شوكولاته لذيذة لمسابقة( طاهية ريجيم)
مجتمع رجيم / اكلات مصوره للاطفال
كتبت :
دينار
-
الشوكولاته كبار وصغار بيحبوها جداااااااا
طبعا كلنا عارفين ان الشوكولاته الخام مذاقها تقيل شوية يعني منقدرش ناكلها بدون اضافات
فكرتي سهلة ولذيذة وهتفرح الصغار
كوب لبن بارد نذوب فيه 3 ملاعق نسكويك
وربع معلقة نسكافية
ونحمر معلقتين دقيق في معلقة سمنة
ونضيف كوب اللبن والشوكولاته ونقلب علي نار هادية حتي تتماسك
نجهز قوالب انا معنديش قوالب سيلكون استخدمت قوالب التلج وممكن نستخدم قوالب الجيلي
نضع جزء من الخليط وعليه سوداني او بندق او فستق او جوز هند
ونضيف الطبقة التانية
وندخلها الفريزر 3 ساعات
انا ابني قعد يبكي علشان ياكل منها خرجتها من التلاجة بعد ساعتين
جميلة ولذيذة ان شاء الله تعجبكم
