الأرز باللبن المعمر الحلو من مطبخى
مجتمع رجيم / ركن الحلويات
كتبت :
محبة رسول الهدى
-
ازيكم ياأجمل وردات
يارب تكونوا بخير وسعادة
طبعا احنا عارفين الرز المعمر مطلوب فى الشتا ازاىده غير ان طريقته سهلة وبسيطة جدا
المقادير
2 كوب رز
2 ونص كوب لبن حليب
6 ملاعق كبيرة سكر
فانيليا
زبدة على حسب مابتحبيها(انا استعملت زبدة فلاحى)
الطريقة
هتغسلى الرز وتنقعيه لمدة ساعتين وبعد كده تصفيه من المية وتحطى عليه اللبنويكون مخلى بالسكر ونضيف الفانيليا وبعد كده تحطى الزبدة معلقتين كبار أو أكتر على حسب ماتحبى انا دخلته فرن الكهربا على حرارة 200 اخد حوالى نص ساعة وطفيت أول ماالوش أحمر بعد كده دخلته فرن البوتاجاز شغلت الشواية من فوق عشان الوش ياخد لمعة
دلوقتى اسيبكم مع الصور بالترتيب
وهنا ضيفت قطع ذبده بس مش كتير
وضيفت عليه زبيب
وده الشكل النهائى
