يوميات رجيم الموز للاجسام العنييييدة

السلام عليكم و رحمة الله و بركاته
ازيكو يا قمرات ....
دي اول مشاركه ليا في المنتدي الرائع ده ... و حابة اكتب يومياتي هنا مع رجيم الموز ال هبدأه بكره ان شاء الله
و هو كالتالي
الأفطار : 2 موز
الغذا : 2 موز
العشا : 2 موز
و عند الشعور بالجوع ممسموح ليكي ان تاكلي موزه ما بين الفطار و الغذا و موزه ما بين الغذا والعشا
و مسموح بالشاي و القهوه بدون سكر
و هذا لمده اسبوع واحد طبعا مع ممارسه اي نوع من انواع الرياضه
انا جربت انواع رجيم كتير بخس بس مشكلتي وزني عننننيد جدا بينزل ببطيء و عملت كذا رجيم بدايه من التخفيف مرورا ب رجيم بيرفلي هيلز المشهور و الحمد لله وصلت ما بين 64 ل 63 كيلو و وزني متوقف ف قررت اعمل رجيم كميائي علشان انزل بسرعه و اثبت و ان شاء الله بكتبلو يومياتي و النتائج اول بأول و ال حابه تبدأ معايا و نشجع بعض يلااااا و ادعولي الميزان يتحرك بئاااااااا علشان تعبت
من اليوم نقول الوزن 64
الطول 158
الهدف الاول 60
الهدف الثاني 55
الهدف الثالث 50

يااااااااااااااارب تنحفي حبيبتي

موز
موز
موز هههههههه

مافيش حاجه تانيه
تغيير يعنى


ربنا يوفقك

انا سمعة عن الموز باللبن اول منرة اسمع عن الموز فقط
ربنامعاكى وياااااااااااااااااااااااارب تخسي بصحة

رجيم مش صحي ابد

الله يعينك

صباح الخير علي احلي رشيقات
اسفه امبارح مقدرتش ادخل علشان اقولكو اخباري مع رجيم الموز
امبارح بدأت و الحمد لله و دائما الصعوبه في الطلعه الاولي و الحمد لله اجتزتها مع رغبه حديديه في الضعف امام مغريات الاكل لكن الرغبه الاقوي كل ما افتكر نهايه الاسبوع و اقف علي الميزان و القيته اتحرك من ثباته الطويل
المهم بدات في الافطار اخدت 2موزه و الغذا كان متاخر شويه و كنت راجعه البيت جعانه جدددددا اخدت 3 موزه و شبعت الحمد لله لان الموز يقفل الشهيه بسرعه و العشا اخدت 2 موز و بعد العشا بساعه مثلا اخدت موزه تاني شفتو اسهل من كدا و لعبت كمان شويه سويدي في لجيم و مشيت في التراك
بس للاسف في يومين لخبطت فيهم قبل ما ابدا في رجيم الموز لاقيت نفسي زايده فيهم 2 كيلو تخيلو يعني كنت 63 بسبب اليومين اللخبطه دول بقيت 65 و 90 جرام بس مش مهم البيزيد بسرعه بينقص بسرعه و عندي امل كبير باذن الله ان رجيم الموز ده يكون له تاثيره
و في نهايه اليوم بيحيكلو يومي ان شاء الله