طريقتى التانية للرز باللبن الحلو عملتها لأولادى يوم رأس السنة الهجرية والله أحلى من الجاهز
مجتمع رجيم / ركن الحلويات
كتبت :
محبة رسول الهدى
-
أنا النهارده نزلت طريقة رز بالبن حلو
وقولت علشان خاطر حبايب قلبى أنزل الطريقة التانية
بجد أحلى وأطعم من الجاهزة وتحدى
ومنتظرة التطبيق ياقمرات
وبالتفصيل من مطبخى
والموضوع مش مكلف وبسيييييييط خالص
تعالو الاول نشوف هنحتاج ايه
طبعا هقول مقاديرى وانتى عليكى تزودى أو تقللى حسب عدد أسرتك
كيلو ونصف لبن (( ممكن أقل أوأكتر ))
كوب أرز مغسول ومنقوع ساعه
نشا هنحتاح 3 معالق كبيره
حبه مستكه (( وده السر بقى ))
ملعقة ذبده صفرا - ممكن سمن بس نص ملعقة علشان يبقى خقيف
3 معالق لبن بودره (( كوب لبن بودره ))
سكر حسب الرغبه
التزيين حسب الرغبه
ملحوظه فيه ناس بتحب تضيف قشطه لو تحبى بالخطوه الاخيره ضيفى أنا مش بحبها الصراحه والوصفه مش محتاجه
الطريقه
أنا عرفت السر تابعونى بالخطواات هتعرفواااا
علشان افيدكم بتجربتى وعايزة أشوف التطبيق
تعالو واحده واحده معايا
الأول
دى اللى هنحتاجة
بعدين هنجيب معلقه الذبده او النص من السمنه فى الحله ونسخنها كويس
هنضيف واحده المستكه عليها وأول ماتسيح نضيف الرز
واحده بس مش كتير وهى حجمها صغير جدا
هتقلبى الرز شويه دقيقه كده وهتشمى ريحه تحفه والله
وبعدين هتضيفى شويه لبن صغيرين أقل من نص كوب يعنى
وده بقى السر
خليكو معايا
أول مايغلى غلوتين ويبدأ الرز ينفش ويشرب اللبن هتضيفى شوية لبن تانى
هنا الرز وهو بيغلى
ياريت تعملوه وأنتم مشغولين بحاجه فى المطبخ بيكون أفضل عشان السهو أسألى مجرب
هنا الرز بيغلى وشرب شويه اللبن طيب وبعدين هنضيف شويه لبن تانى
متزهقوش ولا تقولوا ايه التعب ده هتحسوا بالفرق لما تدوقوه
هنا اتاكدنا بقى ان الرز اتهرى هه اقصد استوا كووووووووويس وبقى تمام
هنحلى الباقى من اللبن ونضيفوا كله
ونروح بقى لكوبايه اللبن البودره ونحط عليها 3 معالق النشا
هندوب النشا كويييييييييييس باللبن
هنضيف النشا على الرز بتاعنا ونقلب عشان القوام يتقل
هنحط الرز باللبن فى الأطباق
والتزيين حسب الرغه قرفه مكسرات زى ماتحبوااا
هنا صورهب المكسرات
صوره ساده من غير مكسرات
دة طبق للرد والتقييم
وبالهنا والشفا
ومتنسوش تجربوه وتقولولى النتيجه علشان أما ناديت على سلفتى تساعدنى علشان أعرف أصور
وبتقولى لما أشوف أخرتها ايه محدش هيعبرك موافقين على الكلام ده
بحبكم فى الله
