♥-كيكة الدوامة -♥
مجتمع رجيم / ركن الحلويات
كتبت :
محبة رسول الهدى
-
يارب تكونوا بخير
أنا عملت كيكة جميلة
قولت لازم حبايب قلبى يشوفوها
وطعمها رووووعه بجد
فقلت افرجكم عليها
المقادير
3 كوب دقيق
كيس بيكنج بودر
2/1 1 كوب سكر
4/3 كوب زيت دره(وممكن زيت وزبده مع بعض)
5 بيضات
فانيليا
1 كوب عصير برتقال
بشر برتقال
الطريقه
نخلط السكر والبيض والفانيليا والزيت مع بعض
نضربهم لمدة 10 دقايق علي الاقل
نضيف الدقيق والبيكنج بودر
وطبعا ننخلهم علشان الهواء يتخلل جواهم
نضيف عصير البرتقال وبشر البرتقال
وحضرت صينيه ودهنتها زيت ورشة دقيق
وقسمت خليط الكيك نصفين ونص منهم حطيت عليهم كاكاو خام
حطيت شويه من خليط الكيك الابيض في نص الصينيه ثم جزء من خليط الكاكاو وهكذا
بالتبادل مرة أبيض ومرة كاكاو
بعد كده نجيب خله اسنان ونعمل خطوط من بره لجوه وبعدين من جوه لبره
ودى صينية مربعة
دي شكلها في صينيه مستطيله
ونسخن الفرن لدرجه 180 درجه من قبل مانحط في الصينيه بربع ساعه
ولما ندخل الصينيه الفرن مش نفتحه قبل تلت ساعه ونتأكد أن الكيك استوي عن طريق وضع سكينة في نص الكيك ولما تطلع نضيفه يبقي الكيك استوي
ودي شكلها بعد ما استوت
وده شكل قطعه كيك
يارب تعجبكم