أحلى وأسهل كنافة بالمانجة ... لعيونكم

كل سنة وانتوا طيبين ورمضان كرييييييم
النهارده حقولكوا طريقة كنافة جامدة جدا وكل اللى أكلها عجبته

المقادير: كنافة - كريم شانتيه - مانجة مقطعة مكعبات

الطريقة:
1)حتجيبى الكنافة وتفركيها وتفكيها من بعض وتحطى عليها سمن وتقلبيها مع بعض زى بالظبط مابنعمل الكنافة العادية .
2) فى الطاسة حطى الكنافة واضغطى عليها كويس وسويها على الجانبين لحد ما تاخد اللون الذهبى الجميل بتاعها . ملحوظة (ماتدخليهاش الفرن لان الفرن بينشفها)
3) وبعدين إقلبيها فى طبق التقديم ورشى عليها شربات تقيل وهى ساخنة .
4) حطى عليها طبقة كريم شانتيه وإفرديها بالسكينة .
5) رشى عليها مكعبات المانجة.
6) زينيها بوردات من الكريم شانتيه والمانجة وبعدين دخليها الثلاجة تسقع .

وبالهنا والشفا

يعطيكـ العافية ياقمر

اكلة شهية ^^

class="quote">اقتباس : المشاركة التي أضيفت بواسطة جولي2000:
يعطيكـ العافية ياقمر

اكلة شهية ^^