ليش حبيبتي شدا
مش معقول انك تسيبي المنتدى وانتي نفسك بتقولي علمك معنى السعادة وكيق تكوني قوية
وعلمك كيف تحبي الدنيا وتطردي الهم
بصراحة ما معك حق خاااااااااااالص
انا عن نفسي من ساعة ما سجلت بالمنتدى عمري ما فكرت اني اسيبه خالص
ممكن مرات اتركه بسبب مشاغل بس بحن وبرجعله بسرعة
وما معك حق تقولي اني مالي وجود بينكم او ثقيلة عليكم
اللي بدها تحس بوجودها بتصنعه بنفسها
بتصنع صداقات وبتقويها مع الوقت
بتحاول تدخل على قسم فضفضة وتشوف مشاكل البنات وتقف معاهم قلبا وقالبا
بتكتب مواضيع مشوقة وجديدة وهادفة
وكمان بترد على مواضيع باقي البنات بكل حب وجدية واهتمام وشغف
بتهني اللي عندها مناسبة سعيدة
وبتعزي اللي عندها مناسبة حزينة
واشياء كتيرة ممكن تعملها الوحدة منا لما تكون بدها تحس بوجودها في المكان
بهالطريقة ما رح تملي ابدا ولا رح تفكري تتركي هالمنتدى الرائع اللي عمره ما ترك وحدة منا بدون مساعدة
احبك في الله واتمنى ان تعيدي التفكير والا تفكري حتى مجرد تفكير بترك المنتدى
في انتظار قرارك النهائي