مجتمع رجيموصفات للتنحيف وانقاص الوزن

شوربة الكرنب بطعم لذيذ هتحبيه وهتخسى

ازيكم يابنات كيفكم مين فينا مش عايزه تخس طبعا كلنا بنحلم بجسم رشيق وبنتعلق فى قشايه وسمعنا عن شوربة الكرنب الحارقه للدهون وطبعا كالعاده جرينا وجربنا لكن اول ما دوقنا طعمها قلنا يععععععععععععععع ايه القرف ده ان شالله عنى ماخسيت طبعا انا عملت كده هههههههههههههههههه بس من كتر ماقريت انها بتخسس قلت اجرب تانى بس بطريقه جديده
المقادير هاتى الكميه اللى انتى عايزاها من اى حاجه انا عملت الاتى جبت كرنبايه وسط و6 بصلات اخضر و3 حزم كرفس لانه حارق للدهون و2حزمة بقدونس لانه بينزل الميه من الجسم و3 حبات طماطم وراس توم طبعا غسلت الخضار كويس وضيفة عليه 2 مكعب لحمه فاين فودز وكمون لانه بيمتص الغازات اللى فى الكرنب ورفعتهم على النار لغاية ما الخضار استوى وضربتهم فى الخلاط وبعدين ضيفة عليهم حزمتين كرفس ومشروم فريش وشوفان افتكسات اصلى بحب الشوفان والمشروم ههههههههههه والبهارات ملح فلفل شطه كمون وممكن كارى انا مضيفتش فلفل اخضر لانى دكتور الرجيم كان قايلى بلاش الفلفل فى السلطه او الشوربه لانه بيرسب الدهون فى الجسم لو اكلتى حاجه دسمه او فيها دهون وسيبتهم على النار اخدو غلوتين وطفيت النار والله يابنات طعمها كان فعلا تحفه ومقرفتش منها زى قبل كده كانك بتشربى شوربة عدس مش كرنب معلش انا مقدرتش اصور الطريقه لانى ماكنش عندى وقت بس المره الجايه هبقى اصورها وعلى فكره مش لازم تتاخد مع النظام بتعها ممكن تاخديها مع نظام الرجيم بتاعك عادى يارب تعجبكم يابنات معلش طولت عليكم ياقمرات
تسلمى حبيبتى على الوصفة الجديدة..
ان شاء الله المرة القادمة يكون مصورة..
فى انتظار جديدك..
يسلمو الايااادي اختي

وبانتضار المزيد من مشاركاتك القيمه
يسلمووووووووو عزيزتي

متشوووقة لرؤية عمل يديكي

يعطيك العافية
يسلمووووووووووووووووووووو
ام رحمه حبيبتي
طريقتك جميلة
والاجمل لو تصوريها لنا بايديكي الحلوين

بارك الله فيك وجزاك كل خير علي وصفتك

ويارب تنحفي بالف خير وعافية
1 2  3 
كلمات ذات علاقة
لذيذ , الكرنب , بطعم , شوربة , هتحبيه , وهتخسى