يومياتي

انا بديت اسوي رجيم دشتي من اسبوع لكن اليوم حبيت اكتب لكم يومياتي الصبح شربت شاي اخضر ماركة تونك ماركه معروفه والكل يمدح فيه طبعا
اتغديت بسمك صافي العدد 2 بدون سلطه لان عمتي اتحط فيها جزر ودبس الرمان وهاي يتعارض مع رجيم دشتي
والعشاء وما ادراكم مالعشاء سويت دجاجه محمره اخر شي تمنيت اني ماسويتها ولا فكرت بتسويها كان اول مره اسويها حطيتها بالفرن وقريت بالوصفه انها ساعه تقريبا طليت ساعه ماستوت قلت اخليها ازيد نص ساعه خليتها حسيت انها ستوت طلعتها من الفرن وحطيتها بالصحن وتوني بقضي عليها انا وزوجي ليقول لي لفخود مااستوواااا واعصب ويصيدني احباط وارد اشيلها ودخلها الفرن واخليها بعد نص ساعة وطلعتها قلت الحين ابو لعيال بيقول خوش دجاجه ولا هو يقول يبي ليها تحمير ازيد عاد هني طفشت قلت ليه كلها مثل ماهي خلاص توبه ونوبه اسوي دجاج بالفرن طبعا صادني احباط والي قهرني خدامة حماتي رايحه جايه تسال عن الدجاجه ورازه فيسها احسها تشمت وانا مو عاطتنها وجه وهي الا غصب تباني ارد عليها وانا منقهره كان خاطري اخذ الدجاجه واقطها من الزباله اتصوروا انا بموت من الجوع والدجاجه اتناحس مو راضيه تتحمر ادري طولت عليكم بكره بخبركم شنو اكل اي لعبت رياضه على ايبتراك لمده 30 دقيقه ماحب اضغط على روحي وانا فيني الدوره اخاف يصيدني شي وتقبلوا يومياتي بسعة صدركم

هلا حبيبتي فيك بيوميات رجيم
وان شاء الله تنحفي على خير
ما شاء الله عليك وصفك كتير حلوو
ههههههههههههههههه
خصوصا بطبخك بالدجاجة يلي ما اتسوت
خخخخخخخخخخخخخخ
موفقه حبيبتي
ويا هلا فيك

هههههههههههههه رفعت ضغطج هالـ دجاجهـ

شدي الهمة وان شاء الله تنحفي ع خير .. وموفقهـ

هههههههههههههههههه ربي يسعدك و ينول لك مرادك يَ قمر

شكرا احساس وسكر ومنايا افا عليكم من زمان ربطت الحزام والحين بنطلق الى عالم الرشاقة والله وياي بس تعبت من المعاير وتطنز كان محد زاد وزنه غيري

ماعليك منهم , انتِ خذي كلامهم على انه تحدي
و اذا ع الوزن شوفينا هنا .. كلنا اوزاننا زايدة ++++++