ان كنتى فوق الـ 100 كيلو وقد التحدي تفضلى معنا..الجزء الثالث

السلام عليكم ورحمة الله وبركاته

طبعا وضح من العنوان ..ان هااليوميات مو جديده ..لكن ماكتب الله لي ان اكسر حاجز المئه

لذا قررت العوده .. والبدايه من جديد

بقولكم قصتي .. انا من ثلاث سنين وانا ابغي اعمل عمليه السمنه اول كنت مفكره تحزيم

بعدين فكرة بالتحوير.. والحين تكميم .. من ثلاث سنين وانا فكري مشغول بهالعمليه ..اللي سبحان الله لم تتيسر لي الى الان

رغم توفر المبلغ المطلوب ..طبعا الايام تمشي والوزن يزيد وانا انتظر العمليه.. وصل وزني 127 لكن الحمد لله بعد سنه نزل 117

طبعا كنت اعرف هالمنتدى .. اقرا تجارب الرجيم واليوميات .. وتحمست خاصه لما شفت موضوع الاخت قهوه عربيه .. بنفس العنوان ..

دخلت وسجلت معاها ..لكن بسبب ظروف ماستمرت .. ففتحت قروب وكان فيه بنات لايمكن انساهم .. دكتور ميمي.. يارب حقق امنياتي

كيكتي .. رودي رودي..عدنيه وافتخر.. دانتيل .. زهرة البراري..نوره 1980..خانتني دموعي..مجروحه2009.. المتفائله بالله

بنات كثير لا استطيع تذكرهم جميعا ..

طبعا مع بعضنا قدرنا ننزل من اوزانا وصل وزني طبعا 110كم ثم فتحنا جروب السمنه بس للاسف ماكملت فيه

وانشغلت بمرضي ..ورجعت افكر بالعمليه طبعا خلال هالسنه نزل وزني خمسه كيلو يعني الحين وزني 105..

قبل سبوعين كلمت الدكتور .. عادل بخش واتفقت معاه ان اروح له الاربعاء 24/2/1433هـ .. والعمليه تكون بعدهابيوم او يومين

لكن كالعاده لم تتيسر لي .. حيث سافر اخي الى خارج المملكه ومعنى هذا اني راح انتظر الى اجل غير مسمى

لذا قررت ان استغل هذا الوقت واعود الى هذا المنتدى الذي كان السبب في نقصاني لكثير من الكيلوات

فمن ترغب .. ان تشترك معي ونشجع بعضنا البعض فحياها الله..

وان شاء الله راح ادخل كل يوم واسجل يومي بالكامل..

تقبلو احترامي