البصارة من مطبخى
مجتمع رجيم / الأطباق الرئيسية
كتبت :
دوللى
-
السلام عليكم
أزيكم حبيباتى يارب تكونو بخير
عملت اليوم آكلة مصرية جدآآآ مش عارفة تكونو عارفينها ولا لآ هى البصارة يارب تعجبكم
بسم الله
نبدأ
المطلوب مع طريقة التحضير :
كوب فول مدشوش مغسول
خضرة * بقدونس وكسبرة وشبت * مع بصلة قسمتها اتنين و7 فصوص ثوم
ووضعتهم مع بعض فى الحلة وحطيتها على النار لغاية الفول يستوى كويس
وأتركها لتبرد وبعدها أضرب الخليط فى الخلاط
وبعدها أحمر بصلة كبيرة فى شوية زيت
وبعد ما شيلت البصل أضع الخليط فى نفس الزيت وأقلبه كويس مع اضافة مرقة فورية وملح وفلفل أسمر حسب الرغبة
أتركها تغلى شوية لكى تتقل قليلآ مع التقليب وبعدها حطيها بالأطباق ورشى البصل عليها وهى سخنة وأتركيها تهدأ
وأحلى طبق بصارة تأكليه وممكن تحطيها بالثلاجة
وبألف هنا وشفا
ويارب تعجبكم طريقتى
