طريقة حلوة لتحضير اللوبيا خضراء
مجتمع رجيم / الاطباق المتنوعة
كتبت :
اميرة حلوة
-
اهلا بالحلوين شعب رجيم و الزائرات الكريمات
اللويبا الخضراء في منا اللي مايحبهاش
انا افضل طريقة احضرها بيها هي على شكل مقبلة وتجي بنينة بزااااااااااف
اول حاجة يا حلوين
تجيبي اللوبيا خضرا و تقطعيها و تغسليها و تطهيها عالبخار
اذا اردتي تضيفيلها الجزر مقطع دوائر و ترميه معاها و تضيفيلهم شوية ملح
بعدما يجهزو
تجيبي مقلاة تحطي فيها شوية فقط زيت
وتجيبي المهراس و تهرسي فيه ثومة و شوية كمون و تدقيهم جيدا و تحطي هذا الخليط في المقلاة
و مباشرة تضيفي عليهم الخضار المطهوة
وتقلبيهم
وتخليهم مدة على نار هادئة طبعا و انت مغطية المقلاة ....ضروووووووووووووووري
وتقلبي من حين لاخر
و بس ....الطبخة جهزت
انا هنا قدمتها مع بطاطا اصابع مقلية و بيفتاك مقلي
ان شاء الله تعجبكم الطريقة يا قمرات
