صباحكم ورد..
انا محبطة...ومحتاجة كل الدعم النفسي والمعنوي...
حياتي عم تضيع قدام عيوني وكله بسبب الوزن الزايد...
راح كون صريحة معكم واقولكم كل الاسباب المحبطة ...
اولا عمري 23 .. تخرجت من الجامعة من سنتين واشتغلت باكتر شغل بحبه بالعالم ...وبعدين صارت مشاكل على الشكل .. وطلبو مني اغير شكلي .. وانا تركت الشغل
وهلأ عم بشتغل باكتر شغل بكرهه بالعالم وهاد كله لانه وزني زايد وماعندي الشكل المطلوب في مجال شغلي ودراستي
والسبب التاني هو انه تخرجت وبشتغل وزهقت من السؤال الي كل الناس بيسالوني ياه...ليه لهلأ ماتزوجتي ...بس لو تنحفي شوي..بتشوفي العرسان واقفين طوابير..
المشكلة انه ماحدا عم يفهم اني مابدي اتزوج واحد لمجرد انه معجب بشكلي وجسمي... بس الحل الوحيد هو اني انزل وزني عشان مايكون في شي غلط بعيون الناس وبعدين نصيبي لو اجى بيكون خير من ربنا الكريم ولو مااجى ..ماحدا بيضل يتهمني انو الغلط فيني...
الفكرة انو ماعندي ريجيم معين ... الدكتورة اعطتني ريجيم 1200 كالوري واكيد اكيد ماراح امشي عليه .. بس ريجيمي راح يكون شي شكله كالاتي ..
الفطور : فنجان قهوة مع ملعقتين مبيض خالي الدسم ... ( الملعقة الواحدة فيها 20 كالوري بس ) يعني 40 كالوري
1 ملعقة لبنة خالي الدسم 30 كالوري
سناك : تفاحة او موزة او كمثرى لو الفطور بكير ولو الفطور متأخر مافي سناك.. 100 كالوري
الغداء : راح يكون 100 غ ( صدر دجاج او لحم عجل خالي الدسم او تونة او سمك فيليه ) 150 كالوري
سناك : خس وخيار 50 كالوري
العشا :ملعقة لبنة خالية الدسم او جبنة مثلثات لافاشكيري خالي الدسم ( 30 كالوري )
طبعا راح اشرب شاي اخضر ان شاء الله وماء كثير ( انا مغرومة بالماي ..مابحب العصائر ابدا الحمدلله هاي نعمة كبيرة )
وراح احاول اعمل رياضة كل يوم 35 دقيقة على الاقل ..
عندي اشتراك بجيم اسمه Curves رائع بيعمل تمارين لمدة 35 دقيقة ..
راح يكون جدولي كالاتي .. 3 ايام بالاسبوع .. خميس وسبت واحد ...
وبقية الايام مشي ..
هالشي راح يرافقه تدعيم نفسي...راح احاول اهتم بشكلي اكتر ...وجرب البس كعب عالي.. ولبس بناتي شوي..
بدي منكم دعم كبير...الاحباط عندي لايطاق...
يومياتي ماراح تكون عن الريجيم وبس...راح تكون متل مذكرات راح اكتب فيها كل شي بحسه بترافق مع التغيرات الجسدية ..
هلأ للقياسات ...راح احطها بعدين اليوم ..
بس الوزن : 84 حاليا ... وحلمي اوصل مبدأئيا لتحت ال75
الطول 164 سم ..
والله ينحفكم وينحفني على خير خاصة انه عيلتي مو مساندة كتير.. بيضلو يتمسخرو علي وعلى شكلي وماحدا بيجرب يساعدني كله بيحبطني هاد مع العلم اني من شهر 8 لحد الحين نزلت وزني من 96 ل 78 وماقدرت اكمل لانه الوالدة الله يهديها عملتلي مشكلة كبيرة واتهمتني بالعقوق علشان مابقبل اقعد معهم وقت الاكل لاني ماعندي ارادة ازا شفت اكل راح اكل .. وهيك صرت اجلس معهم على الغدا والعشا واكل واكل ...لحد مارجعت 84 بعد ماشفت ال78 بعيني..
وقررت اني ماراح اهتم ...هيي بتشوفني اني عانس لانه كل اخواتي اجسامهم حلوة وتزوجو وعندهم اولاد ماعدا انا .. وبتكلمو عني قدام كل الناس وبيحطوني في مواقف محرجة ... ولهيك قررت اني راح اعمل انا شو بدي وارجع حياتي الي عم تضيع من ايدي ...
وقبل ماصير 70 ماراح ارجع دور على شغل .. وهيك كل شي واقف على شكلي..
ادعولي الله يهدي امي واخواتي ...ويهديني
