مجتمع رجيمالاطباق المتنوعة

يا صفايح الزبدة السايحة يا برطمنات السمنة النايحة من عند ولا احلى

مساء الفل والياسمين



على احلى اعضاء ومشرفات وزوار


منتدايا المفضل

rjeem
وحشتونى وحشتونى وحشتووووووووونى

اليوم رجعت لكم بس بموضوع مختلف شوية

يا صفايح الزبدة السايحة يا برطمانات السمنة السايحة

موضوع ريحته سابقه عنوانه

شامين ريحة السمنة البلدى المتعبرة

بصو يا غاليين
انا بعمل السمنة البلدى الفلاحى فى البيت طريقة وارثاها اما عن جدة عن جدة الجدة

الطريقة سهلة جدا جدا وتطبيقها سهل اوى

كل المطلوب قشطة لبن جاموسى

ولأننا فى منتدى رجيم يعنى ممنوع ناكل القشطة ولا عايزين تتخنوا ؟

اول ما نغلى اللبن ويبرد بنشيله فى الثلاجة صح

بعد يوم كدة او اتنين بنلاقى على وش اللبن قشطة اد كدة

هانشيلها بالكبشة

ولو طلعو قليلين شيليها فى الفريزر وكل ما تجيبى لبن اعملى كدة
لحد ما تحوشى مبلغ وقدره قصدى تحوشى قشطة كتيير
وتحطى عليها اربع مكعبات ثلج

وبمضرب البيض على اعلى سرعة
وادي ادي اديله
حوالى خمس دقايق
لحد ما تبقى بالشكل دا وتسرد ماية كتير

تروحى لابسة جوانتى طبى وتكوريها كدة وانتى بتضغتى عليها عشان الماية اللى فيها تنزل

وتحطيها على النار تسيح

وتقلبى كل شوية
لحد ما تتحول لشكل السمنة البلدى باللون الدهبى الجميل دا

تصفيها بسرعة بمصفاه خرمها ديقة
وتحطيها فى برطمنات

وشوية هاتتجمد ويبقى عندك احلى سمنة بلدى

جربى كدة وهتلاقى النتيجة هايلة
منتظرة تعليقاتكم وتقييمكم لو السمنة عجبتكم
الى اللقاء

اهلا اهلا يا ولا احلي
نور المنتدي بعودتك
وحشتينا جدا جدا
ووصفتك ماشاء الله رووووووووووووووعة
انا ماما بتعملها وبتطلع جميلة فعلا

تسلمي يا غالية
واحلي تقييم لعيونك
ما شاء الله عليك
بتغيبي وبترجعي بمواضيع ولا احلى
يسلموو حبيبتي
وزبدتك رائعه <<اقصد موضوعك رائع يستحق التقييم
تسلم ايدك يا ملوووك
تصدقي انا بجد شامة ريحة السمنة هههههههههه

ماما بتعملها احيانا وبتبقى خطيرة ..
بس للاسف هنا مافيش لبن عليه قشطة ههههههههه
حتى كامل الدسم بيبقى خالي الدسم ههههههههههههه

دمت بود
وحشتييييييييييييييييينى يا اوكااااااااااااااا

حمدالله ع سلامتك حبيبتى

طريقتك جميله حبيبتى وهى فعلاا مصريه 100 %100

وصح بتبقى وراثه من الاجداد هههههههههه

برافو عليكى حبيبتى ست بيت شطوره يا اوكاا

تسلم ايديكى ياقمررررر

:)
اوكاااااااااااااااااااااااااااا ازيك يا حلوة كيفك اشتقنالك كثير
يا هلا بيك ويا سهلا وحشتينا
1 2  3  4 
كلمات ذات علاقة
السمنة , الزايدة , الزبدة , الناجحة