كيكة الكريم كراميل,,من يدي لاحلى بناات ^^
مجتمع رجيم / ركن الحلويات
كتبت :
°o.OجوليO.o°
-
كيكة الكريم كراميل ولا احلــــــــــــــى
بس تراااا اقول لكم من الحين اللي عاملة رجيم تطلع مالي خص اذا اخترب رجيمها هههه
يللا نبدا ^^
المقادير
طبقة الكيكة:
4\3 كاس سكر
1 وربع كاس طحين
2 حبة بيض
1 ملعقة صغيرة فانيلا
4\3 كاس حليب
4\3 كاس زيت
ملعقتين صغيرتين بيكنج باودر
مقادير طبقة الكريم كراميل:
2 كاس حليب بودر
2 كاس ماء
2 حبة بيض
1 ملعقة صغيرة فانيلا
1 ملعقة صغيرة خل
4\3 كاس سكر
لطبقة الكراميل:
10 ملاعق سكر
الطريقة......
حطي 10 ملاعق السكر ع نار متوسطة وخليه لين ينصهر ويصبح مثل الكراميل ويكون لونه ذهبي وانتبهي تخليهـ غامق مرررة واللا بيطلع معك مر
وشيليه من النار وضعيه بالصينية اللي بتعملي بها الكيكـ
وثم اخلطي جميع مكونات طبقة الكريم كراميل في الخلاط الكهربائي
وصبيه ع الكراميل
الحين نجي لعمل طبقة الكيكـ....
اول شي اضربي البيض مع الفانيلا بالخلاطة ثم اضيفي عليهم السكر والزيت واضربيهم جيدا جيدا
ثم اضيفي الحليب واخلطي
ثم الطحين والبيكنج باودر واخلطيهم جيدا بالخلاطة
واسكيبيه برقة ونعومة ع طبقة الكريم كراميل
لايجي ع بالكـ انه الطبقتين راح يندمجون مع بعض وانتي تسكبي راح ينمزجون بس اثناء الطبخ الطبقتين بتنفصل عن بعض ...اوعدكـ
بس انتي اسكبيه برقة ونعووومة ^^لازم تكوني مسخنة الفرن ع 180 درجة مئوية او 356 فهرنهايت وتدخليه الفرن بس قبل تحطين الصينية داخل صينية اكبر منها فيها ماء مغلي>>يعني تعملي حمام مائي
بس للاسف مااحس الصينية اللي تحت صينية الكيك واضحة بالصورة
المهم.....حطيه بالفرن نص ساعة ولاتفتحي عليها ابــــــــــــد
بعد النص ساعة افتحي و اغرزي الشوكة في عدة جهات من الكيكة
وثم خليها تكمل النضج
راح تعرفي متى نضجت اذا ادخلتي عود اسنان وطلع نضيف
وهذي شكل العروسة بعد النضج
صورة ثانية
اتركيها تبرد برا الثلاجة نص ساعة ثم دخليها الثلاجة عشان تتماسكـ
لان بعد كذا راح تقلبيها وتتفاخري بها قدام الضيوووووف ^^ فلازم تكون متماسكة عشان لايخرب شكلها
وعشان تقلبيها من الصينية اغلي ماء وحطيه بقدر>>نفس القدر اللي استملتيه للحمام المائي قبل شوي
وحطي صينية الكيكة عليه لمدة دقيقتين فوق الماء المغلي عشان ينصهر السكر اللي بتحت القاع وتنزل الكيكة بسهولة
شفتو كم صورة لها
اقوووووول لكم عرووووووسة هههههه
بصراحة لاني عاملة دايت بس ذقتها مااحبيت انزلها من غير ماعرف كيف طعمها >>وطلع واااااااااااااااو
بس حسيت بالامكان تقللي كمية السكر في الكريم كاراميل الى نص كاس بدل الثلاث ارباااع ^^
بناااااات هذا الموضوع من عمل يدي فرجااااااء ياعضوااااات ويازاااائرات وزائريـــــن عشان يحل النقل لازم يكون مع ذكر المصدر الا وهو جولي من منتدى رجيم
