زيت ورد_محلول ملح_زيت خروع_برتقال_ليمون
مجتمع رجيم / الموضوعات المميزه فى المكياج والعناية بالشعر و الجسم
كتبت :
ياسمين حمدى
-
مش محتاجه اقولكم اد ايه وحشتوووووونى
طبعا كله شاف العنوان قال هيه سمسم اجننت ولا ايه
عنوان ملخبط شويه
بس بجد
مهم جدااااااااااااااااااااااااا
اولا فرحى فاضل عليه 9 شهور
وقررت انى مزنقش نفسى وابتدى من دلوقتى اظبط كل حاجه
اول حاجه فكرت فيها هيه وشى
اولا انا كنت بمر بظروف صعبه جدا ودى الى خلتنى اتنازل عن انى اكون مشرفه
بس ده اثر على بشرتى جدا اجهاد وحبوب واثار حبوب كمان
جربت كذا حاجه بس عشان نفسيتى كانت وحشه مكنش حاجه بتجيب نتيجه
من غير رغى قررت اعمل الوصفه دى
محلول الملح
كبايتين ميه وعليهم كباية ملح وتسيبيهم يغلوا على النار ربع ساعه وبعد كده لما يبردوا فى برطمان وعلى التلاجه علطول
تانى يوم اغسلى وشك الصبح وبقطنه كده نظيفه وخدى منه وحطى على الحبوب انا بحط على وشى كله والله العظيم يا بنات فى خلال 3 ايام مكنش فى وشى ولا حبايه كنت ببص فالمرايه مش مصدقه بجد بعملها مرتين فاليوم وممكن تلاته وبليل قبل ما انام بدهن
زيت خروع
وبعمل بيه مساج خفيفه كده واطفى النور واناموده مفيد جدا لاثار الحبوب وبيمنع التجاعيد
الفطار بتاعى لازم يبقى فيه عصير ليمون والعشا كمان لانه مفيد جدا
وكمان المنطقه الحساسه بقى
قبل ما انام كل يوم بقطنه وامسحها بزيت الورد
والله بيطلع فى القطنه بلاوى كانى عمرى ما استحميت
وادهن بعدها زيت لوز حلو
حالا بقى قبل ما اكتب الموضوع دخلت غسلت وشى كويس جدا
وقلت ايه
اجرب زيت الورد على وشى كده
والقطنه مبتكدبش كمية سواد يا جماعه انا كنت عامله كده
وفكرت
انه فعلا بيفتح كده لانه منظف قوى اوى وبعدها شطفت وشى بميه بس من اثار الزيت
فاضل البرتقال
بصوا بقى كلنا خايفين من التجاعيد وكده صح
؟؟؟؟؟؟؟؟؟؟؟؟؟؟؟؟؟؟
هقولكم على الحل بس لما اشوف ردودكم الحلوه
مستنياكم اهوه
احم احم
انا جيت اهوه
بصوا بقى فى عباره مشهور بتقول الوقايه خير من العلاج تمام
يعنى بدل ما نقعد نصوت على التجاعيد لما تتطلعلنا فى سن صغير نحاربها احسن
طيب نقول بسم الله واقولك الحل
اولا احنا بندفع فلوس يا جماعه فى كريمات مضادات الاكسده والكولاجين الى بجد اسعارها نااااااااااااااااااااااااااااااااااااار وعلبتها قد علبة الكبريت
عشان التجاعيد
انا بقى هقولكم عن الى هيغنيكم عن كل ده
السبب الى بيخلى البشره تجعد اول حاجه نقص الميه وكمان نقص التغذيه الصحيحه
كل ده كلام قديم
طب ايه الجديد
البرتقال
يا حبيايبى
عصير البرتقال الفريش يوميا يديكى كل فيتامين سى الى بتحتاجيه الى هو مسؤول عن انتاج الكولاجين
بالنسبه للقشره هنغسلها ونجففها ونطحنها نعمل منها بودره ومعاها علقة عسل ونعمل بيه ماسك نص ساعه
وممكن نحط البودر دى على علبة كريم وندهن بيها الجسم كمان
اوكى ايه كمان
زيت البرتقال
ده كمان ممكن نحطه مع الفازلين والجلسرين ونعمل بيه مساج
وممكن نعمل بيه مساج للبشره قبل النوم
انا على الرغم ان بشرتى دهنيه بس بستعمل الزيوت دى عادى
لانى بستعمل للاسف البودره المائيه لان كريمات الاساس بتطلعلى حبوب
هيه بتنش الوش بجد
وكمان انا بغسل وشى كتير جدا
فبحتاج انى اعوض الزيوت دى
انا هكتبلكم كل الزيوت الى بتساعد البشره على محاربة التجاعيد وتللين الجلد ودى طبعا تعملوها قبل النوم ويا ريت تمسحى بقطنه بعد المساج عشان لو فى اى زياده وتستعمل بكميات بسيطه
واهم الزيوت دى
زيت الخروع
زيت البرتقال
زيت بذرة الرمان
زيت اللوز
انا عن نفسى ماشيه على جدول حلو عشان اقدر استفاد من كل الزيوت دى
لو تحبوا اكتبهلكم من عنيا