مجتمع رجيمالحمية و الرشاقة و الرجيم

قبل ما تعملي رجيم و تندمي اقري موضوعي

السلام عليكم

كيفكم يا حلوات ان شاء الله كلكم بخير و صحة و عافية انا بصراحة ما عارفة وين القسم المناسب للموضوع فحنزلو و المشرفات يشوفو الافضل
بما اني جديدة حعرفكم بنفسي انا طبيبة مخبرية عمري 28 سنة طولي 156 ووزني 95 كيلوووووووووو كيلو ينطح كيلو الله يعين
المهم حبيباتي انا اشتركت في المسابقة الجديدة اللي حتبدا يوم 1\12 لاني اؤمن ان العمل مع المجموعة بيدي دفعة معنوية كبيييرة و حبيت احكيلكم قصتي مع السمنة و مشواري الطويل يمكن تستفيدو و ما عايزة منكم غير انكم تقرو كلامي كوييسس عشان ما تضيع اعماركم ورا الرجيمات زي ما ضاعت مني كل السنين الفاتو.
نبدا على بركة الله
انا كان وزني طبيعي لحد ما كملت 15 سنة ، كان حوالي 50 كيلو بعدها جالي خلل هرموني و زاد وزني في سنة و شوية لحوالي 85 و طبعا كان في اعراض تانية زي تساقط الشعر و تهيج البشرة و نزف الدورة الشهرية و الامها و اتعالجت عند دكتور جلدية بحبوب منع الحمل بس ما اداني الا كورسيين لاني كنت لسة 17 سنة قالي حاولي تحافظي على نفسك بنفسك و بديت المشار لما دخلت الجامعة كنت ما بعرف اي شي عن الدايت و الغذاء الصحي فعمات تخفيف بس و امتنعت عن السكريات و البيبسي و كنت امشي في الجامعة كثير و طبعا يوم فري ده كلو بداتو في عطلة سنة اولى على نهاية سنة تانية وصل وزني 61 صح الفترة طويلة بس ما حسيت بتعب و يمكن انشغالي بالدراسة ما خلاني احس بطول الوقت و فضلت محافظه على وزني بين 61 ال 67 لما ابطل اهتم بنفسي خااالص.
بعد التخرج سافرت بلدي عشان ابدا تمهيدي الماجستير و مريت بظروف تعبتني نفسيا لدرجة انو وزني كان بينزل بدون اي دايت لاني اصلا ما كنت باكل . خلصت التمهيدي و قعدت في البيت و انتو عارفين صح بلدي و اهل امي و ابوي ما قصرو معاي بس انا عايشة طول عمري في اليمن و اهلي و صحباتي و حياتي كلها المهم هو مش عذر بس ده اللي حصل دخلت في اكتئاب و بعد شهرين قررت اوقف الماجستير و ارجع اليمن و كانت الصدمة .
اخواتي و صحباتي ما قادرين يتكلمو و لا يعبرو انكتمووو خااالص لما شافوني وزني كان حوالي 90 كيلو و انا سافرت من عندهم يمكن 63 .و بديت مشوار الرجيمات السريعة من 2007 و الى يومنا هذا و الشي الوحيد اللي حصل لي اني زدت كمان 5 كيلو . جربت كل شي يخطر على بالكم كلللللل شششششششششششئ .
غير الخلطات و الحبوب و غيره .
و اللي توصلت ليه يا بنات بعد مشواري الطويل هو النظام الحاكتبو ليكم لاني فعلا استفدت منو و نزلني من 97 الى 94 طيب ليه انا وزني حاليا 95 لاني سبتو و رجعت للرجيمات السريعة و رجعت بعدها للاكل و زدت كمان كيلو.
شوفو يا حلوات انسو تمممماااما شي اسمو رجيم لانكم ببساطة حترجعو اوزانكم تاني و لا تقولولي برنامج تثبيت و غيرو مافي برنامج تثبيت للعمر كله .
بعدين الحالة النفسية اللي حتعيشيها و انتي حارمة نفسك من الاكل ما حتخليكي عايزة تكملي .
شي تاني مش كل الناس بتحب نفس الاطعمة يعني ما بنفع اخد دايت حضرو غيري و امشي عليه و انا ما طايقة الاكل اللي فيه ، انا مثلا ما بحب لا الخضار و لا الفواكه و كل الانظمة الغذائية خضار و فواكه (اموت يعني)
ثم ان الجسم عشان يحرق باستمرار و بدون توقف محتاج تغيير يومي في عدد السعرات و ده مش متوفر في الانظمة الغذائية .
انا يا بنات ما كتبت الموضوع الا لحبي ليكم و خوفي عليكم قسما بالله و لاني قرات كير جدا في كل البرامج الغذائية و الطب النبوي و الطب الصيني و العلاج بالطاقة و مواضيع كثيرة ليها علاقة بصحة المراة .

و اكتشفت ان اكبر خطا نقع فيه هو الرجيم و ثقافة ال body shape اللي اتربينا عليها بدون الاهتمام بصحتنا و التركيز عليها. بعدين احنا الحريم ما زي الرجال يعني ثلاث ارباع مشاكلنا خلل في الهرمونات و ممكن نكون ما ملاحظين و لا عارفين بس لازم تعرفو ان الرجيم القاسي من الاشياء اللي ممكن تسبب لك مشاكل في هرموناتك كمان الضغط النفسي الحتعيشي فيه لو دور كبير في مشاكل الهرمونات غير الالتهابات (و انا عندي تجربة شخصية في العلاج منها بالنظام الغذائي اللي حكتبو ) و لخبطة الدورة و الآم المفاصل و الانهاك و غيره كثيييييير.
و اكيد كل وحده فيكم جربت رجيم سريع لاحظت بعده الفجعة اللي جاتها على الاكل و الرغبة الشديدة في الدسم و الحلو
انا عارفة اني طولت عليكم بس كله عشانك و الله و عشان اسهل عليكم البرنامج حكتبو على شكل نقاط و اشرح فائده كل نقطة .
بسم الله توكلنا على الله
اولا: الماء
ابداي يومك باربع كاسات ماء و حاولي تنقطي فيها شوية ليمون و بعد ساعة الا ربع افطري و خلال اليوم حاولي انك تشؤبي ما بين 2 الى 3 لتر موية و اذا ما متعوده ابداي شوية شوية لحد ما تتعودي .
طيب ليه :اثبتت الدراسات الاخيرة ان الماء اقوى منظم للهرمونات و عشان كده نهانا ديننا الحنيف عن الصيام اثناء الدورة و النفاس لان هذي اكثر فترة احنا معرضين فيها للخبطة الهرمونات و ما حتتنظم الا لما تشربي 3 لتر ماء كل يوم شفتو رحمة ربنا بينا و كمان الماء منشط للكبد و كلكم عارفين ان الكبد لو اشتغل بصورة صحيحة بيزيد ايض الدهون و بيزيل السموم من الجسم و الماء مع الليمون على الريق من طرق الديتوكسيفيكيشن و حتلاحظي بعد 3 شهور التغير واضح جدا على بشرتك خصوصا اذا كنت بتعاني من مشكلة اسمرار مفاصل الاصابع . غير ان الماء بيعالج امراض كثيرة جدا ممكن تقراو عنها اذا بحثتو عن العلاج بالماء او الطب البديل الياباني . و انا لي تجربة شخصية في علاج الالتهابات المهبلية و الله و الله و الله يا بنات 11 سنة و انا اعاني من التهابات حاااده 24 ساعة و انا مببللة (اعذروني على الكلمة) و الله اني التزمت بشرب كميات كبيرة من الماء لمده يوم بس قسما بالله كاني عمري ما كان عندي هذي المشكلة انتهت تماما بعد 24 ساعة طبعا لسة مواصلة على شرب الماء.

ثانيا : انسي الرجيم
خففي اكل قدر ما تقدري انا بالنسبة لي كنت محدده لنفسي 10 لقم فطور 20 غداء 10 عشاء و اذا طلعت عزومة لقمتين من كل شي طبعا هدي مش فكرتي دي فكرة وحده في منتدى تاني و البنت نحفت تقريبا 50 كيلو في 6 شهور ، في البداية حتجوعي بس معليش اعتبري الاسبوع الاول دايت قاسي من اللي كنتي بتجربيهم و حتلاقي نفسك قبل ما يكمل اسبوع معدتك صغرت و ما في اي تعب نفسي لانك حتاكلي كل شييييي ما حتحرمي نفسك من شي نفسك هي اللي حترفض الاكل بعد كم لقمة . و على فكرة سر النظام ده انك كل يوم بتاكلي عدد مختلف من السعرات صحيح نفس عدد اللقم بس السعرات اللي في 10 لقم رو غير اللي في 10 لقم عيش و طبيخ . المهم الاسبوع الاول اول ما تتعود معدتك حيبقى الموضوع عادي لا نظام و لا غيره انتي بتاكلي اكل طبيعي يعني بتاكلي اللي نفسك فيه بس نفسك بقت ما بتتحمل الا كمية بسيطة.طبعا مش شرط تاكلو نفس عدد اللقم اللي كتبنها كل وحده تشوف نفها تقدر على كم و تبدا

ثالثا : المشي ثم المشي ثم المشي
يا بنات احنا كبرنا في مجتمع كل البهمو شكل جسمك بس وين الفايده لما اكون رشيقة و ما عندي لياقة وين الفايده لما يبقى عمري 40 سنة و انا ما قادرة احرك جسمي .
المشي من الرياضات البتحرك عضلة القلب يعني بتحافظ على اللياقة غير انو بينحف و بشد الجسم كلللللللووو و بيساعد على الاسترخاء و التفكير الايجابي خصوصا لو كان في مكان مفتوح .بعدين المشي هو الرياضة الوحيده الما مضطرة تركزي معاها بالعكس ممكن تستغلي وقتك في المشي و تسمعي شريط مفيد او تسبحي و تستغفري و تصلي على النبي . كمان المشي رياضة للعمر كلو لانك ما حتملي منها بسرعة زي باقي انواع الرياضة اللي حتتشجعي و تبدئيها في الجيم في بداية الدايت و بعدين تكسلي و تسيبيها و تبقي في مصيبه اسمها الترهل .

رابعا: وده شي اختياري
صيام التطوع الاتنين و الخميس و الليالي البيض لان الصيام من اقوى طرق ازالة السموم من الجسم خصوصا اذا فطرتي فطور خفيف و عصائر طازجة و كل ما قلت نسبة السموم في جسمك اتحسنت صحتك بس نصيحة شخصية مني صومو الليالي البيض لان صيامها فعلا بيضبط الهرمونات في الفترة دي من الشهر لان الماء في اجسامنا بيستجيب لاكتمال القمر زي ما بتستجيب البحار و المحيطات و المد بيسبب لخبطة في الهرمونات و تعكير مزاج ممكن تتفاديه بالصيام لان الصيام بيتحكم في مستوى ماء الجسم .

خامسا:
مافي داعي تحبطي نفسك و تعذبيها كانك ارتكبت جريييمة في حق البشرية لانك سمينة حبي نفسك و حبي صحتك و لا عليك من كل اللي حواليك انتي يهمك في الاخر مصلحتك و مافي داعي تحرمي نفسك من اللبس و الاهتمام بنفسك عشان وزنك انا ما قلت ليكم الكلام ده الا لاني جربت في نفسي تصدقو يا بنات اني من زاد وزني في 2007 ما اشتريت الا بلوزة و جيبة بس لاني اصلا ما اطلع و لا امشي مكان و بطلت اهتم بنفسي و كانت النتيجة زيادة وزني زياده و بهدلة شعري و بشرتي و الان انا ندمانة على الخمس سنين ،خمسة سنين من عمري و الله ما بتمنى وحده فيكم تعيشها. اهتمو بنفوسكم عادي ما لازم تلبسي كل اللي نفسك فيه اذا ما مقاسك شوفي حاجات حلوة تجي عليك عشان نفسيتك تتحسن و احسني الظن بالله و قولي حيجي يوم البس كل الفي نفسي و انا بصحة و عافية .
سادسا :
ما تحوشي نفسك بمشروبات الحمية و غيرة صح هي مفيده بس ما تغصبي نفسك تشربيها بكميات كبيرة و غصبن عنك اشربيها عشان صحتك شاي اخضر و زنجبيل مرتين بالعصر اذا حبيتي عشان الكبريت و تنقية الجسم و قشر القهوة و القرفة قبل الدورة عشان تنظيف الرحم بس انتبهو يوم الدورة نفسو ما تشربو قرفة لانها بتزيد الوجع .

سابعا: الشي الوحيد اللي حقوليك ممنوووووووع
هو المشروبات الغازية و مش عشان زيادة الوزن لانك ممكن تشربيها بكميات بسيطة ما حتاثر لا سيبيها عشان صحتك عشان عظامك فكري في نفسك بعد كم سنة لما تكبري و عادي اذا بتحبيها موت ما تسيبيها مرة وحده عشان ما ترجعي لها بنهم لا اذا متعوده تشربي اكثر من مرة في اليوم خليها مرة وحده في اليوم لمده اسبوع و بعدين يوم ورا يوم لمده اسبوع و بعدين مرتين في الاسبوع لحد ما تبطلي تتعودي عليها اهم شي انك تاخدي نفسك بهدااااوة ما وراكي شي .


ثامنا:
جربو انكم تقدمو العشا ساعة كل شهر يعني اول شهر قدموه ساعة و اتعودو على كده و تاني شهر قدموه ساعة زيادة لحد ما توصلو للساعة ستة لما تتعودي على الساعة ستة وقفي طبعا ممكن باقي اليوم تشربي عصائر فرش

تاسعا: بالنسبة للحلويات
عادي كلي منها بكميات بسيطة يعني بدل 20 لقمة غدا ممكن تخليها 15 و الباقي سناك حلا في العصر بس بنات انتبهو ان الحلا بيغير الوسط الحمضي للرحم و هو المسئول عن زيادة نمو الفطريات وزيادة الالتهابات فلما تقلليها ما تفكري انك بتحرمي نفسك فكري انك بتحافظي على صحتك و شوي شوي حتتعودي و ختكون حتى ال5 لقم كثيرة بالنسبة ليكي بس اذا كنتي من النوع اللي بيحب الحلى مع ايام الدورة زيدي الكمية شوية عشان ما تتوتري

عاشرا: اهم شي
يا بنات تتوكلو على الله و تدعوه و تقربو منو و تتوبو و تستغفرو ربنا تعالى قال (و ماكان الله معذبهم و هم يستغفرون ) و السمنة نوع من العذاب استغفرو عشان ربنا يرفعو عنكم
و كمان قال تعالى (و اذا سالك عبادي عني فاني قريب اجيب دعوة الداعي اذا دعان فاليستجيبو لي و ليومنو بي )و نحنا كل البهمنا من الاية الجزء الاول ندعي لكن لا نستجيب و لا نؤمن .بنات و الله ربنا ارحم بنا من ابائنا و امهاتنا و كل شي في حياتنا رحمة و حكمة حتى سمنتنا ،كل وحده ادرى بنفسها كل وحده تحاول تتوب من قلبها عن ذنوبها و تبدا صفحة جديده في حياتها انا عارفة اننا احيانا نحاول مع نفسنا اننا نتوب و نقرب من الله تعالى و نلقى نفسنا ثقيلة على الطاعة و ما عايزين نسبح او نستغفر او نتوب و الله انا مجربة ده كله انا مريت بظروف ما يعلم بيها الا هو سبحانه بس و الله كنت ادعي من قلبي ان ربنا يديني و يحببني فيه و في الطاعة و انا نفسي ضايقة حتى من الدعاء و ما خيبني سبحانه و الله انو شرح صدري ووفقني لطاعته ووفقني اني اتوب عن حاجات كنت شايفا اني صعب اسيبها مثل الاغاني و الميك اب و خلاني انتبه للمداخل اللي يدخلي الشيطان منها انا كنت دايما شايفا ان الميك اب الخفيف اللي بحطو بيحبب بنات بلدي في الحجاب لاني محجبة و كنت مقتنعة تماما باللي بعملو و سبحان الله ربنا فتح عيوني على النقطة دي و على حاجات كثيرة في حياتي . بنات و الله الاستغفار ة الصلاة على النبي سحححححررر تفرج الكرب و تشرح الصدر
كمان نقطة تانية
ارقو نفوسكم و حصنو نفوسكم دايما و اقرو البقرة ما بتعرفو يمكن اللي فيكم حسد او عين ما صلت على النبي الله يحفظنا جميعا يا رب اعذروني على الاطالة و يارب تستفيدو من كلامي
مشكورة حياتي على نصايحك المميزة واللي طالعة من قلب صادق
الله يوفقك ويرزقك كل ماتتمنين آآآآمين
اقتباس : المشاركة التي أضيفت بواسطة حروف ملكية:
مشكورة حياتي على نصايحك المميزة واللي طالعة من قلب صادق
الله يوفقك ويرزقك كل ماتتمنين آآآآمين
و يوفقك و يرزقك كل خير يااارب و الف شكر على ردك حبيبتي
عزيزتي نقاط ممتازة بحاجة للتوقف والتفكير الله يجزيك كل خير ويحققلك اللي ببالك آمين
مـــــــاشاء الله تبارك الله

موضوعك أكثر أكثر من رائع كلام بإحساس وواقع تجربه ومن قلب

نقاط مهمه وشامله بجد روووعه

أكثر شي حبيته نظام عدد اللقم احسه مافي حرمان وفي نفس الوقت تصغير المعده وتنزيل للوزن


الله يسعدك حبيبتي

تقبلي مروري لموضوعك الرائع وتقيمي المتواضع


ينقل الموضوع للقسم المناسب :)
اقتباس : المشاركة التي أضيفت بواسطة نيشان سبرينغ:
عزيزتي نقاط ممتازة بحاجة للتوقف والتفكير الله يجزيك كل خير ويحققلك اللي ببالك آمين
تسلمي يا عمري و انا ما عايزة غير انكم تفكرو فيها بروية و تستفيدو منها و تنحفو بصحة و سلامة يا رب العالمين
1 2  3  4  5  ... الأخيرة
كلمات ذات علاقة
ما , موضوعي , اقرى , تعلمي , تندمي , رجيم , قبل