راح نص الشهر والوزن محلك سر خخخخ حياكم ..

انا عاوزه اشترك معاكو يا جماعة انا كتير بحاول اعمل ريجيم بس كل مرة بلخبطة ومحتاجة تشجيع وخصوصا ان عندى مناسبة فى العيد وعاوزة يبقى شكلى حلو يس انا همشى على نظام 12 فى 12 انا معاكو من بكرة انشاء الله هبتدى اكتب اليوميات انا طولى 160 وزنى 70 ونفسى اوصل 55 يارب وفقنى

أنا كتبتلكم فطوري أمس لكن نسيت أكتب السحور..وكان سحوري صراحة هبل X هبل

اتسحرت 3 كاسات قهوة تركي (مكوناتها دايت) وموية...بس بالله عمركم شفتو أحد يتسحر قهوة؟!! الناس تبغى تنام وأنا أتسحر قهوة...


بس جد مرررره كنت مشتهيته (دوبي متعلمة طريقة جديدة لها من خالتي)..بس ترا يابنات لا تقلدوني..غلط كذا لأن كذا ممكن يجيك خفقان شديد ودوخة..

ونسيت أقلكم برضو إني بين الفطور والسحور شربت كوب شوكولاته ساخنة (مكوناتها دايت)+قطيعات دجاج(أعرف أن ضد قانون الغروب لكني ذكرتها عشان أكون صادقة معاكم ^_^)


وبالنسبة للوزن..


أنا وزني 60 ووزني المثالي (بالنسبة لكوني أقصر وحدة في شلة صحباتي وفي كل العايلة ) هو 50


وزني قبل الدايت 60 إلحين 59.5 !!!!يعني مانقص إلا شوية الشوية...بس يلا أنا لازم أعترف إن ارتكبت كم تجاوز كذه ودوبي لي يومين ثلاثة

انا طولي 173
وزني 84
هدف اول 80
هدف ثاني 75
هدف ثالث 70

وان شاء الله يا بنات اكون معاكم..

يامرحبا بكل المشتركات اسعدتوني بتواجدكم


رشاقه ابديه جيتي في وقتك لاني بديت احرف في الرجيم هههههههههه


بس دحين لازم انتظم



المهم اليوم فطوري >>> شوربا بس كم ملعقه وانا اشربها اتذكر كلامك انو الشوربه فيها تلاعب

فانسدت نفسي

وبعدووو شربت عصير وشاي

اما الخطاء الفادح وللامنه ابقولكم عليه اني اكلت سنبوسك >> انطرد

بس انا بعاقب نفسي وبسوي رياضه مده ساعتين >> انا بالمره مشتركه في تحدي الرياضه


ايوه انا وزني ياطويلات العمر : 57

وطولي : 146


الوزن المثالي 45

موشر كتله الجسم : 26 >> لازم يسير بحدود 19 الى 24


........................................


اما اللي تسئل عن وزنها المثالي ( حبيبه لولي ) فديتها

موشر كتله الجسم عندك دحين 29.03


عشان يسير متالي لازم يكون موشر كتله الجسم 19 بيكون وقتها جسمك بدون زوائد

حسبتها يعني يطلع وزنك بحدود 55

..................................................

بما ان القروب بدء يكبر

حبيت احصركم واشوف المشتركات


المشتركات


دلع راقي >> ياقلبو نبي نسمع اخبارك


حبيبه لولي

الطول : 166

الوزن : 80

جنى

الطول : 156

الوزن :63


رشاقه ابديه

الطول:

الوزن:59.5


د.منى

الطول :173

الوزن :84


جـــــيانا

الطول : 146

الوزن : 57


...

اللي حايتبعو نظام 12في 12

لولو 222

الطول :160

الوزن: 70



نور حياتي

الطول :ــ

الوزن :ـــ




وبكذا يكون حصرتكم كلوكم واللي يحب يشترك حياه الله


بنات لاتنسو الرياضه

عشان يسير الجسم مشدود وممشوق

هههه ضحكني كلامك يا جــــــــــيانا!

بس ترا أنا قاعدة أقول الصح اللي لازم نسويه مو اللي أنا قاعدة أسويه..لأن زي ماقلت شورباتي فيها تلاعب...واليوم خبصت


اليوم فطوري:

-شوربة مرقة دجاج (صراحة فيها قطع دجاج مشوي)

-كاستين عصير عنب << مفروض أشرب كاسة وحدة بس لأن العنب ماشاء الله مليان جلوكوز والكاسة الوحدة تعطي طاقة كفاية

-كوب قهوة تركي (طايحة عليها هاليومين) طبعا في الأصل هي أربع أكواب..بس تعرفوا أكواب القوة التركي الصغيييرة..فقلت 4 أكواب صغيرة= 1كوب كبير....غير إن القهوة التركي يبقى في النهاية كمية كبيرة من ال(حتل) إذا صح التعبير ماتقدري تشربيها


بنات عندي اقترااااح..ليش ماكل وحدة تقول إش مكونات شربتها أو قهوتها أو..الخ...عشان يستفيدوا البنات...وكمان لو تقدروا تحطوا صور..أحس كذا راح نتحمس...


حبدأ أنا بتطبيق هالاقتراح..


بالنسبة لشوربة مرقة الدجاج كانت عبارة عن مرقة دجاج معلبة من ماركة wild harvest + قطع دجاج مشوي في الفرن (بالنسبة للمرقة المعلبة..ترا سمعت انو المواد المعلبة تحوي مادة الصوديوم اللي تبطئ عملية الهضم<<مو أكيد سمعتو في المنتدة هذا)


أما عصير العنب برضو من wild harvest



وأخيرا القهوة التركي..عبارة عن قهوة تركي+حليب بودة منزوع الدسم +سكر مافيلو سعرات (يقولو إن هذي الأنواع فيها مادة اسمها اسبرتيم..وهذي سمعت إنها بقوة مضرة..طبعا هذي المعلومة سمعتها اليوم..فإذا ثبت هالشي راح أوقفه..وأستعمل الفركتوز)



بس صراحة أنا بعد التراويح انحرفت عن رجيم السوائل..للأسف..ولازم يكون في عقاب (منكم نتعلم يا جــــــــــيانا)..أكلت ربع علبة تونة كبيرة بالموية والملح..

وشربت عصير عنب كاسة وسويت لنفسي حلا كويكر<<سايل طبعا..وهو بالحليب المنزوع والشوفان العضوي والسكر الخالي من السعرات


عشان كذا ماراح أتسحر اليوم..أحس نفسي أكلت كفاية..