كب كيك الشاطريين "أحلى أكلات أطفال"
مجتمع رجيم / اكلات مصوره للاطفال
كتبت :
زووووزه
-
دي أول مشاركه ليه فى " أحلى أكلات أطفال "
يارب تعجبكو ولانى وعدت ابنى لو ذاكر كويس هيعمل معايا الكب كيك ده غير انه هياكلها
وطبعا خلّص المذاكره بسرعه علشان يعمل معايا
ومن غير رغي كتيييييييييييير نيجى للمقاديييييير
هنحتاج : ـ
3 بيضات
فانيليا
نص كوب زيت
1 كوب سكر
1 كوب عصير برتقال
بشر برتقاله
3 كوب دقيق
1 كيس بيكنج بودر
فى الخلاط نحط العصير ، السكر ، البيض ، الفانيليا ، الزيت ونخلطهم كويس ونحطهم فى طبق كبير
نضيف قشر البرتقال وننخل الدقيق والبيكنج بودر ونضيفهم على الخليط ونقلب بمضرب سلك
نجيب صوانى الكب كيك ونحط فيها ورق البيليسيه طبعا الرص كان من نصيب محمود
نصب الكيك ف القوالب لغايه النص بس لانها هتنفش
ونخبزها ف الفرن لمدة 15 دقيقه ونطلعهم
نسيبهم يبردوا وبعدين نزينهم
أنا استعملت الشيكولا وفرماسيل ألوان وقطع الربسوس
والشكل النهائى بعد التزييين ومساعدة حوده حبيبى
زووووووووووووووووووووووم
وده شكلى لانى مكلتش منها رجييييييييييييييييييم
ايه رأيكم يا قمراااااااااااااااااااات
فى انتظار ردودكم الحلوه
