مصـــــــــــــــــــر

مجتمع رجيم / فيض القلم

كتبت : محبة رسول الهدى

بسم الله الرحمن الرحيم

و افضل بدايه لأي كلام وهو السلام

السلام عليكم ورحمه الله وبركاته

دورت في المنتدى عن كلمه حلوه لمصر

قولت ابدأ أنا بغنوه ليكي يا مصر

أيه رايكم كل واحد يدخل يكتب كلمه سطر جمله فقره أي شئ اهداء لمصر

انا في ابيات شعر قريتها في اماكن اخرى عجبتني قولت انقلها لكم

علشان تعرفوا أد ايه في ناس كتير بتحب مصر

أد ايه في ناس كتير عاشقه لمصر

مصر مهما كانت بلدي وبلدك

كلمات فى حب مصر

يا ابو قلب طيب يا مصرى شكلك ف تكوينى

اسمك كمان هوّ اسمى ومعدنك طينى

اغزل بقلبك معانى لجل ست الكل

راح تلقى نبضك ف لحظه بيهز شرايينى

لو كل مصري قال كلمتين

نتحدى كل المصاعب ونلاقي كل الحلول

أاوول كلام في حب مصر

مكتوب في بطاقتي الشخصية
أنا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك موشومة
و صوتي نغم سمسمية
***
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي

أنا مصريه وأمي مصرية
مولوده من جوه رحم أرضك
من طينك كحلت عنيا
والحبل السُري كان نيلك
مفطومه علي كلمة حرية
والنبض اللي يدب في قلبي
خطوات الناس رايحة وجيا
ومساَجدك وكنايَسك شاهد
علي روح الوحدة الوطنية
مكتوب في بطاقتي الشخصية

ياريت اي حد عنده كلمه حلوه لمصر يقولها ولو منقوله

نفسي كلنا نحب مصر

أنا حاسه اني بطول بس نفسي أقول كل حاجه لأني طوول اليوم ساكته وبروح

لوحدي ساكته بردو

اختكم
لبنى

كتبت : محبة رسول الهدى

مصر قالت صوت ولادي كلمة الحق في بلادي
هما دول سر التحدي, هما دول زهرة جهادي
هما دول هما الشباب
مصر قالت الكرامة عزة النفس بشهامة
هما دول أكبر علامة, كل حي وله قيامة
زي ماقال الكتاب
مصر قالت أنحيازي عمره ماكان لأنتهازي
مستحيل حقبل تعازي, في الشهيد رغم أعتزاي
ألا من بعد الحساب
مصر قالت الحقيقة في العزيمة والأرادة
هما دول سر الريادة, والعمل افضل عبادة

كتبت : محبة رسول الهدى

حبيبتي بلدي راحت فين
وايه غيرها كده في يومين
بحلفكوا يا مصريين حبيبتي بلدي فين هي
أنا موافق على التغيير و شايف بكره جاي بخير
لكن خايف على بلدي وحابس دمعي في عنيا

أمانه عليكوا تحموها على خلافكوا تبقوها
وخلونا و خلوها تعيش تاني جوه أمان
أنا أحزاني وجعاني حبيبتي بلدي وحشاني
وعاوز أشوفها من تاني عروسه جميله زي زمان

أنا المصري أنا ابن النيل بطبعي شاب شهم أصيل
ومش ناكر لأي جميل ولا جاحد على بلدي
و مهما تفوت يا بلدي سنين علشان الكل مصريين
هنفضل برضو ايد واحده لأخر يوم ليوم الدين

أمانه عليكوا تحموها على خلافكوا تبقوها
وخلونا و خلوها تعيش تاني جوه أمان
أنا أحزاني وجعاني حبيبتي بلدي وحشاني
وعاوز أشوفها من تاني عروسه جميله زي زمان

يارب احمى مصر واهلها وشعبها

كتبت : محبة رسول الهدى

بَحِبِّكْ يا مصرْ

وبعشقْ ترابكْ .

وألِفْ المداينْ

وأرْجعْ لبابِكْ .

وأحِسْ بكيانى

وكرامتى فْ رحابِكْ .

يقولوا فقيره

يقولوا أسيره

بشوفِكْ أميره

وأحبِّكْ يا مصرْ .

بحبِّكْ ملايه ومنديلْ بِقُويا .

مقالبْ من أختى وغتَاته مْنْ أخويا .

ودعوه مِنْ أمى تنسينى همِّى

وحِكْمَه مْنْ أبويا.

وأحبِّكْ صبيِّه على البحرْ جايَّه

فى ساعةْ عصَارى .

ونسمه قُبَالْها تطيَّرْ فى شالْها

تبَيِّنْ جمالها وتِرجعْ تدارى .

وأحبِّكْ مراكبْ تعدِّى إللِّى راكبْ

لبرْ الأمانْ .

يدوبْ جوَّا نيلكْ ويعطشْ يجيلكْ

يقوللِّكْ كمانْ .

وأقابلِكْ ببُوسه فى زفِّةْ عروسه

ولَمَّه فى بيتنا

مع ولادْ حارتْنا

تدُقْ المزاهرْ ترُدْ المزامرْ

تزَغْردْ جارتْنا .

نهلِّلْ نغنى

وحلمْ التمنِّى

ينورْ ليليتنا .

وأحبِّك زياره لبيتْ عمْ سيدْ

ده أصله فقير مِشْ حيقْدرْ يعَيِّدْ

نعَيِّدْ عليه نفرَّحْ عنِيهْ

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى

وإحنا الأجانبْ .

ويلْقَى الرعايهْ ويلْقَى الحمايهْ

على كلْ جانبْ .

ويمشى ف ربوعِكْ ويشبعْ بجوعِكْ

ويعملْ مصايبْ .

ويرحلْ وينسى جِميلِكْ ويقْسَى

ويطْلَعْ يعايبْ .

ويرْجعْ تسامْحى يا ساكنه فْ ملامحى

يا سِتْ الحبايبْ .

ولادِكْ بَنُوكى بروحْهُمْ فَدُوكى

ويِشْهدْ عليهمْ ترابكْ فى سينا .

ومنهُمْ با عوكى عشانْ الشِيروكِى

وفيللَّا فْ مارينا .

يعيشوا فى خيرِكْ ويدُّوهْ لغيركْ

ولادْ اللَّذِينا .

ولوْ جارْ زمانْهمْ يعودُوا لْمكانهمْ

يلاقوا السَكينَهْ .

وتِنْسِى جحودْهمْ وتبكى عليهمْ

عنيكى الحزينهْ .

فى أرضكْ سرَحْتْ فشَلْتْ ونَجَحْتْ

وعشْتْ بْبساطَهْ .

صاحِبتْ الحمَامْ ونِمْتْ فْ سلامْ

ولوَْ عَ البلاطهْ .

تِغَيَّرْ فى شَكلى همومى ومشَاكْلى

لكِنْ روحى لأْ .

أعَبَّرْ بغنْوهْ وأقولْ نُكتهْ حلوهْ

لكِنْ يأسْ لأْ .

ما طيقْشْ الغَتاتهْ

وقلبى المسالمْ ما يعرفْ شّماتهْ

وأقولْ بالتلاتهْ

كتبت : شمعة قلم

الله عليكِ يا مصر

و الكل بيحبك

و الكل يا أمنا

شايلاه هنا فـ قلبك

و الكل مهما بعد أو حتى يتغرب

لازم يجيلو اليوم

يقعد هنا جنبك

***

في ظل شجرة توت

أو حضن جميزه

كان المزاج مبسوط

من طنطا للجيزه

نقعد كدا شله

نحكي نوادرنا

و تسيل دموع العين

مـ الفرحه و اللمه

نفتح قلوبنا لمين

غير ليكي يا طاهره

تاخدينا بالأحضان

و ننام كدا فـ حضنك

***

يا مصر عمرك يوم

ما كنتي يوم قاسية

اصلك رضعتي النيل

و على الضفاف راسيه

نخله و هرم و بيوت

يتحدوا نصل الموت

أما العدو الغدار

ينهار أمام شعبك

***

يا غاليه يا طاهره

عايشين بأنفاسك

عايشين هناك بره

حاسّين بإحساسك

و نقول بعلو الصوت

و الفخر مصريين

كاسبين جمال الروح

و الخفه من طبعك

و اللي شرب مـ النيل

لازم هيرجعلك

مصـــــــــــــــــــر

مجتمع رجيم / فيض القلم

نصيحة الاسد لابنه

لا عذر لديك