ملف كامل للعروس ولكل من تريد أن تكون دائما عروس

مجتمع رجيم / العروسة
كتبت : مسلمة
-
كدا تقريبا خلصنا الشقة كلها

يوووووووووووووووو لسة لسة السجاجيد و الستائر ( دى برضة على العروسة)

حاولو متجيبوش سجاجيد كبيرة لغرفة النوم يعنى مشاية قدام السرير و من على الجوانب او سجاجيد صغيرة

و حاولو تتدو مساحات واسعة كتير

و انتم بتشترو الاثات العفش يعنى متحاولوش تجيبو الكبير قوى علشان متخنقوش الشقة

و متلقوش بعد كدا مساحات فاضية تتحركو فيها

كمان لو بتحبو الزرع هاتو زرع اخضر بيدى منظر جميل داخل الشقة
كتبت : مسلمة
-
فاضل بقا حاجاتك انت يا أحلى عروسة

بالنسبة للملابس شوفى انت حتتجوزى فى اى فصل يعنى لو فى الصيف هاتى الهدوم الصيفى اكتر ( قمصان النوم و الانجيرى )

و الشتوى اقل شوية أو العكس

متجبيش لانجيرى كتير لانك مش حتلبسيهم الافى غرفة النوم هاتى طمقين او ثلاثة بس شيك و الباقى قمصان عادية

حاولى تجيبى بيجامات جل و قطن كتير حتريحك فى شغل البيت اكتر

و متنسيش حركات الدلع بالنهار مع جوزك

يعنى هاتى شورتات و بديهات و جيبات قصيرة

الارواب هاتى 2 شتوى
و 3 او 4 صيفى

ملابس الدخلية حاولى تجيبى القطن اكتر علشان الصيف

كمان ملابس الخروج متكتريش فيها قوى لسبب

لانك بعد الجواز ان شاء الله حتبقى حامل و فى فترة الحمل دى جسمك حيتغير

و كمان بعد الولادة (خدى بالك من المووضع دا)
كتبت : مسلمة
-
محلات فساتين الزفاف والسهرة نبدأ

مدينة نصر

1- مالبي عباس العقاد
2- بجوار اربل اول عباس العقاد محل للفساتين السواريه امام مالبي
3- نورهان عباس العقاد وملحق بيه اتيله خاص بالمحل
4- جيني لاروش كايرو اخر عباس العقاد
5- ندا بجنينه مول وله فرعين كمان في الموسكي
6- ماي ليدي بالسراج مول
7- اتيليه ناديه الشيخ بسيتي سنتر شارع مكرم عبيد
8- البيت الابيض اول طريق النصر
9- العقاد مول به محلات لفساتين السواريه
10- اتيله الهوانم بجوار اخر ساعه فرع الجامعه العماليه (طريق النصر)

مصر الجديدة

1- العبودي ميدان روكسي
2- العروسة ميدان روكسي بجوار الطاوس
3- مالبي في شارع ابراهيم اللقاني
4- نورهان فرع مصر الجديدة في شارع الاهرام
5- كابلو كابلو به سواريهات شارع الاهرام امام الحريه مول
6- جيني لاروش كايرو عمارات العبور عماره رقم 6
7- اتيله فرحة لفساتين الزفاف عمارات العبور عمارة رقم 12

المهندسين

1- البيت الابيض سور نادي الزمالك
2- مختار اول شارع شهاب به فساتين سواريهات
3- ماي ليدي بميدان لبنان
4- فيه محل سواريهات تحفه في العجوزة على الكورنيش هاحاول اجيبلكم عنوانه بالضبط

وسط البلد


1- اتيله عادل ابو هميله في شارع سليمان باشا
2- العروسة بشارع قصر النيل
3- شارع 26 يوليو به محلين مش فاكره اسمائهم سامحوني
4- طبعا ملحق هيلتون رمسيس به محلات سواريهات تحفه
5- ممر الكونتيننتال به مجموعة محلات متوسطة الزوق

الجمل له فرع في شارع رمسيس عند غمره وفرع في عمارات السعودية بالسواح وده بيبيع ويفصل وياجر


@ المحلات لفساتين الافراح وبرضة التفصيل

فية مالبى -عباس العقاد

ماى ليدر- السراج مول وكمان طيبة مول

ندى - جنينة مول

نورهان - روكسى وعباس العقاد

العبودى- روكسى

- جيني لاروش كايرو

- نورهان عباس العقاد نورهان ده عنده اتيليه خلف الحديق الدوليه ممكت تاخدي صورة الفستان وتروحي المحل وتساليهم ممكن يفصلوه ليك ولا لا

- سنتر او مول في الهرم اسمه الجمل في جواه محلات كتير للبيع فساتين الزفاف
والتاجيروممكن يعمل لك الموديل اللي انتي عايزاه وتلبسيه انتي اول لبسة وبعدين المحل ياخده تاني وتدفعي نص التمن

- وسمعت كمان عن سنتر في العتبة اسمه الاهرام لبيع الهدوم القطنية


@ تاجير فساتين افراح

- في محلات في روكسى حلوه هو في بطرس غالى
- وفى كمان اتيلهات في محلات هارون اخر روكسي

- سنتر صغير فى بدايه شارع الهرم اسمه ناجيه سنتر مشهور قوى فيه محلات كتيير لتاجير فساتين الفرح واسعارها معقوله ومستواها متوسط تمنه الاصلى ب1500 يتاجر ب200 مثلا وبياجروا حذاء العروسه والورد والطرحه والجيبونه

- وفي في شبرا مصر بونيتا فساتين الافراح بترراوح ما بين 600 : 900 جنيه والسوريهات فيه من 200 الى ما فوق حسب الموديل

طبعا دى كلها محلا القاهرة

بالنسة للاسكندرية
كتبت : مسلمة
-
بالنسبة للاسكندرية

منال القاضي في المنشية
الشيخ فى المنشية برضة اشهر اثنين

وفى بقا فى شارع النبى دنيال حوالى 8 محلات

فى كمان فى سموحة و محرم بك و ايضا

شارع لاجتية الابراهمية اكثر من محل

وفى فى رشدى و جليم على الترام
كتبت : مسلمة
-
و دى عنواين اتلايهات اخرى فى اسكندرية

حنانة وبتعمل حمام مغربي في المنزل

* نورهان أنا اسفة ححذف ارقام الهواتف بس اللى محتاجها يراسلتى على الخاص



كوافيرات

*طارق الصغير
فى مصطفى كامل

*وليد جيجى هو متخصص فى التصفيف والستات اللى عندة هما اللى بيعملوا المكياج للعروسة
نمرة وليد فى الوطنية

*كوافيرة اسمها منى كانت بتشتغل مع وليد جي جي دلوقتي ليها محل خاص اسعارها رائعة جدا بس بتركب ضوافر نسخة الأكريللك وبترسم وبتعمل أشكال للضوافر بالألماظ وبيجلها عرب كتير
ما شاء الله
عنوانها في جناكليس في اسكندرية في
الفاميلي مول -فتح الله الدور الأول بعد الأرضي واسم المحل جاسمين



الملابس
الفساتين


* اتيلية لايف 32ش طوسون باشا _جليم شارع الاذاعة تحديدا
ا
للزفاف والخطوبة والسهرة

* اتيليه نور نوح اللي فوق امريكان فيرنتشر اللي علي شارع ابو قير قرب شعراوي وبيعمل تاجير لاول مرة

* my lady
شارع سورياا برشدى

* اتيليه عزة فى بحري على الترام من ناحية قدورة الجديد اللى على البحر بس ادام الترام بتعمل الموديل اللي تحبية بالكربون
بس احيانابتبقى غاالية انت بس فاصلي معاها كويس

* الى بنات اسكندرية..
فيه خياطة كويسة أوى ممكن تفصل مخصوص أو تأجر
بس للمنقبات فقط
ممكن تعمل فساتين سهرة وأفراح وملابس عادية و اسدالات وبيش وقمصان نوم كمان
وتفصيلها أحسن من الجاهز
رقمها..

نوشا كلاس 393 شارع جمال عبد الناصر المندرة تليفون

* منال القاضى فى محطة الرمل وفى مول جرين بلازا وفى كارفور الاسكندرية

محلات لانجري

فيه محل فرست في محطة الرمل

ومحل مينرفا في نفس الشارع

المحروسة شارع خليل حمادة وانتي طالعة على البحر

وكمان في الوطنية مول اللي في لوران محل بس مش عارفة اسمة عنده حاجات كويسة بردوا

كمان في محل على محطة ترام الهداية جنب محلات الذهب بيبيع شرابات وجوه المحل فيه لانجري راقي جدا

وايت لينين اللي في شارع الاقبال

العطارين

اسالى على سوق الابراهيمية وهو تقريبا اسمة خضر العطار (مفيش غيرة فى الشارع)

وممكن كمان فتح الله فى سموحة عندة كل حاجة تقريبا

وفى وواحد مشهور اوى بسمع عنة اسمة ابو ماضى فى المنشية

عنده ماتريالز الحمام المغربي بيشوف نوع بشرتك وعلي اساسها بيديكي الخلطة و الصابونة والليفو لنعومة الكعبين

ودول اصحاب منتجات اصالة

عندة كل حاجة زى حراز بتاع مصر لانة مشهور اوى بس فين بالظبط روحى الزنقة وشارع فرنسا واسالى على ابو ماضى وهو مشهور اوى

الستائر والمفروشات

بيعمل براقع اللى انتى تختاريها من الكتالوجات
او من النت توريله صورتها وهو يعملهالك المحل اسمه التوأمان فى سيدى بشر بحرى شارع مسجد السلام الموبايل بتاعه

القاعات
جراند لاموور في الداون تاون وفيه سواريه تحفه وسهرايه ده غير طبعا جاردينيا مالهاش حل عامة القاعات اللي في الداون تاون و كتير جدااااااااااااا
كتبت : مسلمة
-
تقريبا كدا انا خلصت الموضوع لو حد عندة افادة يضيفعها يا ريت ولا فى اى سؤال انا موجودة

و لو افتكرت حاجة حضيفها و بالتوفيق لكل البنات
الصفحات الأولى ... 8  9  10  11  12 13  14  15  16  ... الأخيرة

التالي

بطااقات زفاااف هنديه حيااااااكم

السابق

جهاز العروس الشخصي من الالف الى الياء قطعة قطعة

كلمات ذات علاقة
للعروس , ملف , من , تريد , تكون , دائما , عروس , ولكل , كامل