مجتمع رجيموصفات اللحوم

حمام محشي مع طاجن رز معمر

احلي ماما 08:11 PM 08-19-2011

حمام محشي مع طاجن رز معمر
حمام محشي مع طاجن رز معمر

ده اول موضوع لي هنا في القسم
ولاني مش شطوره اوي يعني فيارب تستحملوني

النهارده مصوره لكم طريقة الحمام المحشي ومعاه رز معمر لحاله(يعني الحمام مش مدفون في الرز)
لان ابني الصغير بيحب الحمام جدا وبيحب ياكلها لوحدها مش مع الرز
يلا بينا نسمي بسم الله


نبدا بالرز المعمر

http://www.rjeem.com/up/images/vrq0ot4gc77kmr1pkni.jpg
ده الرز مغسول وحطيته في صينيه بايركس لان الصينيه الالومنيوم بتاعتي عند اختي
بس بجد بتطلع في البايركس حلوه بس الالومنيوم والطاجن احلي واحلي

المهم دول 3 كوب رز بحط عليهم 4 كوب حليب

http://www.rjeem.com/up/images/82cssnvnh6sqwt0wpsmg.jpg
وشوية ملح
ومعلقة قشطه او زبده او معلقة سمن بلدي (الموجود يعني)
وسر من عندي (كوب زبادي ادعكيه مع الرز والزبده قبل ما تضيفي اللبن هيخلوا الرز زي الفل وكأنك مزوداه قشطه)

http://www.rjeem.com/up/images/q79equpejpqfjt3zctk.jpg

والان نضعهم تحت الشوايه الي ان يتكون وش للرز
ثم نحطه في اسفل الفرن ونهدي او نطفي الشوايه الي ان يستوي الرز
و نشوفه بالمعلقه من جنب الصينيه علشان نتاكد انها استوت
وبعدين نطفي الفرن ونسيبها في الفرن شويه لحد ما الرز يستوي براحته(يتردد زي ما امي بتقول ربنا يطول في عمرها)

http://www.rjeem.com/up/images/l3bllg11zxsuck3rh0xi.jpg
وده شكله النهائي بس هي اتحمرت مني شويه والزبده باينه علي الوش


ثانيا الحمام المحشي
نغسل الحمام كويس من جوه ومن بره
ونغسل شوية رز ونحمره في طاسه علي النار
معيار الرز تقريبا فنجان لكل حمامه
وبعد مايحمر الرز نحط عليه بصلايه مبشوره وطماطمايه مبشوره وملح وفلفل اسمر وكمون حسب الرغبه
(انا نسيت اصور الخطوات دي)
نبدأ الان في حشو الحمامه من تحت وبصابع ايدنا ندخل الرز من جوه الحمامه للصدر

وناخد بالنا علشان منملاش الحمامه بالرز علشان متفرقعش مننا يعني نسيب مجال علشان الرز بيكبر لما يستوي
http://www.rjeem.com/up/images/o146zutk4ysqyqt25yk.jpg

وبعد مانحشي الحمامه نقفلها من تحت بالكبده والقناصه بتاعتها ونكتفها
ونسقطها في حله فيها ميه بتغلي ومعاها طماطمايه وبصلايه وفلفل اسود وحبهان وورق لوري

http://www.rjeem.com/up/images/b2cw2vj6y77ilaj6n1v.jpg
ولما تستوي نحطها في صينيه ونحمرها في الفرن (مننساش نحط عليها حته صغيره من الزبده علشان تتحمر حلو)او ممكن ندوب معلقة صلصه في شوية ميه وندهنها علشان تحمر لو عامله رجيم وبلاها الزبده

http://www.rjeem.com/up/images/cvh3vca5o104gv8o92y.jpg

وده الشكل النهائي
http://www.rjeem.com/up/images/v3bn5degsoav0qhtxi.jpg

والطبق ده ليكوا ياحلوين
http://www.rjeem.com/up/images/cioslu340o7jrbjm54pw.jpg

وبالهنا والشفا

ايه رايكم
Coeur de Rjeem 08:26 PM 08-19-2011
احلى ماما عندناااااااااااااا يا مرحباااااا يا مرحباااااااااااااا
حبيبه قلبي و الله فرحاااااانه اوي انك نزلتي وصفه من اديك يا قمرررررررررررر
يعطيك الف عافيه شكلو بيشهي
على فكره انا من المساء بتفرج في الصور بمعرض الصور و بقووووووووب يا ترى من الحلوه الي عامله الاكل
عشان اعزم نفسي ههههههه
نورتي حبيبتي احلى تقييم واحلى وسام
ويارب دايما تنزلي وصفاتك
http://www.esprit-feminin-masculin.c...divers-020.gif
❤ღ.. بريق أمل.. ღ❤ 08:27 PM 08-19-2011
يم يم يم يم يم
تسلمين شكلها مرة تجنن
طريقة رائعة جداً
وأكيد مذاقها أروع ماشاء الله عليكِ
رحيق العسل 12:41 AM 08-20-2011
أحلى ماما
والله شهتينا للاكل المصري
عاد انا والاكلات المصرية عشرة عمر وسنين
ههههههههههههههههههه
ربي يعطيك الف عافية
ولاتحرمينا طيب تواجدك في هذا القسم


°o.OجوليO.o° 01:34 AM 08-20-2011
ياسلاااااام ياعسل
مشهي وتسلم يداك عليه
بالهناء والعافية عليكم حبيبتي :)
فرفوووشه 01:49 AM 08-20-2011
تسلم الايادي الحلوة
ماشاء الله عجبني الحمام المحشي جداااا
1 2  3  4 
كلمات ذات علاقة
محشى , مع , لعمر , حمام , رز , طاجن