مجتمع رجيمالحمية و الرشاقة و الرجيم

مع وردات رجيم....الميزانية دايما مظبوطه!!!!!

اقتباس : المشاركة التي أضيفت بواسطة ام البنات المؤدبات:
حبيبتي موضعك مميز جاء على الجرح بالضبط
الحقيقة اكره ان تكون المزانية بيدي لكن للاسف اضطر ان امسكها
لان زوجي للاسف مصرف بالدرجة اولى فلا تكمل معنا اسبوع واحدا
احاول تنظيمها بالورق والقلم
اقسم كل مستلزمات الشهر واضع لها مصروفها
واحب ان اشترى من المراكز التجرية الكبري حتى لا اضيع وقتي بين المحلات
اشتري كل شي حسب قائمة محضرة مسبقا
كما احاول الاقتصاد في البيت من كل شئ
والفائض اشتريه من نفسي خخخخخخخ
وبذلك اوفر المال لاشتري بعض الكماليات
هكذا والا المصروف يروح على الفواكه بانواعها اذا مسك زوجي الميزانية خخخخخخخخخخخخخ
هههههههههههههههههههه والله انا عارفة انه الجرح ده في كل بيت وده اللي خلاني افتح الموضوع ده لعل وعسي نتبادل افكار ممكن تساعدنا كلنا
ما شاء الله عليكي منظمة جدا وده اللي انا كنت متوقعاه منك لاني باحسك منظمة
بس انا عايزة اعرف ليه بتكرهي تكون الميزتنية في ايديك ولو تسمحي تقولي لنا ايه الاساليب اللي بتتبعيها للاقتصاد في البيت
اخيرا الف شكر علي الوسام مش تتخيلي اسعدنس ازاي واداني حماس شديد
بارك الله فيكي
اقتباس : المشاركة التي أضيفت بواسطة الدب الكسلان:
يويا ياقمر منوره القسم
وفكرتك جت في وقتها
لسه اناوجوزي كنا بنتكلم على الميزانيه

بالنسبه لي انااللي ماسكه الميزانيه بعد الدمار اللي عملو جوزي لماكان ماسكها
وببدأ كل شهر بتقسيمها يعني جزء للأكل جزء لأولادي جزء للميه وكل شهر بشيل منها جزء للادخار واتصرف على اساس ان الجزء ده مش موجود اصلا لكن احيانا على رأيك الميزانيه بتخرم واخد منه
انابشتري طلباتي كل اسبوع
واكثر حاجه نفعتي في تنظيم الميزانيه هي الورقه والقلم كل حاجه احتاجها اكتبها وكل حاجه اشتريها اكتبها شهر عن شهر بتتعلمي وتصححي اي غلط من الشهر اللي قبلو
وفي اتفاق عملاه مع جوزي عشان يبطل تبذير اي حاجه يشتريها انا مكتبتهاش في الطلبات هو اللي يدفع حسابها ومتتحسبش من مصروف البيت وطبعا بعد كم مره دفعتو ثمن الحاجه حرم يزود هههههههههههه
ونصيحه مني لو عايزه تنظمي الميزانيه متنزليش تشتري بنفسك اكتبي طلباتك في ورقه واديها لجوزك يجبها بالظبط لأن بصراحه احنا لمابننزل عنينا بتزغلل على كل حاجه ومبنقدرش نتحكم في المشتروات
ان شاءالله اكون افدتك
وانامتابعه معاكي عشان استفيد من افكار البنات

رغم انك مقله في كتاباتك الاان كل حاجه بتكتبيها بيكون لها قيمه ورقي وتميز
لاتحرمينا من ابداعك
ده حديث كل بيت يا حبيبتي لان اكيد الميزانية باظت بعد العيد وكمان دخول المدارس الله يعين الناس كلها ويوسع رزق الكل
بس ايه ده ؟ ده انا مش طلعت الوحيدة اللي جوزي مبذر ومطلع عيني ده احنا كلنا في الهوا سوي ههههههههههههههههههههههه
بس برافو عليكي انا ناوية اتبع السياسة دي مع جوزي اما يجيب حاجة مش طلبتها هادفعه تمنها من بره مصروف البيت

انا فعلا مقلة في مواضيعي لانه بحاول اكون علي المستوي الراقي اللي باشوفه في مواضيعكم
بس اول ما بلاقي اي ابداع جه في دماغي مش باحرمكم منه علي طول ههههههههههههه ههههههههههههههه
اقتباس : المشاركة التي أضيفت بواسطة انتظـــــار:
طرح مميز
اذا كان عندنا مناسبات الشهر هذا امسسكه
قبل
ما تطيير العصافير من العش <<<< الرااااتب
او املي تعاليمي على البعل المحترم واتابعهااا
بس الله يعيينه والله يااااني قلق .. والله يااااااااااااااااني قلق خخخخخخخ
واحلى تقيييم يويا
هههههههههههههه الله يعينك يا انتظار
العصافير ده مجننه الكل
عندك حق هو فعلا قلق الله يعينا
الف شكر علي التقييم
اقول لكم انا بقي با عمل ايه


1- مين ماسك مصروف البيت انت ام زوجك؟ وايهما احسن؟

انا طبعا اللي ماسكة مصروف البيت لان جوزي مصرف ومبذررررر بشكل هيجنني عمره ما بيفكر قبل ما يصرف الفلوس ومش عنده اي تقدير للكميات اللي بيجيبها يعني ممكن يجيب كمية كبيرة من حاجات بتبوظ بسرعة واحنا اصلا اتنين بس وطفل

2- بتشتري طلبات بيتك كل شهر ولا اسبوعيا ؟

باشتري طلباتي بالسبوع لاني اول ما اتجوزت كنت باجيب حاجات كتيرة جدا اول الشهر فاكتر من نص المصروف يخلص وبعدين الاقي اني محتاجة حاجات طول الشهر فارتحت اكتر اما قسمت المصروف علي الاربع اسابيع


3- اين تفضلي التسوق.... الاسواق الكبري(هايبر ماركت) ولا تفضلي الاماكن المتخصصة بمعني الخضار من سوق الخضار واللحمة من اللحام وهكذا؟

انا لا افضل التسوق في الهايبر ماركت زي كارفور وكده لان المغريات كتيره جدا ودايما باشتري حاجات اكتر من اللي انا كنت داخلة اشتريه اصلا وبعدين الخضار هناك بكون اغلي ومش دايما طازه
لو الامر بايدي اشتري طلباتي من سوبر ماركت صغير والخضار من اسواق الخضار واللحمة من اللحام او الجزار لكن طبعا زوجي الحبيب بيقولي خلصي وهاتي كل حاجتك من الهايبر ماركت انا تعبان او انا مستعجل مش في وقت اوديكي السوق
ربنا يهدي
4- اكيد ميزانيتك مش بتظبط ساعات (بتخرم يعني بالمصري ههههههههههه) تفتكري ايه الاسباب؟

من تجربتي البسيطة ومعرفتي بمشاكل كتيرة شفتها شايفة ان في كذا سبب

1- عدم التخطيط
بمعني انك تنزلي السوبر ماركت من غير ماتكوني محددة بالظبط انا ناقصك ايه فطبعا بتشتري من غير تفكير وتكتشفي اما ترجعي البيت انك محتاجة نص اللي جبتيه بس وساعات اقل

2- الدليفري
اكل المظاعم والتيك اواي طبعا بيوت كتير قوي معتمدة عليه بشكل كبير وده طبعا بيدمر اي ميزاينة ده غير انه اصلا مش صحي
بصراحة انا كتير جدا كنت استسهل وخصوصا وانا حامل اقول لجوزي وانت جاي هات اكل وانا اصلا كويسة وعادية ممكن اطبخ وعادي

3- كروت الفيزا
انا باعتبر دي افة العصر وسبب خراب بيوت كتير اللهم احفظنا
الواحد اما مش بيدفع كاش بيحس انه اشتري من الهوا وتكتشفي بقي الصدمة في الاخر بعد مايكون الراتب طار وانتي لسه في نص الشهر مثلا يعني صعب جدا تحكمي ميزانية وانتي معتمدة علي الفيزا
ده طبعا غير الفيزا المؤجلة الدفع اللي هي تشتري بيها وتدفي بعد شهر او شهرين دي بقي كارثة سوداء انا اعرف واحدة اطلقت بسبب ديون الفيزا اللي جوزها اكتشفها

واكيد في اسباب تانية كتير عندكم خلينا نتبادل الافكار وان شاء الله نستفيد كلنا
استفدت جدا من كلامك يايويا
وعندك حق في كل كلمه
بالنسبه للهايبر زي ماقلتلك انابطلت انزل مع جوزي اكتبلو الورقه وهو يجيب الطلبات
والدليفري مره وحده كل اسبوع او اسبوعين وحطالو ميزانيه على جمب يعني في حجات مبتحتجهاش كل شهر زي الرز مثلا او السكر مبيخلصش في شهر واحد فبوفر فلوسها للمطاعم
والكارثه الكبرى الفيزا والصراف زي ماقلتي انابقه عملت ايه عشان احل الازمه دي اخلي جوزي يوم الراتب يمر على الصراف ويسحب المصروف كله ويجبهولي كاش واخلي شويه صرف فكه يعني وكل مااعوز حاجه اديلو من الفلوس الي عندي واسجلها حتى لو كيس خبز اديلو الريال من الفكه واكتبو عندي ولو جاب كيسين يدفع هو ثمن الكيس الثاني هههههههههههه
والفيزا المؤجله عيشتهم سنه في تقشف وفضلت اجمع من المصروف لحد ماخليت جوزي يسددها ويلغيها كانت هم على قلبي لدرجة اني محتفظه بورقه الالغاء كل فتره ابص عليها عشان اطمن
وربنا يهدي كل الرجاله المبذره ويوسع رزقنا جميعا
1  2 3  4 
كلمات ذات علاقة
مع , مظبوطه!!!!! , ياحلا , رجيم....الميزانية , وردات