مجتمع رجيمالاطباق المتنوعة

اكتر شوربه بحبها

بسم الله

كيفكن اخواتى الحلوات


[COLOR="rgb(255, 0, 255)"]انا اول مرة اقرر انى اكتب فى موضوعات الطبخ لانى مش من الناس اللى بتعرف تكتب وصفه طبخ متعوده انى اسمع لوصفه واطبقها او ادخل المطبخ اخترع اختراع ويطلع زى ما يطلع حتى ممكن انسى مقادير الاكل بس اللى بكون فاكراه انه الاكل لازم يطلع حلو علشان يعجب زوجى لانى بحبه جدااااااااااا وبتضايق لما بينزل يشترى اكل جاهز
[/COLOR]
انا مش هكتب وصفه اكله كبيرة علشان لا قدر الله ممكن اكتبها غلط
انما هكتب وصفه اكتر شوربه بحبها

(((شوربه البصل )))

بجد بحب الشوربه بطريقه غير عاديه وبفضل الله بعملها لذيذة جدا

المقادير يا حلوات

3 حبات بصل متوسطه ومتقطعه شرايح او مربعات زى ما تحبى انتى

3 ملاعق زيت الزيت اللى تفضلوه براحتكم ((انا بستعمل زيت ذرة ))

ملعقه كبيرة زبده ((للطعم ))
4 كوب مرق دجاج او لحم ((حسب الرغبه ))

3 ملاعق دقيق

مكعب ماجى

شرائح خبز فرنسى او خبز ابيض عادى ((حسب الرغبه ))

جبن موزاريللا مبشور ة


الطريقه يا قمرات


1 ضعى الزيت والزبده على النار وحركيه حتى يذبل ويصبح ذهبى اللون

2 اضيفى الدقيق وحمصيه مع البصل ثم اضيفى مرق الدجاج او اللحم وكذلك مكعب الماجى

3 غطى القدر واتركيه تلت ساعه على نار هاديه


4 قطعى الخبز لشرائح زى ماتحبى شكله وادخليه الفرن حتى يتحمص


5 اغرفى الشوربه فى صحن عميق ((فخار او بايركس ))

6 ضعى قطع الخبز المحمصه فوق سطح الشوربه ثم رشى علي وجهها الجبنه الموزاريللا

7 ادخليها الفرن حتى تذوب الجبن وتحمر ثم قدميها ساخنه



(((( ملحوظه ))))

*** الملح والفللفل الاسود حسب رغبه اللى هياكل الشوربه
*** او اضفتى قليل من البقدونس المفروم بجد هتكون ولا اروع

*** ممكن كمان تضيفى مكعبات صدور دجاج او مكعبات لحم مع المرقه ايضا ستكون افضل
*** يمكنك ان تبدعى ايضا وتضيفى اليها بصمه خاصه بكى انتى


وفى النهايه الف عافيه وصحه عليكم

ولو عجبتكم ادعولى بالذريه الصالحه

وصلى الله على سيدنا محمد
منوره القسم حبيبتي
ربنايسخرلك زوجك ويحفظو
و في انتظار تصويرك للشوربه
يا قمر
ربنا يرزقك بالذريه الصالحه

اللهم امين

وتسلم ايدك ع الشوربه ياقمر

وياريت لو مصوره

:)
شوربة باين عليها جميلة حبيبتي

الف هنا

و في انتظار جديدك