هاتعملى لولادك سندوتشات ايه فى المدرسة ؟؟؟؟؟؟ تعالى وانا اقولك
مجتمع رجيم / المعجنات و الحلويات
كتبت :
قلب المنتدى
-
ازيكوا يا اجمل امهات فى الدنيا كلها
طبعا المدرسه خلااااااااااص هتبدا
وبنجيب جبن ولانشون وبيض ومصروف وشيبس وعصير
يااااااااااااه على المصاريف
بس دا هيحقق لابنك التوازن اللى محتاجه ولا فلوس وخلاص
ادى 10 نصايح حلوين اوى
اول حاجه اختارى لانش بوكس او اكياس جيده الغلق عشان تحفظ الاكل
تانى حاجه اغسليها كل يوم بميه دافيه وصابون عشان تبقى نضيفه
تالت حاجه السندويتشات تبقى فى عيش بلدى والهاى بقى يبقى توست اسمر لانه غنى بالكربوهيدرات التى تساعد على
تنشيط العقل والجسم كما انها غنيه بالحديد وفيتامين (ب)
الاطفال اللى سنهم اقل من 5 سنين يا خدوا فى توست ابيض لان المليان بالالياف هيخليه يشبع اسرع وميكملش اكل
خامس حاجه حطى سندويتشات بروتينيه جبن بيض لحم بارد وشرايح فراخ
ممكن تحطى علبه زبادى لو بيحبه
سابع حاجه اهتمى بالفواكه والخضار الموسميه زى التفاح البرتقان الجزر
ازازه ميه وعصير او لبن منكه الطفل بيحبه
حطى حاجات بديله للشيبسى زى الفشار او الكورن فليكس من غير لبن
عشره ممكن تحطى فواكه مجففه زبيب مشمش
فهى بدائل صحيه محببه للصغار والكبار
وكل سنة وانتوا طيبين يا قمرات
ربنا يباركلنا فى ولادنا جميعا
وعام دراسى سعيد ان شاء الله
