كريم مرطب للجسم فى الشتاء يخلى جسمك حرير و من صنع ايديكى

السلام عليكم

مجتمع رجيم / المكياج و العناية بالجسم و الشعر والعطور

محبة رسول الهدى

اخر تحديث

السلام عليكم

أزيكم يا أحلى وردات فى أحلى منتدى

طبعا مع الشتاء الجسم بينشف قوى

و بيبقا محتاج كريمات مرطبة و انا بقا جبتلكم وصفة تجنن اسمها

زبدة الجسم

عبارة عن مكونات طبيعية بس بتخلى الجسم زى الحرير
ومش بس كدا لاء كمان بيشد و يمنع الترهلات ..
وبيمنع التجاعيد ..

مكونتاها بقا سهلة قوى
ربع فنجان زبدة كاكاو و حتلقوها من منتجات شركة بالمرز أو منتجات فازلين

بجد تحفة ملوش حل بيخلى الجسم ناعم حريررررررررررررررررررررر لوحدة تخيلى بقا مع الوصفة حتبقا أية

معلقة كبيرة زيت جوز هند.. مش جوز اختها خلو بالكم
2 معلقة كبيرة زيت سمسم
1 معلقة كبيرة زيت زيتون نقى
و يستحسن تجيبى الزيوت كلها ماركة الحواج موجودة فى كل سوبر ماركت
و 3 معالق فازلين عادى او ممكن بقا تجيبى فازلين بزبدة الكاكاو و تستغنى عن بتاع بالمرز

و زيت عطرى ب2 جنية مسك مثلا او ياسمين اللى يعجبك

معلقة كبيرة شمع نحل ..نقى و دا بقا حتلقيها فى عسل نحل أيزيس بشمع العسل

و سعرة 17 جنية حتخدى الشمع من فوق و تعملى بية الوصفة دى و على فكرة الشمع دا مغذى و مفيد جدا بيدخل فى صناعات الكريمات و مستحضرات التجميل غالية الثمن
الطريقة بقا بسيطة قوى
ببساطة اوى وفى حمام مائى هنسيح زبدة بالمرز و الفزلين العادى (( او زبدة الفازلين ))
...و شمع النحل
...و نضيف الزيوت
..نخليهم فى الحمام المائى لحد ميمتزجو جدا و بعدين نصبهم فى علب شيك كدة بتاع اولاد الزوات

وبعدين نسيبها تبرد حتجمد تانى بعد شوية ..

**ساعه تستخدميه عادى خالص تاخدى حته صغنونة ..بمجرد مهتلمس بشرتك ..هتسيح ...و ترطب و تزيل جفاف البشرة خالص
و كمان بتشد البشرة مع الاستعمال اة و الله و خصوصا البطن مع التدليك طبعا بعد مانحط الكريم
و كمان ريحتك حتبقا تجنن طول اليوم لاءن الفازلين بيثبت ريحة الزيت العطرى و كأنك حطاة برفان
جربيها و حتدعيلى
يلا بقا عاوزة اشوف تقيم لو الموضوع عجبكم و بحبكم فى الله

ميمو الرياض

اشكرك عزيزتي
ان شاء الله اجربها
تقبلي مروري

محبة رسول الهدى

تسلمى ياعمرى نورتينى

دلوعه العميد ..

يعطيك العافيه
انشالله بجربها
شكرا