الكريب علي طريقتي للاطفال (طاهية رجيم)
مجتمع رجيم / اكلات مصوره للاطفال
كتبت :
يويا 268
-
عملت لعمر كريب في الفطار وعجبو جدا الحمد لله
انا طريقتي في الكريب هي :كوب دقيق وكوب لبن و2 بيض وفانيليا
انا عشان ازيد من القيمة الغذائية حطيت نص كوب دقيق ونص كوب شوفان
اصبحت المقادير:
نص كوب شوفان ونص كوب دقيق
كوب لبن(حليب)
2بيض+فانيليا
تخلط كل المقادير بالمضرب السلك
وبعدين علي طاسة تيفال مدهونة بقطنة فيها نقطة زيت
نسخنها شوية وبعدين بمعلقة الطبيخ او بفنجان قهوة صغبرة نصب العجين في الطاسة
نسيبها دقيقة تقريبا او اقل وبعدين نقلبها الناحية التاية
وده شكلهم بعد ما ينضجو
نيجي بقي للحشو طبعا كل واحدة تختار الحشو اللي اولادها يفضلوه مربي او عسل او جبن كوباية
انا اخترت النوتيلا لان عمر بيحبها اكتر حاجة
بس للاسف مش لحقت ازينه لان عمر اول ما شاف النوتيلا فضل يشدني عشان ياكل بس كنت ناوية ارسمله وش بالمكسرات المفرومة وحبوب ال m&m's
يا رب الفكرة تعجبكم ويحبوها اطفالكم
