كيف تبقى الحنه على جلدك بالشهور بنفس الرونق ونفس الثقل..

مجتمع رجيم / أرشيف رجيم

كتبت : نوووره

اهلين ياحبيبات قلبي..
بما ان في بنات وسيدات كتير جدا بيشتكوا من ان الحنه اللي بيرسموها سوا ف كوافير ولا ف ليلة حنه او ماشابههم مبتعدش اكتر من اسبوعين وحتى مبتفضلش صامده لغاية الاسبوع التاني.. وانما بعد الاسبوع الاولاني تبدا تخف تخف تخف وبعد كده ياالله السلامه.. وبما ان الحنه ف مصر بقت مضروبه زي ماكل حاجه ف مصر-بقى الضرب عنوانها-..

فقررت اني ادي الحل لهؤلاء السيدات والبنات.. اللي بيشتكوا من ان الحنه مبتعدش وانضمت لحزب القرع العسلي اللي ماشي ف البلد.. بما انه جزء من شغلي بما اني بحيي ليالي حنه كامله وطبعا رسم الحنه جزء منها..

فاكرين زمان و مازلنا حتى الان كمان>> بنشوف السودانيات اللي راسمين حنه ف رجلهم وف كعاب رجلهم.. بتعد بالشهور..تقابليها من شهر تشوفي الحنه تفتكريها لسه مرسومه امبارح من كتر ماهي غامقه.. تساليها .. تقللك لا والله دي بقالها 3 شهور!!!!!.. تقابليها بعد شهر تبصي تلاقي نفس الحنه اللي بقالها اربع شهور هي هياها بنفس التقل.. هنا تبدئي تشتغلي شغل امناء الشرطه وتشكي ويطرا عليكي سؤال يطرح نفسه بنفسه ويلح الحاحا : (( في ايه ياجدعان هي دي حنه ولا تاتو.. امال لو تاتو كنتوا عملتوا فينا ايه؟؟؟؟؟!!!))..

لا دي حنه .. بس اصليه ونوعها حلو.. ومعروف ان الحنه السودانيه من اكثر انواع الحنه -اصاله-.. اما المصري فهي من اكثرهم -شيرين-!!.. لكن حتى الحنانات السودانيات دلوقتي بقوا يجيبوا الحنه المضروبه اللي ف الاسواق المصريه..( وبما انها لابسه توب وريحتها بخور سوداني فيظهرلك ايحاء ان الحنه دي من غابات دارفور ف السودان لكن هي ف الحقيقه صيني!)..وحتى اللي بترسم بالسوداني رغم انها صنف كويس.. برضو مبتعدش فتره.. ده لانها متبعتش او اللي بيترسملها الحنه متبعتش الخطوات اللي تخلي رغم جوده الحنه انها تعد فتره اطول..لان هذا الغرض لا يتطلب فقط ان الحنه تكون اصليه

وانما يتطلب هذه الخطوات ايضا.. اللي هنشوفها سوا دلوقتي:

1- اختاري نوع حنه سوداني او خليجي او هندي او باكستاني (لان هؤلاء السابقات شهيرات بانهن من اجود انواع الحنه واطولها بقاء على الجلد من بين الاخريات ف الدول الاخرى التي تزرع الحنه) وتاكدي من اصلها..

كتبت : أم فاروق

شكرا على الطرح الجميل

لكن عايزه اقول حاجه بالنسبه للحنه السودانيه لاني سودانيه...
افضل انواع الحنه المنستخدمها هي حنة الدامر اي مزروعه ومصنوعه في مدينه الدامر وهي من اشهر المدن السودانيه في انتاج الحنه..
بعدين الحنه ماتقعد عندنا بالشهورررر ابدا بالكتير ممكن تقعد اسبوعين بس احنا السودانيات عندنا يوم مخصص في الاسبوع لازم الوحده تتفرغ
في اليوم ده علشان تطبق حنتها الاولى يعني تعيد عليها مره تانيه علشان تحافظ على رونقها وسوادها الشديد... لانو المرأه السودانيه المتزوجه
تتميز عن الفتاة بالحنه الي من العيب تطلع منها الا تحت ظروف قاهره من وفات احد الأقرباء او المرض او اي من الاحزان...

شكرا

كيف تبقى الحنه على جلدك بالشهور بنفس الرونق ونفس الثقل..

مجتمع رجيم / أرشيف رجيم

فيديو تشارلى وهارى

جروب دنيا ودين للحلوين