ليبيا حره اخيرا ^^

مجتمع رجيم / مقهى وردات رجيم
حرائر راس حسن
آخر تحديث: 30 سبتمبر, 2020
بسمـ الله الرحمنـ الرحيمـ
.
.
,
ليبيا حره واخيرا

الله اكبر الله اكبر

ولله الحمد على كل شي لو ربي مكانش معانا مكناش انتصرنا على الطاغي

فى سؤال لما تسال اي حد علاش اتحب معمر وتبيه ؟؟ ايجاوبك :- انتم طلعتم بالسلاح من بدايه الثوره لو طلعتو سلميه مكانش حيكون فى قتل!!!

معقوله blink2.gif

حنقوللكم
احنا فى ليبيا طلعنا سلميه كيف سوريا واليمن سلميه سلميه لاكن هوا جي لبنغازي بالدبابات و الميم طاء هذا تصرف غير انساني لناس عزل زي ليبيا فى بدايه الثوره من ايام 15 -16-17-18-19-20 ليوم عشرين بعدين تسلح الشعب الليبي وحظر الطيران جي متاخر بعد تهديد زيف الاحلام (سيف الاسلام) انه حيقسم ليبيا قطعه قطعه وتصبح حرب اهليه ..... والخ , فانا هنا نب انقول لكل مؤيد ( منبيش انقول طحالب لان احنا ثوره عادله منبوش نأذو حد) لكل مؤيد للقذافى القذافى خلاص مات القذافى شن مزال تبو اكثر من هكي و سيف وشدوه وعبد الله السنوسي فلهذا السبب لازم اتفيقو وتنسو كل شي ونبدو صفحه جديده من دون ماضي معمر لان معمر طمس كل الحقائق

وتوا انتم حتقولو انتى شن تعرفى على تاريخ ليبيا باش تتكلمى

انا عندي جواب لسؤالكم هذا

اول شي احنا كان عندنا حضاره اسمها الليبو و فى جنوب ليبيا جبال اسمها (جبال الاكاكوس) لو تمشو غادي تلقو فى رسوم لزي فراعنه مصر لاكن ليبيين و هلبا هلبا حاجات

المهم احنا توا نبو ننسو عهد معمر ونبدو حياه جديده بدون ظلم بدون دكتاتوريه بدون حقد بدون بغضاء بدون كراهيه

احنا فى ليبيا توا لما تمشي فى الشارع وتلقى واحد فى الشارع مسكين فى موقف ومحتاج للمساعده ايساعده بكل مايملك لان توا خلاص معاش فى دكتاتوريه

وقصه الزنتان خنبو هذي كذب و فتنه منتشره فى ليبيا من قبل الطابور الخامس لانه هو اللى يخلي في الليبين يكرهو بعض

لاكن احنا نقولو (لاشرقيه ولا غربيه ليبيا وحده وطنيه) الله اكبر الله اكبر على كل من طغى وتجبر icon7.gif

نب تفاعلكم معاي لتوعيه المؤيدين ومتقولوش عليهم (طحالب) لانهم ناس فى النهايه و ربي يهديهم wassat.gif وانشاء الله تكون ليبيا احلى بلد 000003254.gif

والسلام عليكم ورحمه الله وباركاته

وربي ينصر كل الشعوب العربيه و بالاخص سوريا لان عندهم دكتاتور كيف معمر unsure.gif

واحنا معاكم يا شعب مصر والله اكبر الله اكبر شكرا على كل مساعدات العرب لنا وشكرا


اختكم .. حرائر راس حسن

Pdr25077.jpg

الله اكبر
المقدسية
آخر تحديث: 30 سبتمبر, 2020
أشكرك أختي حرائر على مشاعرك الدافئة التي وصلتني وأوقدت في نفسي حب بلادنا الغالية ليبيا ... تحيتي لكِ من مدينة بنغازي إلى مدينة طرابلس وإلى كل مدن ليبيا .. أختك المقدسية
الفتاة الوردية
آخر تحديث: 30 سبتمبر, 2020
قال تعالى(( يعز من يشاء ويذل من يشاء)) الحمد لله اللي نصرنا ...واللي اخد حق كل مظلوم...والله اكبر على كل من طغى وتجبر....
والله يكتبلنا الامن والامان ...ولكل الشعوب العربية والاسلامية.....
مشكورة اختي على موضوعك وبارك الله فيك
حرائر راس حسن
آخر تحديث: 30 سبتمبر, 2020
مشكورين بنات بلادي على تفاعلكم وليبيا دائما حره والله اكبر
مامت توتا
آخر تحديث: 30 سبتمبر, 2020
حبيبتي ربنا يكتب ليكم الحريه كمان وكمان
شعب لبيبا شعب جميل وشعب
مجاهد والف الف مبروك التحرير
وربنا يكملها علي خير
noor2005
آخر تحديث: 30 سبتمبر, 2020

الحمد لله يلي ربي خلصنا من الطاغي
هادي أهم حاجه
وبالنسبه للمؤيدين توا فتره وينسوا ويرجعوا لحياتهم الطبيعيه
والله أكبر وعاشت ليبيا حره مستقله
الصفحات 1 2 

التالي

انا والمنبه وهواك ( حمله فراشات رجيم 2 )

السابق

سؤال صريح

كلمات ذات علاقة
ليبيا , اخيرا , جره , ^^