يومياتي مع رجيمي قبل عرسي

السلام عليكم ورحمة الله وبركاااته بسم الله الرحمن الرحيم انا بدش بالموضوع على طول الله يسلمكم انا عرسي بتاريخ 2/6 ووزني موراضي ينزل الحين تقريبا...

مجتمع رجيم أرشيف رجيم
دلولة الكويت
اخر تحديث

يومياتي مع رجيمي قبل عرسي

يومياتي مع رجيمي قبل عرسي

السلام عليكم ورحمة الله وبركاااته

بسم الله الرحمن الرحيم

انا بدش بالموضوع على طول الله يسلمكم انا عرسي بتاريخ 2/6 ووزني موراضي ينزل الحين تقريبا صارلي شهر واكثر وزني ثابت مع العلم اني قاعده اسوي رجيم وكان رجيمي بالبدايه اهو رجيم النقاط اكيد سامعين في انا بنظري ان احسن واروع رجيم سويته واهو لي وصل وزني 65 وبعدها ثبت والحين قاعده اسوي رجيم عبدالله المطوع وهم وزني مانزل صارلي اسبوع لكن انا حابه اني اكمل بالرجيم واحطلكم يومياتي واللي تبي تشاركني حياها الله راح اكون وايد مستانسه وراح نشجع بعض والحين بحط لكم رجيم الدكتور عبدالله المطوع ونسيت اقولكم اني موقاعده اراجع عنده لاني طلعت رجيمه بالنت بحكم ان مواعيده وايد طويله

وهذا رجيمي


ملاحظاتي قبل لا احط لكم النظام... الي فيها سكر ولا ضغط او حامل لا تسوي هالنظام لأنه مو زين
والي سليمه 100% ومافيها فقر دم خل تتكل على الله وتبدأ فيه

$$$$$$$$$$$$$$$$



[[ الريوق ]]

نصف خبزه سمره خفيفه + جبن أو لبنه أو بيضة + خضار (طماط وخيار) أو 3 زيتونات + كوب حليب خالي الدسم



[[ الضحى ]]

حبه فاكهه (ممنوع الموز والمانجا) أو استكانه مكسرات (جوز - بيذان - فستق - حب) + شاي او قهوه



[[ الغداء ]]

سلطة (ملعقة زيت زيتون) + 2 همبرجر لحم او دجاج يكون مشوي أو صدر دجاجه مشوي أو علبه تونا بالماء أو 2 صيخ مشوي + كولا دايت أو ماء



[[ المغرب ]]

ككاو وسط (كتكات ابو اصبعين أو اي ككاو لكن الحجم الصغير) أو حبه فاكهه (الموز والمانجا ممنوع) + شاي او قهوة




[[ العشاء ]]

العشاء عندج اختيارات بس أفضل شي تمشين كل يوم على نوع والأفضل تكثرين من الي عليهم وجه مضحك لأنهم ينزلون الوزن بسرعة


أول يوم: 1 بيضة مسلوقة أو مقليه + عصير برتقال + توسته سمراء + خضار

ثاني يوم: تشيز برجر من ماكدونالدز + دايت + سلطة

ثالث يوم: (لو كنتي طالعة مطعم لبناني) كوب تبولة + صيخ مشوي + دايت أو ماء

رابع يوم: من 3-4 شرائح اناناس طازج + كوب روب اكتيفيا

خامس يوم: 1 توسته سمراء + جبن قليل الدسم + خضار + كوب لبن خالي الدسم + تفاحه

سادس يوم: روب خالي الدسم + خيار + 2-3 كيوي

سابع يوم: (سلطة) وتتكون من خس + (ملعقة زيت زيتون + ليمون + خل) + 3 شرائح جبن مالح أو حلوم قليل الدسم +ملعقة زيتون شرائح + دايت او ماء
او 2 سلطة أمريكانا اليونانية greek لو ماكان لج خلق تسوين هالسلطة لأنهم نفس الشيء

ثامن يوم: عصير أناناس KDD حطيه بالخلاط مع 3 حبات كيوي واخلطيهم واشربيه
أول شيء مشبع حيل واهم شيء لما تنامين يضل هالعصير يحرق الدهون بالجسم طول ما انتي نايمه
وهذا كلام الدكتور لي نقلته لكم بالحرف الواحد

$$$$$$$$$$$$$$$$$$$$$$$

ملاحظات مهمة


اشربي ماء في اي وقت بكمية كبيرة

مارسي الرياضة من 20 - 40 دقيقة يوميا تزيد من سرعة انقاص الوزن وبقوة

مسموح بتناول الخضار الورقية وبشرب الشاي (البابونج - المرمية - الينسون - الزنجبيل - النعناع) باي كمية بين الوجبات الرئيسية


ملاحظة مهمه

هذا الرجيم ينزل الوزن بدون رياضة
لكن مع الرياضة يصبح انقاص الوزن اسرع واكثر


الي نظامها تقوم الظهر الساعة 10 او 11
تتريق عادي بس ما تآخذ وجبه فترة الضحى وتنقلها لي عقب العشا بالليل إذا كانت تسهر الليل


*
المصدر: مجتمع رجيم


d,ldhjd lu v[dld rfg uvsd

عيون المها911
اخر تحديث
يسلموووووووووووووووووووووو ياقلبي بنجرب
مامت توتا
اخر تحديث
ربنا يوفقك ويصلح حالك
وتتمى الرجيم على خير
نسوره القمر
اخر تحديث
يسلموووو يا الغاليه على موضوع
دلولة الكويت
اخر تحديث
نسيت اقولكم ان طولي 157 و وزني 65

هدفي الاول 63

هدفي الثاني 60

هدفي الثالث 58

حلمي 55

بأذن الله يتحقق حلمي

وان شاءالله ناويه اكتب لكم يومياتي من باجر يوم الاثنين تاريخ 2011/10/24
ابيييي تشجييييييييع وحياكم اللي بتسوي معاااي
ملكة احساسيسي
اخر تحديث
السلام عليكم اختي أنا ببداء معك بس رجيم غير بسوي رجيم التمر واللبن ومن بكره انشاء ببداء مرره حمستني وإنشاء ننحف على خير
محبتكم ملكة احساسيسي
الصفحات 1 2  3  4  5  ... الأخيرة

التالي

يومياتنا لــنحت الجسم .

السابق

جديده ولكن معكم منذ فتره

كلمات ذات علاقة
مع , يومياتي , رجيمي , عرسي , قبل