يوم من عمري ~*~2~*~

مجتمع رجيم / مقهى وردات رجيم
كتبت : كلمة صدق
-
السلام عليكم ورحمة الله وبركاته

اليوم هحكي لكم عن يوم اخر من ايام عمري

يوم فاصل في حياتي بشكل عام

~*~2~*~ o0ngveopgcq0gbfd9ej.



ههههههه

انه يوم خطبتي

بس للاسف ما عندي صور


من حوالي اربع سنوات ونصف
كانت تدور محادثات جانبية بين عمتي وامي وابي .. وطبعا انا باحساس البنات كنت على ثقة ان هذه المحادثات تدور حول عريس لي ههههههه
بس كنت اعمل نفسي مش فاهمة ههههههه

المهم في يوم وبعد عودتي من العمل كنت واقفة مع امي في المطبخ لقيتها بتقولي عمتك جايبة لك عريس
طبعا انا عملت نفسي متفاجئة من الخبر ههههههه
وبدأت اسأل الاسئلة المعتادة مني في مثل هذه الحالات

اسمه ايه ؟؟
عنده كام سنة ؟؟
بيشتغل ايه ؟؟

وكل سؤال امي ترد عليه ببساطة ..
بس انا كنت حاسة ان فيه حاجة .. لان امي كانت متوترة وعلى غير عادتها

ووجدتها تقولي بس هو كان متزوج قبل كده .. وانفصل عنها
فقلت لها طيب وايه المشكلة ... اكيد كان له اسباب ..
طبعا هي تفاجئت بردي هههههههه حتى انا نفسي تفاجئت ... بس انا حبيت اخفف عنها وطئة التوتر اللي كانت حاسة بيه ..
وكمان لانها قبل كده كل ما كان يجي لي عريس وارفضه كانت لازم تتخانق معايا كأنه اخر رجل في الكون مثلا

المهم قلت لها يجي ونشوفه الاول وبعد كده نقرر ..
طبعا انا كان في نيتي اني ارفض .. وان حضوره مجرد تحصيل حاصل .. وكده كده انا مستحيل اوافق اني اتزوج واحد مطلق

تم تحديد يوم لزيارتهم لنا وكان يوم جمعة عشان ده كان يوم اجازتي من الشغل
وحضر العريس مع امه وابوه واخته اللي هي في الاصل كانت جارة لعمتي في الغربة

دخلوا وجلسوا في الصالون
وانا واقفه وراء باب يفصل الصالون عن باقي الشقة عايزة اشوف شكله من باب الفضول

بعد عشر دقايق امي ندهت علي ...

دخلت وسلمت على الجميع وجلست على كرسي مقابل له
وفجأة ..
فجأة ..
تغيرت نيتي في الرفض تماما هههههههه
ووجدت نفسي انكمش في الكرسي بعد ما كنت داخلة وناوية على نية سودة ههههههههههه

بعد قليل اقترحت اخته ان نجلس سويا على جنب كي نبدأ في التعارف ...
لم اتحدث كثيرا .. بل كنت استمع كثيرا .. كان قاعد يرغي ويرغي ويرغي ههههههههه وانا اقول لنفسي ايه كل الكلام ده ..

ثم استئذنوا للانصراف ، بعد ما ابي طلب مهله اننا نسأل عنهم وانا افكر قبل ما نعطيهم رد

بعد يومين وجدنا احته تتصل وتسأل عن الرد ....
طبعا الرد واضح ههههههههه
وتم تحديد يوم الخطبة وعقد القران

بعد عشر ايام فقط تم عقد قراني ، بعد 3 ايام كان حفل زفافي بس من غير زفاف ههههههههه
مجرد حفل للاشهار لانه تم الاتفاق اني هسافر له بعد الانتهاء من اجراءات الاستقدام


طبعا انا الى الان مش عارفه انا ليه كنت ناوية ارفض ..
وليه وافقت ..

بس بجد الحمد لله اني وافقت .. والحمد لله ان ربنا رزقني زوج صالح ..
ادعو الله ان يرزق كل بنات المسلمين ازواجا مثله

وادعو الله ان يقدرني على اسعاده :)

كتبت : zena
-
يا سلام قصتك حلوه جدااااااااااا


انتي عارفه وانا بقرأ جلست اتخيل كل كلمه والله
وخاصه شكلك وانتي قاعده ومنكمشه عالكرسي خخخخخخخخخخخخخ

يلا يا ستي ربنا يوفقكم مع بعض ويديم المحبه والود بينكم يارب
كتبت : مامت توتا
-
احلى وسام وتقييم
ههههههههههههههه
ضحكتينى كتير يا قمر وحلو
اوى عملت نفسى متفاجئه
حركات بنات بقى
تسلمى
كتبت : كلمة صدق
-
ههههههههههههههه ...
شكرا يا غاليات على المرور الكريم
دمتن بود
كتبت : دينار
-
ربنا يقدرك علي اسعاده ويخليكوا لبعض ويباركلك فيه وفي بناتك


تقبلي تقييمي واعجابي
كتبت : كلمة صدق
-
تسلمي حبيبتي ربنا يبارك لك في زوجك وابنك
شكرا لمرورك الكريم

دمت بود
الصفحات 1 2  3 

التالي

صور و احداث يوم من عمري في محل الاسماك

السابق

مشواري يوم من عمري

كلمات ذات علاقة
من , يوم , عمرى