لمسابقة شكرا ماما
مجتمع رجيم / موضوعات الأمومة والطفولة المميزة
كتبت :
عاشقة الفردوس م
-
كيفك يا بنات شو اخباركم
يمكن صرلي مسجله اسمي للمسابقه شي اسبوعين
وكل يوم اقول اليوم انزل مشاركتي
لكن في شي كان يمنعني هالشيئ مش قلة ما بيحكولي اولادي شكرا ماما
بل العكس من كتر ما اسمع كل يوم من اولادي شكرا ماما احترت من وين بدي ابلش
ابلش من شكرا ماما بحروفها هذه
او ابلش من ابتسامات الشكر على وجوه اولادي الغاليين
ولا ابلش بوصف القبلات والاحضان الناعمه والبريئه واحيانا بتكون مفاجئه من حبايبي وعيوني
غالياتي .......
قررت اليوم واصريت اني لازم اشارككم شكر اولادي لالي
لازم اشارك معاكم بشكرا ماما
يمكن لاني شفت اني استحق ان يقال لي شكرا ماما
شكرا ماما
شكرا ماما
شكرا ماما
كلمه ولا اجمل
والاجمل منها هم اطفالي الغاليين يلي هم دنيتي وحياتي وعمري
اطفالي يلي من يوم ما ربي وهبهم لي
عودت نفسي على شكرهم والاعتذار عن الخطأ لو طرا مني
اطفالي يلي غرست فيهم ولا زلت اغرس الاخلاق الاسلاميه الجميله بصوره مبسطه وبمستوى عقولهم الصغيره البريئه
من ايامهم الاولى اسمعتهم كلمة اسفه ماما لو ضايقتك
اسفه ماما لو تركتك
اسفه ماما لو تاخرت عليك باكلك
ولما كبرو شوي وصارو يقدرو يعطوني بايدهم اغراض والعاب
صرت احكيلهم شكرا حبايبي
شكرا عمر لما ترتب غرفتك
شكرا لما تشارك شهد بالعابك
شكرا شهد لما تساعديني بمسح الغبره
شكرا لما تجيبيلي حفوضات سيرين وتيابها
شكرا لما تحضنوني لما امرض وتحسسوني انكم خايفين علي كتير
عودت اولادي يسمعو مني شكرا الهم بعد كل تصرف حلو واسفه ماما لو اخطات بحق حدا فيهم
واليوم انا عم اقطف ثمار مجهودي من اول ايام لاولادي بالدنيا
اليوم لما انا بعمل شي حلو لولادي ما بفكرو مرتين يحكولي شكرا ماما
عمر ابني لكبير حبيب عمري ولد خلوق جدا وصاحب شخصيه رائعه
علمتو من وهو صغير وحببتو بشكر الله والناس ووالديه
واليوم انا كل يوم عم اسمع منو شكرا ماما
شهد دلوعتي انا ويلي بشوف فيها حالي وانا صغيره
بنوته دلوعه ونعومه كتير وشكرا مام بالنسبه الها ضمه كبييييييييييييييييييييره وبوسه عمييييييييييييييييييييييقه على خد الماما
اما سيرينو نوارة البيت وحبيبة اخواتها
فهي بنوته صغنونه لسا ما نطقت شكرا يا ماما ولا سمعتها منها لكن بتعبر عنها لما احملها على حضني بتنام على كتفي وبتربت عليه بايديها النعومين
احيانا بصادف ناس بيستغربو من معاملتي لاولادي بيحكولي ليش بتدققي كتير اولادك يشكرو الناس ويعتزرو عن الخطأ انسي لا تطفسي اولادك <<<اي اضعف شخصيتهم
لكن انا ما بشوف هيك بالعكس اولادي هم حياتي انا, انا بشوف فيهم نفسي انا ما بقدر ازا ازيت انسان ما اعتزر منو
او ازا حد عمل معي معروف ما اشكره
وهيك ربيت اوالدي وهيك صارو
واليوم هم بيحترموني ويحترمو والدهم وبيشكرونا انا وهو كل يوم وعلى كل شيئ حلو وبيسعدهم
وبهالمقام يا غاليين حابه اشكر ربي على عطاؤه وهبته الي
اولادي الغاليين
ويا رب احييني حتى اشوف اولادي وبناتي قاده من اعظم قادة الامه الاسلاميه وتجعل فتح بلاد المسلمين على ايديهم
وهالشيئ ليس على الله ببعيد
اخواتي تلعثمت الكلمات بين شفتي حتى تاهت عن التعبير
هذا غيض من فيض
ونقطة في بحر الحب والشكر
بيني وبين اطفالي فلذات اكبادي
احبهم جدا واقول لهم دوما
شكرا لان الله جعلكم اولادي
كم انا فخوره بكم
عمر , شهد ,سيرين
