لكل محبى الفطير من عضوات منتدانا الحبيب تعالوا شوفوا طريقتى
مجتمع رجيم / المعجنات وَ السندويشات
كتبت :
محبة رسول الهدى
-
ازيكم ياقمرات
أنا عملت النهارده فطيرلحبايب قلبى عضوات أحلى منتدى فى الدنيا
منتدى ريجيم
المقادير
كيلو دقيق نقصت منه كوباية
ملعقتين صغيرين ملح ورشة ملح
مية دافية
خلطهم مع بعض لغاية لما تبقى عجينة حلوة لا طرية ولا جامده
كورت العجينة كور وسبتها ترتاح حوالى ساعتين
بعد كدة فردت ودهنت سمن بلدى وزبده وشوية زيت
وطبقتها وهكذا
وحطيت واحده جوا واحده والفطيرة الواحده فيها 5 كور
وسبتها شوية على ماأخلص الباقى علشان تبقى سهلة
فى الفرد فى الصينية
ودهنت الوش قشطة مضروب عليها بيضة
وعلى الفرن على طول بس تكونى مشغلاه من قبلها بشوية علشان يبقى
سخن وتكونى متابعى علشان ماتتحرقش
بعد كده ارتفعت
وبعد كده هتبقى بالشكل ده
ولما طلعته من الفرن حطيته على كيس علشان
ماينشفش ويبقى طرى ومورق من جوة
طبعا يتاكل حسب الرغبة
مع عسل أبيض أو أسود وجبنه قديمة
يارب يعجبكم
