أقراص وأصابع الكفتة اللذيذة من مطبخى
مجتمع رجيم / وصفات اللحوم
كتبت :
دوللى
-
حبيباتى فى منتدى رجيم عملت النهاردة آكلة لذيذة آوى يارب تعجبكم
اتفضلوا معى
!~¤§¦ أقراص وأصابع الكفتة اللذيذة من مطبخى ¦§¤~!
المطلوب
1/2 كيلو لحم مفروم وبصلة صغيرة مبشورة وقطعة صغيرة من اللية ( سمين ) مبشورة و1 فلفلة خضراء مبشورة أو مقطعة صغير
وبعدها نضيف قليل من الزنجبيل والقرفة وربع ملعقة فلفل أسمر ومرقة فورية ورشة ملح وبيضة وقطعة زبدة صغيرة
وهنا قلبناهم مع بعض كويس وأضفت باكو فيجيتار حار
وقلبتها تانى وهنا جاهزة للتحضير
دهنت صينية بقليل من السمن وابتديت أصبع الكفتة وعملت أقراص أيضآ لآنى بحبها آوى
وسوتها على البوتاجاز لمدة 10 ق تقريبآ مع متابعتها
وبعدها حطيتها بالشواية لمدة 10 ق أيضآ
وهنا لما كنت بسويها حطيت قطعة فحم على النار حتى الاحمرار ولما طلعت الكفتة من الشواية حطيت الفحم على ورقة بصل وأضفت عليها قطعة صغنونة سمن وغطتها وفتحت عليها تانى وهويتها عشان تعطيكى ريحة جميلة وتعجبك فعلآ وتسيبيها مغطاة لحد ميعاد تقديمها
وبعدها تقدميها وبألف هنا وشفا حبيباتى وياللا اختارى تحبيها أصابع وللا أقراص
ياللا حبيباتى جبتلكم كتير عشان تأكلوها بالهنا والشفا
هستنى مروركم وردودكم العطرة وشرفتونى بزيارتكم الكريمة
يارب تنال اعجابكم حبيباتى
واذا عجبتكم الكفتة قيمونى وتحياتى للجميع
