ماما نيفيا من مطبخى لعيونكم
مجتمع رجيم / ركن الحلويات
كتبت :
ام رحمه
-
ازيكم يااحلى وردات كنت بتفرج على التلفزيون لقيت خير اللهم اجعله خير شيف كان بيعمل ايه ماما نيفيا مين ماما نيفيا دى طبعا اكيد كلنا نعرفها هى تبقى كيكة الموز بس بطريقه مختلفه هو قال الاسمين وانا اخترت الاولانى اصله عجبنى اوى ماما نيفيا ده
هههههههههههههه طبعا لقيت كل حاجه متوفره عندى والحمد لله قلت اقوم اجرب وطلعت ماشاء الله هشه وطعمها تحفه اتمنى انكم تجربوهانبدء بالمقادير وبلاش رغى كتير
2 كوب دقيق
1 كوب سكر ممكن اكتر حسب الرغبه لانى مش بحب السكر كتير
عدد 4 بيض متوسط
فانيليا
ربع كوب زبده
4 معالق زيت
بكينج بودر كيس او معلقه كبيره
عدد 4 اصابع موز
معلقه صغيره قرفه
ربع كوب جوز هند ناعم
قطعة جنزبيل فريش
الطريقه هنضيف الزيت فى طاسه على النار ونضيف عليه شرائح الموز والقرفه والجنزبيل وجوز الهند لغايه مايلين الموز وس جيدا بالشوكه ونتركه جانبا ليبرد تماما
وده شكله
وبعدين هنضرب الزبده مع السكر لغاية ماتبقى كريمه
وبعدين هنضيف البيض والفانيليا والدقيق وخليط الموز اللى عملناه سابقا وده بيكون قوامها
ونجيب صينيه مبطنه بالزبده والدقيق ونصب فيها الخليط وندخلها فرن متوسط الحراره لمدة 45 دقيقه
وده بيكون شكلها بعد ماتطلع من الفرن
من فضلكم محدش يعيب
انا اول مره اعملها محدش له دعوه بالشكل المهم الطعم والله خرافه وهشه جدا على فكره انا عملتها احلى من الشيف ههههههههههههه اه والله هو عملها بالجرامات واحنا طبعا مش بتوع جرامات وكمان هى كانت بتفرول منه جدا وهو بيقطعها لكن الحمد لله مفرولتش منى نهائى اتمنى انكم تجربوها والله هتعجبكم جدا واطفالكم هيحبوها زى بناتى ومتنسوش التقييم ياقمراتى
سلااااااااااااااام
