مجتمع رجيمأطباقنا الخاصة للرجيم

الكانيلونى دايت بالسوسيس والجبنة اللايت ..يجنن

بسم الله الرحمن الرحيم


http://www.rjeem.com/up/images/shgfivqyh7yrrx9stsn.gif

وحشتونى جدا
واقدم لكم اختراع جديد وحلو قوى فى الدايت
كانيلونى وممكن تحشية اى حاجة لحمة مفرومة او سوسيس بس انا كان عندى سوسيس
المقادير
طماطم وفلفل اخضر وبصلة وسوسيس مسلوق متقطع حلقات

2 توست رجيم وحلو ماركة برانش بحسة احسن من ريتش بيك + فنجان لبن+بيضة

شريحة جبن بريذدون لايت ودى صورتها واحدة للى مش عارفها حلوة وخفيفة وسعرتها قليلة

بالنسبة للطاسة المقادير دى احلى لو فردتيها على طاسة تيفال وللاسف مش عندى فعذبتنى شوية وانا بشيلها
والمقادير دى بردوة عاوزة طاسة مقاس 24 لان عملتها قبل كدة فى مقاس 20 كان سميكة
بتحطى نقطة زيت وتسخن كويس قوى
وتضربى المقادير كلها فى الخلاط وتقطعى التوست مع البيض واللبن ضرررررررب فى الخلاط
ودى شكلها على النار وتقلبيها على الوشين

ودة بعد ما خلصنا طبعا لازقت شوية علشان طاسة استنلس


بالنسبة للسوسيس
بتجيبى الطاسة وعليها نقطة زيت وبعدين تحطى البصل والفلفل لغاية لما اللون يصفر


وبعدين تحطى السوسيس والطماطم مع بعض مع رشة ملح و فلفل وكمون حسب الرغبة


ودة الشكل النهائى


وعلية شريحة الجبنة تدخليها نص دقيقة تحت الشواية او لو الكانيلونى سخن لسة هتسيح معاكى

وطبعا السوسيس لوحدة ممكن يتعمل أكلة سريعة وخفيفة سندوتشات عشاء او إفطار

وبالهنا والشفا ويارب تكون عجبتكم وماتنسونيش من الدعاء
ما شاء الله حبيبتى
فكره مبتكره للكانيلونى عجبتنى جدا تسلم ايدك واحسن حاجه اننا نأكل كل حاجه بس بطريقه صحيه
ولو عملناها باللحمه المفرومه ممكن كمان نوفر الزيت الى حيتحمر بيه البصل والفلفل بتاع السوسيس
ان شاء الله اجربه فى اقرب وقت
تقبلى تقيمى وما تغيبى علينا حبيبتى بوصفاتك الجميله الصحيه
عود حميد حبيبتى..
منورة القسم باكلاتك الجمييييييلة..
طريقة مبتكرة و جديدة..
ان شاء الله اجربها..
تسلم الايااااادى الحلوة..
و لكى احلى وسام و تقييم..
شرفتى من جديد حبيبتى
ما شاء الله طريقة رائعة
الصور واضحة والاكلة مشهية
ياريتنى جنبك كان عزمت نفسي على العشا
تقبلى تقييمي
تسلم ايديك

فتحت نفسي على الصبح
يسلمو يقمر وصفه شهيه يسلمو الايااااادي
1 2  3  4 
كلمات ذات علاقة
..يجنن , الاخت , الكانيلوني , بالسوسيس , حاجة , والحبوب