بعد السما ليلحين اتعاني

السلام عليكم ورحمة الله وبركاتة
شخباركم يا بنات وكيف الرجيم وياكم للي اتسوي رجيم وكيف الهمة للي ناوية اتسوي ما بطول عليكم انا انقطعت فترة عن المنتدى استغفر الله اقول السبب احباط لا انشاء الله الله لايقولة هو حاشني اشوي بس ما خليت الاحباط يسيطر علي بس الصج ينقال انا عن جد تعبانة نفسيا لكن جايتكم وانا فاتحة مع نفسي صفحة جديدة صفحة حاسة انها بتكون اتهبل فيها رضى عن النفس والصحة والرشاقة والكشخة وناسة........اهم شي الكشخة المهم تذكرون الشطحة الي كنت فيها لما كان وزني 127 وصار 107 واستغفر الله حاشني غروووووووور وكاني نازلة وزني كلة المهم وزني ثبت عمركم شفتوووو وزن 5 شهوور وهو ثابت بعدها سرت ادور بالنت شي يكسر ثبات الوزن ومافاد يزيد 2 ك ويرد ينزلهم ويثبت مكانة فقلت الحكاية مبدهاش رديت اكل واكل بس بصراحة كنت استحي من زوجي اكل قدامة بقياس لان بيقعدلي رجيمج وتعبج وبتخلي كل شي يروح بلحظة المهم لما اروح بيت امي ويش مطاعم ويش محاشي ويش مجابيس هذا غير الحلوووو طبعا خواتي كانوووو بين معارض للتخبيص الي انا فية وبين انت بكيفج ليمتى بتحرمي نفسج المهم بس بصراحة من داخلي ماكنت راضية عن الي اسوية ......لي عودة

عدناالمهم الاسبوع الماضي دخلت النت وحنيت للمنتدى حنية مو طبيعية حنية كأن فيها عودة وان شاء الله تكون بفايدة مع اني مرات ادخل اشوف تجارب الناجحين واطلع ما اسجل دخول
المهم شفت وحدة منزلة موضوع عن رجيم البيذنجان الي سوااااه زوجها ووايد سحرني وعجبني دخلت اكثر من اشوف اذا كان البيذنجان يساعد عالرجيم ولا لا ولقيت اغلبية المواقع يمدحون فية وماعلية غبار
اليوم السبت قمت مع الطير بعد الصلاة وزنت لقيت وزني 113 (ملاحظة : ترا يابنات يا دبات يا بطات ترا احنا بنعمة متنفسنا الوحيد الي انقول فية اوزانا بكل شفافية ومن غير تعتيم هو هنا فالمنتدى بالذمة هذا الرقم 113ينتقابل فية ناس هو صح رقم مميز بس رقم كارثة و ترا زوجي ما يعرف عنة ومستحيل اقولة اياة هو عبالة ان 88 امتن شي مقارنتا معاة ومع خواته وانا مشيه الموضوع )المهم رحت المطبخ وقشرتلي بيذنجانة دبة مثلي وقطعتها واكلتها ولبسة ورحت الدوام وتريقت بالدوام كوسة نية واخيارة وتفاحة وبرتقالة وناوية اطلع العصر امشي نص ساعة ع ما ؤسم كدا يعني (فديت مصر واهلها )المهم ناوية ادخل كل يوم اسجل ويش صار بيومي السابق
تحياتي لكن يا بنات الدبااااااااات البطاااااااااااااااااات والرشيقات النحيفات
وتوقيعي ما راح اغيرة

مـــــــــــــــــــــــــــــــــــــــــــــــــ ــــــــــــــــــــــــــــــــــــــــووفقه
متــــــــابعه لك وانشاء الله تنزلين
بصحه وعافيه

صباح الخيرات ع البنات الليرات
تسلمين فديتج عطر والله يجبر بخاطرج
امس الي هو السبت كان غداي بيذنجان بالطماط والفلفل البارد (3 بيذنجان مشوي +فلفلة باردة +2طماط +3فصوص ثوم +قليل من زيت الزيتون) نخلطهم سو مع اشوية ملح وبهار وبالهنا والشفا كان علي
س 5 كوب نسكافية وكورن فلكس (سبشل كي)+ 3 بسكوتات نخالة (كرتونتة صفرا استغفر الله كأنة نشارة خشب ) بس انا عاجبني
العشى سلطة بيذنجان (1بيذنجان مكعبات +1خيار +نص جزرة+2ورق خس+2مكعب جبن قليل الملح والدسم+نص ليمونة +1فص ثوم )وبصراحة كان شي شي
والماي بالهبل اشرب

حلوووووووووووووووووو

بالتوفيييييييييق
استمري ومن المتابعين لك ان شاء الله
(كلامك كله صحيح المكان الوحيد لنعترف به باوزانا هو المنتدى
وفي الخارج ماحد يدري عن هذا الوزن ,وحاطه لاهلي وصاحباتي خط احمر ماحد يتجاوزه
ممنوع ثم ممنوع السؤال كم وزني ,كل اهلي وصاحباتي اوزانهم بين الخمسين والستين
يعني مايصير اقول وزني )