تحضير الزهرة على شكل كيكة
مجتمع رجيم / الأطباق الرئيسية
كتبت :
اميرة حلوة
-
اهلا بالغاليات
في منا اللي ما يحب الزهرة .....احنا نسموه الشوفلور يعني CHOU-FLEUR
انا شفت طريقة حبيبتي ام البنات المؤدبات و عجبتني بزااااااااااااااف
و انا هنا انزل طريقتين في تحضيرو
اولا لازم تفكيك الزهرات الى بوكيهات صغيرة ثم طهيها في ماء مغلى مضاف اليها شرائح ليمون من اجل الرائحة
بعدما ينضج تصفيه
الان تحبي تغمسيه في بيض مخفوق مع شوية ملح و فلفل اسود
ثم تقليه على نار عالية شوية حتى ما يتشربش الزيت
وهذا يحضر مع مرق احمر فيه حمص و لحم
او هذه الطريقة و تعتبر صحية
تصفي جيدا الشوفلور بين يديك بحذر و تحاولي تزيدي تفككيه لزهرات اصغر
تحطيه في صحن كبير و تحطي فوقو قطع جبن و تصبي فوقو بيض مخفوق
و تكوني حطيتي شوية زيت في مقلاة ما تلصقش و تصبي الخليط
و تغطيه و تخليه ينضج ثم تقلبيه كي الاومليت
وصح و عافيه على قلوبكم