مجتمع رجيمالأطباق الرئيسية

عزومتى لمنتدى رجيم ... مصرية 100%

دوللى 04:02 PM 11-19-2011
http://www.rjeem.com/up/images/s9gwrw0gpa0nm2l3gbwz.gif


أزيكم حبيباتى مشرفات وعضوات فى منتدانا الغالى رجيم

الكل معزوم عندى هقدم لكم فى عزومتى النهاردة طبختى اليوم

لحمة وفاصوليا خضراء وأرز وملوخية وشوربة لسان عصفور والباذنجان المخلل وده الرابط بتاعه عشان مش عايزين ننساه فى العزومة



http://forum.rjeem.com/t113090.html


نبتدى بسم الله


أولآ اللحمة

سلقتها مع اضافة البصل يكون حلقات مع قليل من الفلفل الأسمر والحبهان وأضفت الماجى فى الآخر وبكده شوربة اللحمة جاهزة



ثانيآ الفاصوليا

كيلو ونصف فاصوليا خضراء قطعتها وغسلتها كويس ووضعتها فى المصفاه



بعدها حطيتها فى الحلة وقطعت عليها بصلة كبيرة ودقيت رأس ثوم صغيرة مع ملعقة سمنة متوسطة وابتديت أشوحها قليلآ على النار مع التقليب



هنا بعد ما شوحتها وبعد كده أضفت اليها الطماطم بعد ضربها فى الخلاط





بعد كده أضفت عليها مكعب مرقة خضروات مع قليل من الفلفل الأسمر وقلبتها وتركتها لما تستوى




وفى الآخر أضفت عليها معظم قطع اللحم مع قليل من الشوربة




ثالثآ الملوخية

كيس ملوخية بسمة 400 جرام




آخدت من الشوربة وتكون سخنة فى حلة صغيرة وحطيت فيها الملوخية وهى مجمدة لتذوب فى الشوربة



ودقيت رأس ثوم صغيرة مع قليل من الملح والكسبرة الناشفة وحطيتها فى طاسة صغيرة وشوحتها قليلآ مع قليل من السمن



ودى فى مصر شهقة الملوخية هههههههههه

على طول تضيفى الثوم على الملوخية وتقلبيها وطبعآ شميته الريحة معايا هههههههه




لسه العزومة ما خلصتش

يتبع

دوللى 04:13 PM 11-19-2011
رابعآ الأرز

غسلت الأرز



نضيف فى الحلة زيت طبخ أو زيت ذرة وشعرية وتتحمر كويس



بعدها نضيف الأرز ونقلبه ونملحه ونضبطه كالمعتاد



وهنا بعد ما استوى




خامسآ شوربة اللسان عصفور

قليل من السمن فى حلة صغيرة مع اضافة اللسان عصفور ويقلب حتى الاحمرار





بعدها ضيفى الشوربة واتركيها تغلى قليلآ وغطيها لكى تنضج وملحيها



وبكده خلصت العزومة لآ لسه شوية

يتبع
دوللى 04:21 PM 11-19-2011
لسه هنقدم الأطباق

اتفضلو معايا البيت بيتكم



الفاصوليا



والملوخية



الأرز



الشوربة



ودى الأطباق مع بعض وما ننساش معاهم الباذنجان المخلل










ويارب تتقبلو عزومتى وتعجبكم حبيباتى

وبالهنا والشفا



سارة 0 05:57 PM 11-19-2011
تسلم ايديكى حبيبتى دوللى الاكل شكلة يجنن وخاصة الملوخية بموت فيها بصراحة شكل الاكل جوعنى علية العوض فى الرجيم
كلمة صدق 05:59 PM 11-19-2011
ايه الحلاوة دي يا دوللي
انا وبالصدفة النهاردة برضه طابخة فاصوليا ^_^
بجد تسلم ايدك يا قمر

دينار 06:19 PM 11-19-2011
انا جعانة جعانة


ايه الجمال ده بجد تسلم الايادي حبيبتي


الاكل شكله تحفة
يلابسرعة سخني العيش قبل الاكل مايبرد ههههههههه


سفرة دايمه


وبالف هنا وشفا
وطبعا احلي تقييم
1 2  3  4  5  ... الأخيرة
كلمات ذات علاقة
... , 100% , لمنتدى , مصرية , رجيم , عزومتي