انا بديت اسوي رجيم دشتي من اسبوع لكن اليوم حبيت اكتب لكم يومياتي الصبح شربت شاي اخضر ماركة تونك ماركه معروفه والكل يمدح فيه طبعا
اتغديت بسمك صافي العدد 2 بدون سلطه لان عمتي اتحط فيها جزر ودبس الرمان وهاي يتعارض مع رجيم دشتي
والعشاء وما ادراكم مالعشاء سويت دجاجه محمره اخر شي تمنيت اني ماسويتها ولا فكرت بتسويها
كان اول مره اسويها حطيتها بالفرن وقريت بالوصفه انها ساعه تقريبا طليت ساعه ماستوت قلت اخليها ازيد نص ساعه خليتها حسيت انها ستوت طلعتها من الفرن وحطيتها بالصحن وتوني بقضي عليها انا وزوجي ليقول لي لفخود مااستوواااا واعصب ويصيدني احباط وارد اشيلها ودخلها الفرن واخليها بعد نص ساعة وطلعتها قلت الحين ابو لعيال بيقول خوش دجاجه ولا هو يقول يبي ليها تحمير ازيد عاد هني طفشت قلت ليه كلها مثل ماهي خلاص توبه ونوبه اسوي دجاج بالفرن
طبعا صادني احباط والي قهرني خدامة حماتي رايحه جايه تسال عن الدجاجه ورازه فيسها احسها تشمت وانا مو عاطتنها وجه وهي الا غصب تباني ارد عليها وانا منقهره كان خاطري اخذ الدجاجه واقطها من الزباله اتصوروا انا بموت من الجوع والدجاجه اتناحس مو راضيه تتحمر ادري طولت عليكم بكره بخبركم شنو اكل اي لعبت رياضه على ايبتراك لمده 30 دقيقه ماحب اضغط على روحي وانا فيني الدوره اخاف يصيدني شي وتقبلوا يومياتي بسعة صدركم