كل سنه وانتم طيبين دعوه لكل عضوه بلمنتدى تقول كيفية الاحتفال بلعيد الاضحى وعادات وتقاليد كل دوله

مجتمع رجيم / أرشيف رجيم

كتبت : sagda

كتبت : سمرا مصر

كل عام وانتى بخير وسلامه
احنا بنحتفل بالعيد بان كل اخواتى يحضرو باولادهم عندنا اول يوم بعد صلاه العيد ونقضى ايام العيد مع بعض
والعيد الكبير فى كل البلاد متهئ لى زى بعضه الصلاة والاضحيه والاحتفال مع الاهل

كتبت : sagda

شكرا سموره حبيبتى على مشاركتك وكل سنه وانتى طيبه

كتبت : سعادتى فى رضا ربى

كل سنه وانتى طيبه يا ساجده
وكل عام وانتى بصحه وعافيه
واعاده الله على امه المسلمين بالخير واليمن والبركات
احنا عاداتنا فى مصر
نقوم على صلاه العيد
نصلى العيد ونستعد للدبح
وبعد الدبح
ننتظر زياره الاقارب
وباقى الايام بنقوم لزيارات للأهل والاقارب ونتجمع عند جدتى
شكرا ساجده
وكل عام وانتى بألف خيـــــــــــــر

كتبت : مسلمة

مشكورة ساجدة حبيبتى على الموضوع الرائع

عادأ احنا فى مصر بنحتفل بالعيد بالصلاة اولا و بعدين الفتة و بعدين الزيارات
و بالنسبة لى انا اول يوم بروح عند أختى مع امى علشان نقولها كل سنة و انت طيبة و بعدين نرجع البيت
علشان اقربنا بييجو عندنا
و اليوم الثانى خطيبى بيجى عندى هو و أهلة و الثالث و الرابع بيكون للأصدقاء و باقية الاقارب
كل عام و كلكم بألف خير

و كل عام و أنتم الى الله أقرب

كتبت : مريومه

اه فكرتونى بالعيد فى مصر كنت باصحى من بدرى اشوف الاضحيه وهى بتندبح ونفطر بالكبد والكلاوى بقى ماقلوكوش والعيش بيبقى مخبوز طازه
وبعد كده بيجى اقاربنا يعيدو علينا والغدا من خيرات ربنا فته ورقاق ومحشى كمان اصل العيله كلها بتيجى تتغدى عندنا فى العيد
انا دلوقت فى السعوديه من غير اهلى فالصبح باحضر صلاه العيد وارجع اتصل باهلى واصحابى اعيد عليهم واوقات بنخرج نتفسح بالليل طول ايام العيد بس السنين الى قبل كده كنت باروح الحج انما دلوقت ولادى لسه صغيرين اوى عشان يستحملو الرحله
لما كنت باروح الحج العيد بيبقالو طعم اخر وحلو حلاوه ربنا ينولهالكم جميعا الى لسه ما اداش الفريضه والى حج ربنا يوعده بيها تانى
شكرا ساجده على موضوعك الجميل

كل سنه وانتم طيبين دعوه لكل عضوه بلمنتدى تقول كيفية الاحتفال بلعيد الاضحى وعادات وتقاليد كل دوله

مجتمع رجيم / أرشيف رجيم

تهنئه

مسابقة احسن اكله واحسن نظام للريجيم