gif

12969827201134.gif


حبيباتي كلنا بنحب الارز بالخلطة اليكم طريقته نقلتها لعيونكم الحلوين


واتمني تعجبكم

276.jpg
نشوح بصله كبيره مبشوره او مفرومه في سمن بلدي
ثم نضيف 2 كوب رز مصري ثم نضيف معلقه صلصه طماطم جاهزه ونقلب حتي يسخن الرز جيدا
نضيف شوربه سخنه او ميه مغليه عليها مكعبين مرقه حتي تغطي الرز وتزيد بحوالي سم واحد
نضيف معلقه قرفه +معلقه فلفل اسود+ كيس تتبيله الرز ميلرز
نحرق معلقه سكر علي النار حتي تصبح كراميل ونضيفها
نضيف كبشه من الزبيب
نترك الرز يتشرب ونهدي النار ونضع تحته الشياطه ويترك في سلام حتي يستوي
يغرف في قالب من قوالب الكيك ويقلب علي طبق تقديم ويرش علي الوجه لوز محمر وزبيب محمر ويقدم






000003254.gif

ملاحظات صاحبة الوصفة

1- البصل لازم يكون مفروم كويس في الكبه او مبشور علي العين الرفيعه قوي لاننا مش عاوزينه قطع زي الرز البني بتاع السمك
لا احنا عاوزينه يدوب ومايبانش بعد السوا



2-لازم الرز يتشوح كويس قوي في السمن مع البصل والصلصه علشان يسخن كويس
يعني مش تقليبتين وخلاص
لا قلبي لحد ماتحسي انه هايبدا يطقطق
لانك كل ماهاتقلبي هاتضمني انه مش يعجن وكمان مش بياخد ميه كتير لانه يعتبر نص سوا



3-القرفه ضروريه جدا ولا يمكن الاستغناء عنها
حد هايقوللي ماباحبش القرفه هاقولله ماتاكلش رزبالخلطه اساسا
لانه لو شلنا القرفه هايبقي رز بالبصل عادي م




4- تتبيله الرز ميلرز بطعم اللحمه او الفراخ طعمها رائع ولكن ممكن نستغني عنها بباكو مرقه زياده



5-معلقه الكراميل علشان تدي لون غامق
علشان احنا مش محمرين البصل يا دوب متشوح فاللون بيبقي فاتح
لكن معلقه الكراميل بتدي اللون البني المطلوب
ماتخافوش مش هاتبان ومش هايبقي مسكر
لكنها مش اساسيه يمكن الاستغناء عنها


6-الزبيب ممكن مانحطوش جوا الرز ونكتفي باللي هايتحط علي الوش
لكن لما بنحط مع الرز شويه زبيب بيستوي وبيبقي طري وطعمه جميل



7- اللوز اللي هانزين بيه بنحطه في ميه مغليه لمده دقيقه لحد مالقشره تنفصل عن اللوزه
ونقشره كله ونحمره في السمن وقرب مايدخل علي التحمير نحط الزبيب يتحمر معاه
لان الزبيب مابياخدش وقت خالص يا دوب اول مابيتحط في السمن بينفش ويتنفخ وتحسي انه هايفرقع في وشك
وهنا طلعيهم علي طول وصفيهم ورشيهم علي الرز بعد ماتقلبيه علي الطبق اللي هاتقدمي فيه

منقوووووووووووووول


كتبت : مامت توتا
-
الله يا دينار
بس اكيد تكون احلى لما انتى تعمليها
وانتى شطوره على نقلك
وفعلا كتير بيحبوا الارز بالخلطه تسلمى
كتبت : ◕‿◕β.Ő.Ṩ.Ϋ◕‿◕
-
تسلمى لنقلك المميز يادندونتى

اليوم ان شاء الله بنزل طريقته ياقمر

عملته كذا مره فى رمضان

وانتى سبقتينى
كتبت : ناثرة المسك
-
كتبت : ملكة الكبرياء
-
كتبت : ~ عبير الزهور ~
-
يسلمو كثير ياقمر
اكيد بتكون اطيب واطعم من يدينك الحلوة
وافر الشكر حبيبتى

الصفحات 1 2 

التالي

خضار جزر و فاصولياء و لفت و بطاطا و بزلاء و بيض بالفرن

السابق

الجريش من مطبخي

كلمات ذات علاقة
ممتاز , الارز , بالخلطة , عمل , طريقة