زوجي يعيط ويغلط علي كدام بنتي

الله يهديه لك كم عمر بنتك

انا بدلك الحل

هلئ الاب عم يتعامل مع البنت بالدلال , مطلوب منك تدخلين عالبنت بنفس الاسلوب , العاطفة و الدلال و لكن بدون عياط و ضرب , يعني تدللينها وقت تتصرف صح و وقت تتصرف غلط تعاملينها بالحنية و الكلام الحلو مع التنبيه انه هالتصرف كان منك غلط و الصح اكتر هو كذا كذا ياشاطرة و البنت الصبية يلي بتريد الناس تحبها و الناس تقرب منها تتصرف هيك هيك

الولد مهما كان يبقى بيحب يتقمص شخصية ابوه
البنت مهما كانت تبقى تحب تتقمص شخصية امها , هلئ الظروف يلي انتي فيها عم تخلي البنت تعتبرك انتي على خطأ و وتروح لمصدر تاني و هو عمتك (( يلي انا فهمت انها ام زوجك )) و مع الايام حتشوفي انو الفراغ العاطفي بينك و بين بنتك عم يكبر اكتر و اكتر و رح يوصل لنقطة ماتقدري ترجعيه

المطلوب انو تتصرفي متل ما خبرتك و اهم شي اهم شي اهم شي سلوكك انتي يبقى بعيد عن انظار زوجك و عمتك حتى يكون في جسر ثقة بينك و بين بنتك بدون تشويش
حتى اقلك على حاجة , بس كنتي ببدايات بناء جسر الثقة عندك طريقة كمان انك تبدأي معاها بأمور انها تكون محط سرية بالنسبة الك , يعني تقوليلها بدي قلك سر ماحدا يصير يعرفو او انو انا بدي منك تتركي هالحاجة عندك (( حبسة شعر - مشط - .... الخ )) اي شي اي شي تقوليلها خبيه عندك و ما حد يصير يعرف وينو لحين اطلبو منك و طبعا لازم تطلبيه بعد عشر دقائق لان الولد بينسى او ما بيعطي للموضوع اهمية اذا طال الوقت لازم يحس بالفرق بسرعة و طبعا مع كلام حلو و انتي شاطرة و هيك الصبايا و كتييييييييير من الدلال

ممكن تشوفي رفض او او او بالبدايات بس مع الوقت رح يكون في حسن تصرف و نتيجة صدقيني

هلئ ممكن تتعاملي معاها بالنظرات و الابتسامة حتى بوقت الخطأ , و ممكن وقت تخطأ انتي تتصرفي بضحك و انتي تعملي نفس الخطأ بطريقة هزلية ( متل سكب ميية او او او ) و بعد شوي بيصير حكي بالشي يلي صار

الاسلوب هو يلي رح يكون عون الك و شوي شوي و بدون مشاكل و بدون عياط او ضرب او حتى نظرة قاسية بالفترة الاولى


هلئ في ناحية تانية , الزوج لا يعنف الزوجة بأي سبب الا اذا كان في الو اعتراض على زوجتو بأمر ما , لان بيحس انو بيردلها شي يمكن ما يقدر يقولو بالوجه

طبعا الكلام كتير و لكن هي فكرة سريعة و نحن بالخدمة ايمتا ما حبيتي
حاولت استخدم تعابير انشاء الله يكون فرق اللهجة بين سوريا و السعودية مقبول و مفهوم الكلام هههههههههههه
تحياتي الكن العطرة

اولا اهلا فيكي معانا بالمنتدى
ان شاءالله تستفيدي وتستمتعي معنا

بالنسبه لمشكلتك طبعا التربيه الصحيحه تكون في الخمس سنوات الله
تقدري ترسخي كل المباديء في بنتك
انااشوف لازم الحوار بينك وبين زوجك وممكن تطبعي مقالات من النت وتوريله اياها
بس بشكل حلو يعني مو كأنك جايباها تعلميه
لا لكن تقوليلوا مثلا شوف ايش كاتبين هنا عن التربيه والله اني اتفاجأت
اتارينا من اليوم واحنا بنربي البنت غلط
وحاولي تتفقي معاه ان كلامكم يكون واحد قدام البنت
ومن جهه ثانيه لازم تقربي لبنتك وتفهميها انك بتعلميها الصح
عشان الناس تقول الله انتي بنوته مؤدبه وشاطره
اهم شي تبينيلها ان تعليمك لها مو معناه انك مابتحبيها وان ابوها بيحبها اكثر
لو كنتي علاقه سليمه مع بنتك ماراح يدخل ابوها بينكم
وهي ماعادت تلجـاله ضدك
وعليكي بالدعاء
والله يحفظلك بنتك ويبسخرلك زوجك

الاخت قلم مضئ اجابت بضرورة الحوار بين الزوجين , و لكن واضح من تصرف الزوج انو في تجاوز للام بالمنزل لمليون سبب و اكيد في فراغ معين بين الزوجين و لذلك انا اعتقد اذا حصل اي حوار رح يقابلو بالاستهزاء او العناد او ........ الخ

اي مؤشر من الزوج الو تفسير تجاه الزوجة و حياتو معاها , سواء لجهة دلالها و حسن معاملتها او لجهة الاساءة او .... الخ

بيبقى وجه نظرنا خارجية و الاخت صاحبة المشكلة هية ادرى و اعلم بالتفاصيل